ຂ່າວຫຼ້າສຸດ

NBA ຂັດຂວາງ ຈໍແດນ ຄລາກສັນ ຊ່ວຍທີມບານບ້ວງຟິລິບປິນ ລຸຍ ອຊກ

169 14 ສ.ຫ. 2018 ວົງຈອນກີລາ
NBA ຂັດຂວາງ ຈໍແດນ ຄລາກສັນ ຊ່ວຍທີມບານບ້ວງຟິລິບປິນ ລຸຍ ອຊກ

ສຳນັກຂ່າວຕ່າງປະເທດລາຍງານວ່າ ຝ່າຍຈັດການແຂ່ງຂັນບານບ້ວງເອັນບີເອ (NBA) ອອກມາຢືນຢັນຢ່າງເປັນທາງການແລ້ວວ່າ ຈໍແດນ ຄລາກສັນ ກາດລູກຊອດຟິລິບປິນ-ອາເມຣິກາ ຈະບໍ່ສາມາດໄປຮັບໃຊ້ທີມບານບ້ວງຟິລິບປິນ ໃນກີລາອາຊຽນເກມສ໌ 2018 ທີ່ອິນໂດເນເຊຍ ໃນເດືອນນີ້ໄດ້.

          ກ່ອນໜ້ານີ້ ຄລາກສັນ ຍື່ນຮ່ອງຂໍໄປຫຼິ້ນໃນມະຫະກໍາກີລາອາຊຽນເກມສ໌ຄັ້ງນີ້ໃຫ້ກັບທີມຊາດຟິລິບປິນ ຊຶ່ງຜູ້ກ່ຽວໄດ້ຮັບໄຟຂຽວຈາກຄລີຟແລນ ຄາວາເລຍ ຕົ້ນສັງກັດ ລວມເຖະງ ຄະນະກໍາມະການຂອງອາຊຽນເກມສ໌ ຮຽບຮ້ອຍແລ້ວ.

          ແຕ່ຫຼ້າສຸດ NBA ອອກມາຢືນຢັນເມື່ອວັນທີ 12 ສິງຫາຜ່ານມາວ່າ ເຂົາຈະບໍ່ສາມາດເດິນທາງໄປຮ່ວມແຂ່ງຂັນໃນລາຍການດັ່ງກ່າວໄດ້ ເນື່ອງຈາກບໍ່ຢູ່ໃນຂໍ້ຕົກລົງກັບ ສະຫະພັນບານບ້ວງນານາຊາດ ຫຼື FIBA.

          ໂດຍຖະແຫຼງການຂອງ NBA ລະບຸວ່າ “NBA ມີຂໍ້ຕົກລົງກັບ FIBA ວ່າ ຜູ້ຫຼິ້ນໃນລີກ ຈະສາມາດເຈົ້າຮ່ວມການແຂ່ງຂັນໃນໂອລິມປິກ, ຊິງແຊັມໂລກ, ຄອນຕິເນນຕັນ ຄັບ ແລະ ຮອບຄັດເລືອກຂອງລາຍການເຫຼົ່ານີ້ເທົ່ານັ້ນ ແລະ ເນື່ອງຈາກອາຊຽນເກມສ໌ ບໍ່ຢູ່ໃນຂອບເຂດທີ່ກຳນົດໄວ້ ເຮັດໃຫ້ນັກກີລາໃນ NBA ບໍ່ສາມາດເຂົ້າຮ່ວມໄດ້ ທັ້ງນີ້ NBA ແລະ FIBA ຍິນດີທີ່ຈະໃຫ້ ຈໍແດນ ຫຼິ້ນໃຫ້ທີມຊາດຟິລິບປິນຢ່າງເຕັມທີ່ ຫາກເປັນລາຍການທີ່ຢູ່ໃນຂໍ້ຕົກລົງ”d

          ທັ້ງນີ້ ມີການເປິດເຜີຍວ່າ ເຢງ ກຸຍເຢົາ ໂຄ໊ຊທີມຊາດຟິລິບປິນ ຈະເອີ້ນເອົາ ດອນ ໂທຣນລາໂຢ ຂອງທີເອັນທີ ມາແທນທີ່ຂອງ ຄລາກສັນ ໂດຍຟິລິບປິຈະເປີດສະໜາມນັດທໍາອິດພົບກັບ ກາຊັກສະຖານ ວັນທີ່ 16 ສິງຫານີ້.

ຂ່າວທີ່ກ່ຽວຂ້ອງ