ຂ່າວຫຼ້າສຸດ

ກູ​ບາ​ເລີ່ມ​ຕົ້ນ​ທາບ​ທາມ​ກັບ​ມະຫາຊົນ​ກ່ຽວ​ກັບ​ຮ່າງ​ລັດ​ຖະ​ທຳ​ມະນູນ

183 15 ສ.ຫ. 2018 ຂ່າວຕ່າງປະເທດ
ກູ​ບາ​ເລີ່ມ​ຕົ້ນ​ທາບ​ທາມ​ກັບ​ມະຫາຊົນ​ກ່ຽວ​ກັບ​ຮ່າງ​ລັດ​ຖະ​ທຳ​ມະນູນ

     ວັນ​ທີ 13 ສິງຫາ​ນີ້ ປະຊາຊົນ​ກູ​ບາ​ຫຼາຍ​ລ້ານ​ຄົນ ໄດ້​ເຂົ້າ​ຮ່ວມ​ຂັ້ນ​ຕອນ​ການ​ທາບ​ທາມ​ຄວາມ ເຫັນ​ປະຊາຊົນ ທີ່​ມີ​ຕໍ່​ຮ່າງ​ລັດ​ຖະ​ທຳ​ມະນູນ​ໃໝ່ ໂດຍ​ຄາດ​ວ່າ​ຈະ​ແກ່ຍາວ​ໄປ​ຮອດ​ວັນ​ທີ 15 ພະຈິກ ທີ່່​ຈະ​ມາ​ເຖິງ.

    ມີ​ກວ່າ 15.000 ຄົນ ໄດ້​ຮັບ​ການ​ປະກອບ​ເປັນ​ຄູ່ ທີ່​ຈະ​ມີໜ້າ​ທີ່​ບໍລິຫານ​ງານ​ໃນ​ການ ທາບ​ທາມ​ຄວາມ​ເຫັນ​ປະຊາຊົນ ຢູ່​ໃນ​ສະຖານທີ່​ເຮັດ​ວຽກ 35.000 ແຫ່ງ ພ້ອມ​ທັງ​ການ​ປະຊຸມ ໃນ​ຊຸມ​ຊົນ ຕະຫຼອດ​ໄລຍະ​ເວລາ​ດຳເນີນ​ຂັ້ນ​ຕອນ​ດັ່ງກ່າວ.

    ທຸກໆ​ການ​ປະກອບ​ຄວາມ​ເຫັນ​ຂອງ​ປະຊາຊົນ​ກູ​ບາ ທັງ​ຢູ່​ພາຍ​ໃນ ແລະ​ຢູ່​ນອກ​ປະເທດ ຕ່າງ​ກໍ​ໄດ້​ຮັບ​ການ​ພິຈາລະນາ ແລະ ​ຕີ​ລາຄາ ຮັບປະກັນ “ຂັ້ນ​ຕອນ​ປະຊາທິປະໄຕ ໂດຍ​ມີ​ການ​ເຂົ້າ ຮ່ວມ​ສ້າງສັນ​ຢ່າງ​ແທ້​ຈິງ​ຂອງ​ປະຊາຊົນ.” ບັນດາ​ຄວາມ​ເຫັນ ແລະ ​ການ​ນຳ​ສະເໜີ ຖືກ​ນຳ​ອອກ ມາ​ພາຍ​ໃຕ້ 4 ຮູບ​ການ ອັນ​ປະກອບ​ດ້ວຍ ການ​ດັດແກ້ ເພີ່ມ​ເຕີມ ຍົກເລີກ ແລະ ​ຂັດຂ້ອງ.

    ດ້ວຍ​ຈຸດປະສົງ​ເພື່ອ​ແກ້​ໄຂ​ຂໍ້​ມູນ​ຕ່າງໆ​ທັງ​ໝົດ ທີ່​ຖືກ​ນຳ​ອອກ​ມາ​ຢູ່​ໃນ​ການ​ປຶກສາ​ຫາລື​ນັ້ນ ບັນດາ​ກຸ່ມ​ເຮັດ​ວຽກ​ຢູ່​ໃນ​ຂັ້ນ​ແຂວງ ນະຄອນ ແລະ​ ລະດັບ​ຊາດ ໄດ້​ຖືກ​ສ້າງຕັ້ງ​ຂຶ້ນ​ມາ ໂດຍ​ທີ່ ສ່ວນ​ໃຫຍ່​ຂອງ​ບັນດາ​ສະມາຊິກ​ແມ່ນ​ເປັນ​ທະນາຍຄວາມ ແລະ​ຄູ​ອາຈານ.

    ຫຼັງ​ຈາກ​ສຳເລັດ​ຂັ້ນ​ຕອນ​ການ​ທາບ​ທາມ​ຄວາມ​ເຫັນ ແລະ ​ອີງໃສ່​ການ​ນຳ​ສະເໜີ​ຂອງ​ປະຊາຊົນ ແລ້ວ ສະພາ​ແຫ່ງ​ຊາດ​ກູ​ບາ ກໍ​ຈະ​ຮ່າງ​ລັດ​ຖະ​ທຳ​ມະນູນ​ນັ້ນ​ຄືນໃໝ່ ແລະ ​ນຳໄປ​ສູ່​ການ​ຢັ່ງ​ສຽງ ປະຊາ​ມະຕິ​ໃນ​ວັນ​ທີ 24 ກຸມພາ 2019 ແລະ ​ຫຼັງ​ຈາກ​ນັ້ນ​ກໍ​ລົງ​ຄະແນນ​ສຽງ​ຮັບຮອງ ເອກະສານ​ດ້ານ​ກົດໝາຍ​ສູງ​ສຸດ​ດັ່ງກ່າວ  ຢູ່​ໃນ​ສະໄໝ​ສະພາ​ແຫ່ງ​ຊາດ ຊຶ່ງ​ຈັດ​ຂຶ້ນ​ຫຼັງ​ການ​ຢັ່ງ​ສຽງ ປະຊາ​ມະຕິ.

ຂ່າວທີ່ກ່ຽວຂ້ອງ