ຂ່າວຫຼ້າສຸດ

ອິດ​ສະ​ຣາ​ແອນ ສ້າງ​ໂອກາດ​ເພີ່ມ​ເຕີມ​ໃຫ້​ແກ່​ແຮງ​ງານ​ຕ່າງປະເທດ

95 15 ສ.ຫ. 2018 ຂ່າວຕ່າງປະເທດ
ອິດ​ສະ​ຣາ​ແອນ ສ້າງ​ໂອກາດ​ເພີ່ມ​ເຕີມ​ໃຫ້​ແກ່​ແຮງ​ງານ​ຕ່າງປະເທດ

    ວັນ​ທີ 12 ສິງຫາ​ນີ້ ອິດ​ສະ​ຣາ​ແອນ​ໄດ້​ຮັບຮອງ​ການ​ກຳນົດ​ແຮງ​ງານ​ຕ່າງປະເທດ 2.000 ຕຳແໜ່ງ​ງານ ທີ່​ໄດ້​ຮັບ​ອະນຸຍາດ​ເຮັດ​ວຽກ​ຢູ່​ໃນ​ອິດ​ສະ​ຣາ​ແອນ ເພື່ອ​ທົດ​ແທນ​ໃຫ້​ແກ່​ແຮງ​ງານ​ທີ່​ຂາດ​ດຸນ​ໄປ ຢູ່​ໃນ​ຂະແໜງການ​ອຸດສາຫະກຳ.

    ແຮງ​ງານ​ຈຳນວນ​ດັ່ງກ່າວ ຈະ​ໄດ້​ຮັບ​ເງິນເດືອນ​ສູງ ຊຶ່ງ​ໜ້ອຍ​ສຸດ​ກໍ​ແມ່ນ​ຢູ່​ທີ່​ລະດັບ  130% ເມື່ອ​ທຽບ​ໃສ​ລະດັບ​ເງິນເດືອນ​ສະເລ່ຍ 2.727 ໂດ​ລາ​ສະຫະລັດ ຢູ່​ໃນ​ອິດ​ສະ​ຣາ​ແອນ. ດັ່ງນັ້ນ ແຮງ​ງານ​ຕ່າງປະເທດ​ແຕ່ລະຄົນ ຈະ​ໄດ້​ຮັບ​ຢ່າງ​ໜ້ອຍ 3.548 ໂດ​ລາ​ສະຫະລັດ/ເດືອນ.

    ທີ່​ກ່າວ​ມາ​ນັ້ນ ນັບ​ວ່າ​ເປັນ​ວິທີ​ການ​ແກ້​ໄຂ ທີ່​ຕອບ​ສະໜອງ​ຕາມ​ຄວາມ​ຕ້ອງການ​ແຮງ​ງານ​ທີ່​ມີ​ສີມື​ສູງ ຢູ່​ໃນ​ຂະແໜງການ​ອຸດສາຫະກຳ​ຂອງ​ອິດ​ສະ​ຣາ​ແອນ ພ້ອມ​ກັນ​ນັ້ນ​ກໍ​ເປີດ​ກວ້າງ​ຂອບ​ຂະໜາດ​ການ​ຜະລິດ ແລະ​ສ້າ​ງວ​​ຽ​ກເຮັດ​ງານ​ທຳ​ເພີ່ມ​ເຕີມ​ໃຫ້​ແກ່​ແຮງ​ງານ​ພາຍ​ໃນ​ປະເທດ. ຕົວ​ເລກ​ຈາກ​ອົງການ​ສະຖິຕິ​ສູນ​ກາງ​ອິດ​ສະ​ຣາ​ແອນ ໃຫ້​ຮູ້​ວ່າ ປັດຈຸບັນ​ນີ້ ມີ​ວຽກ​ເຮັດ​ງານ​ທຳ​ຫຼາຍ​ພັນ​ລາຍການ ຢູ່​ໃນ​ຂະແໜງການ​ຕ່າງໆ​ໃນ​ອິດ​ສະ​ຣາ​ແອນ.

    ທາງ​ການ​ອິດ​ສະ​ຣາ​ແອນ ໃຫ້ການ​ຄາດ​ຄະເນ​ວ່າ ສະພາບ​ຂາດແຄນ​ກຳລັງ​ຄົນ ຢູ່​ໃນ​ຂະແໜງການ​ອຸດສາຫະກຳ ຈະ​ຮ້າຍ​ແຮງ​ຂຶ້ນ ເມື່ອ​ແຮງ​ງານ​ເຂົ້າ​ເມືອງ​ໃນ​ປະລິມານ​ຫຼາຍ ທີ່​ມາ​ຈາກ​ອະດີດ ສະຫະພາບ ໂຊ​ວຽດ ຕັ້ງແຕ່​ສະໄໝ​ຊຸມ​ປີ 90 ຂອງ​ສະຕະວັດ​ທີ 20 ມາ​ຮອດ​ເວລາ​ນີ້ ກໍ​ເຖິງ​ໄວ​ຮັບ​ເບ້ຍ​ບຳນານ​ແລ້ວ. ກຸ່ມ​ແຮງ​ງານ​ດັ່ງກ່າວ ກວມ​ເອົາ​ສ່ວນ​ໜຶ່ງ​ທີ່​ຫຼາຍ​ພໍ​ສົມຄວນ ຢູ່​ໃນ​ກຳລັງ​ແຮງ​ງານ​ທີ່​ມີ​ສີມື​ໃນ​ການ​ເຮັດ​ວຽກ​ຢູ່​ໃນ​ຂົງເຂດ​ການ​ປະດິດ​ສ້າງ​ຢູ່​ໃນ​ອິດ​ສະ​ຣາ​ແອນ.

 

ຂ່າວທີ່ກ່ຽວຂ້ອງ