ຂ່າວຫຼ້າສຸດ

ເກີດ​ອຸບັດເຫດ​ທາງ​ການບິນ​ຢູ່​ໃນ​ຕາ​ຈີ​ກິດ​ສະຖານ

240 15 ສ.ຫ. 2018 ຂ່າວຕ່າງປະເທດ
ເກີດ​ອຸບັດເຫດ​ທາງ​ການບິນ​ຢູ່​ໃນ​ຕາ​ຈີ​ກິດ​ສະຖານ

     ຄະນະ​ກຳມະການ​ແກ້​ໄຂ​ສະຖານະ​ການ​ສຸກ​ເສີນ​ຂອງ​ຕາ​ຈິ​ກິດ​ສະຖານ ແຈ້ງ​ໃຫ້​ຮູ້ເມື່ອ​ວັນ​ທີ 13 ສິງຫາ​ນີ້​ວ່າ ໄດ້​ເກີດ​ອຸບັດເຫດ​ເຮືອບິນ Mi-8 ຕົກ​ຢູ່​ໃນ​ເຂດ​ສາຍພູ ອິ​​ສ​ມໍ​ອິ​​ລ ໂຊ​ໂມ​ນີ ທີ່​ມີ​ລະດັບ ສູງ​ທີ່​ສຸດ​ຢູ່​ໃນ​ປະເທດ​ນີ້ ຊຶ່ງ​ເກີດ​ຂຶ້ນ​ໃນ​ເວລາ​ຫົວຄ່ຳ​ຂອງ​ວັນ​ທີ 12 ສິງຫາ.

   ຂ່າວ​ແຈ້ງວ່າ ໃນ​ເວລາ​ມີ​ແຈ້ງ​ການ​ອອກ​ມາ​ນັ້ນ ແມ່ນ​ຍັງ​ບໍ່​ທັນ​​ຮູ້​ເຖິງ​ຊະ​ຕາ​ກຳ​ຂອງ​ຜູ້​ທີ່ຢູ່​ໃນ​ເຮືອບິນ​ລວມ 16 ຄົນ ໃນ​ນັ້ນ​ເປັນ​ນັກ​ປີນ​ພູ 13 ຄົນ ແລະ ຈຸ​ບິນ 3 ຄົນ ຄະນະ​ກຳມະການ​ດັ່ງກ່າວ ໃຫ້​ຮູ້​ຕື່ມ​ວ່າ ເຮືອບິນ​ດັ່ງກ່າວ ບິນ​ລົງ​ຈອດ​ສຸກ​ເສີນ​ໃນ​ສະພາບ​ທີ່​ບໍ່​ສະດວກ.

    ຄະນະ​ກຳມະການ​ດັ່ງກ່າວ ແຈ້ງ​ໃຫ້​ຮູ້​ໃນ​ເວລາ​ຕໍ່​ມາ​ວ່າ ທັງ 16 ຄົນ ທີ່ຢູ່​ໃນ​ເຮືອບິນ​ລຳ​ນັ້ນ ຍັງ​ມີ​ຊີວິດ​ຢູ່.

 

ຂ່າວທີ່ກ່ຽວຂ້ອງ