ຜູ້ນຳ​ອິດ​ສະ​ຣາ​ແອນ ແລະ​ເອ​ຢິບ​ປຶກສາ​ຫາລື​ກ່ຽວ​ກັບ​ສະພາບ​ການ​ໃນ​ເຂດ​ກາ​ຊາ

134 15 ສ.ຫ. 2018 ຂ່າວຕ່າງປະເທດ
ຜູ້ນຳ​ອິດ​ສະ​ຣາ​ແອນ ແລະ​ເອ​ຢິບ​ປຶກສາ​ຫາລື​ກ່ຽວ​ກັບ​ສະພາບ​ການ​ໃນ​ເຂດ​ກາ​ຊາ

      ຂ່າວສານ​ຊິນ​ຮວາ ລາຍ​ງານ​ອ້າງ​ຕາມ​ແຫຼ່ງ​ຂ່າວ​ຈາ​ໂທລະພາບ​ຊ່ອງ Channel 10 TV ດ້ວຍ​ພາສາ​ແຮ​ບຣີວ (Hebrew) ໃຫ້​ຮູ້ເມື່ອ​ວັນ​ທີ 13 ສິງຫາ​ນີ້​ວ່າ ນາຍົກລັດຖະມົນຕີ​ອິດ​ສະ​ຣາ​ແອນ ເບນ​ຈາ​ມິນ ເນ​ຕັນ​ຢາ​ຮູ ແລະ​ ປະທານາທິບໍດີ​ເອ​ຢິບ ອັບ​ເດລ-ຟາ​ຕາ ເອ​​ລ-ຊີ​ຊີ ໄດ້​ພົບ​ປະກັນ ຢ່າງ​ປິດ​ລັບ​ຢູ່​ທີ່​ນະຄອນຫຼວງ​ເລີ​ແກ (ເອ​ຢິບ) ເມື່ອ​ວັນ​ທີ 22 ພຶດສະພາ 2018 ເພື່ອ​ປຶກສາ​ຫາລື ກ່ຽວ​ກັບ​ສະພາບ​ການ​ຢູ່​ໃນ​ເຂດ​ແຫຼມ​ກາ​ຊາ.

    ການ​ພົບ​ປະ​ດັ່ງກ່າວ ໄດ້​ສຸມ​ໃສ່​ຄວາມ​ພະຍາຍາມ​ຂອງ​ເອ​ຢິບ ເພື່ອ​ຊອກ​ຫາ​ວິທີ​ການ​ແກ້​ໄຂ ໂດຍ​ທາງ​ການ​ທູດ ໃຫ້​ແກ່​ສະພາບ​ການ​ຢູ່​ໃນ​ເຂດ​ແຫຼມ​ກາ​ຊາ ອັນ​ປະກອບ​ດ້ວຍ​ການ​ຟື້ນ​ຟູ ສິດທິ​ໃນ​ການ​ຄຸ້ມ​ຄອງ ຂອງ​ອຳນາດ​ການ​ປົກຄອງ​ປາ​ແລັດ​ສະ​ຕິນ (PA) ຢູ່​ໃນ​ກາ​ຊາ ພ້ອມ​ກັນ​ນັ້ນ​ກໍ​ແມ່ນ​ຂໍ້​ຕົກລົງ​ຢຸດ​ຍິງ ລະຫວ່າງ​ອິດ​ສະ​ຣາ​ແອນ ກັບ​ກຸ່ມ​ປະກອບ​ອາວຸດ​ຮາ​ມາ​​ສ. ເພື່ອ​ເປັນ​ການ​ຕອບ​ແທນ ອິດ​ສະ​ຣາ​ແອນ ແລະ​ເອ​ຢິບ ຈະ​ໂຍະຍານ​ການ​ປິດ​ລ້ອມ ທີ່​ແກ່ຍາວ ມາ​ເປັນ​ເວລາ 11 ປີ ສຳລັບ​ເຂດ​ດິນ​ຂອງ​ຊາວ​ປາ​ແລັດ​ສະ​ຕິນ.

    ຜູ້ນຳ​ທັງ​ສອງ​ກໍ​ໄດ້​ປຶກສາ​ຫາລື ກ່ຽວ​ກັບ​ແຜນການ​ສັນຕິພາບ​ຂອງ ສ ອາ​ເມ​ຣິ​ກາ ເພື່ອ​ຊຸກຍູ້​ວິທີ​ການ​ແກ້​ໄຂ ໃຫ້​ແກ່​ການ​ພິພາດ ລະຫວ່າງ​ອິດ​ສະ​ຣາ​ແອນ ກັບ​ປາ​ແລັດ​ສະ​ຕິນ.

 

ຂ່າວທີ່ກ່ຽວຂ້ອງ