ກໍາປູເຈຍ ຕັ້ງ ຮອນດະ ເປັນຜູ້ຈັດການທົ່ວໄປ

166 14 ສ.ຫ. 2018 ວົງຈອນກີລາ
ກໍາປູເຈຍ ຕັ້ງ ຮອນດະ ເປັນຜູ້ຈັດການທົ່ວໄປ

ມາຄົມກີລາເຕະບານແຫ່ງປະເທດກໍາປູເຈຍ ສ້າງຄວາມຮືຮາາດ້ວຍການຖະແຫຼງຂ່າວແຕ່ງຕັ້ງ ເຄສຸເກະ ອນດະ ອະດີດກອງກາງທີມຊາຍີ່ປຸ່ນ ໄວ 32 ປີ ເຂົ້າມາເປັນຜູ້ຈັດການທົ່ວໄປຂອງທີມຊາດກໍາປູເຈຍ  ໃນການຖະແຫຼງຂ່າວທີ່ໂງແມເລ ໂຣຢັນ ຣາຟເຟິ ປະເທດກໍາປູເຈຍ  ເມື່ອວັນທີ່ 12 ສິງຫາທີ່ຜ່ານມາ ເພື່ອເຂົ້າມາເຮັດໜ້າທີ່ຊ່ວທີມຊາດກໍາປູເຈຍ  ໃນກາແຂ່ງຂັນເຕະບານຊິງແຊັມອາຊຽລາຍການAFF SUZUKI CUP 2018” ໃນໃນໄລຍະທ້າຍປີນີ້.

          ຮອນດະ ເພິ່ງພາທີມຊາດຍີ່ປຸ່ນທະລຸຜ່ານເຂົ້າເຖິງຮອບ 16 ທີມສຸດທ້າຍ ເຕະບານໂລກ 2018 ທີ່ປະເທດຣັດເຊຍ ແລະ ເຂົາຍັງສ້າງສະຖິຕິເປັນນັກເຕະອາຊີທີ່ຍິງປະຕູໄດ້ຫຼາຍທີ່ສຸດໃນເຕະບານໂລກ ດ້ວຍການຍິງລວມທັງໝົດ 4 ປະຕູຈາກການລົງແຂ່ງຂັນເຕະບານໂລກ 3 ສະໄໝ ຊຶ່ງຫຼັງຈາກຈົບເຕະບານໂລກ 2018 ຮອນດະໄດ້ປະກາດອຳລາທີມຊາດເປັນທີ່ຮຽບຮ້ອຍ ກ່ອນທີ່ເຂົາຫາກໍຍ້າຍມາຮ່ວມທີມເມວເບິນນ ວິກຕໍຣີ່ ໃນເອ-ລີກ ປະເທດອົດສະຕຣາລີດ້ວຍ.

          ຫຼ້າສຸດ ຮອນດະ ໄດ້ຮັບກາฯແຕ່ງຕັ້ງເປັນຜູ້ຈັດການທີມທົ່ວໄປຂອງທີມຊາດກໍາປູເຈຍ  ໂດຍຜູ້ກ່ຽວໄດ້ມາຮ່ວມຖະແຫຼງຂ່າວດ້ວຍຕົວເອງທີ່ປະເທດກໍາປູເຈຍ  ແລະ ມີຜູ້ບໍລິຫານສະມາຄົມກີລາເຕະບານແຫ່ງກໍາປູເຈຍ ມາເຂົ້າຮ່ວມດ້ວຍ

          ສື່ດ້ານກີລາເຕະບານຂອງກໍາປູເຈຍ  ລາຍງານວ່າ ເງື່ອນໄຂການເຮັດວຽກຂອງຮອນດະ ກັບທີມຊາດກໍາປູເຈຍ ຈະມີການປະຊຸມກັບທີມງານທີ່ກໍາປູເຈຍ ຜ່ານການວິດີໂອຄອນເຟີເຣນ ອາທິດລະຄັ້ງ ຈຶ່ງສາມາດລົງຫຼິ້ນໃຫ້ກັບເມວເບິນຕົ້ນສັງກັດໄດ້ຢ່າງບໍ່ເປັນອຸປະສັກ.

           ນອກຈາກນີ້ ຫຼັງຈາກທີ່ ຮອນດະໄດ້ເປັນຜູ້ຈັດການທົ່ວໄປຂອງທີມຊາດກໍາປູເຈຍແລ້ວ ຍັງມີຕຳແໜ່ງເປັນປະທານສະໂມສອນຮ່ວມຂອງທີມໂຊລຕິໂລ ອັງກໍ ເອຟຊີ ທີມນ້ອງໃໝ່ໃນລີກເຕະບານສູງສຸດຂອງກໍາປູເຈຍອີກດ້ວຍ.

ຂ່າວທີ່ກ່ຽວຂ້ອງ