ຂ່າວຫຼ້າສຸດ

ຟີຟ່າ ລົງໂທດອະດີດນັກເຕະແຊມບີສອງປີ ຖານຮັບສິນບົນ

134 14 ສ.ຫ. 2018 ວົງຈອນກີລາ
ຟີຟ່າ ລົງໂທດອະດີດນັກເຕະແຊມບີສອງປີ ຖານຮັບສິນບົນ

ຟີຟ່າ ປະກາດລົງໂທດ ຄາລູຊ່າ ບະວັນຢ່າ ອະດີດນັກເຕະໂເດເດັ່ນແຫ່ງປີຂອງແຊມບີ ຖານຮັບສິນບົນ.

          ອະດີດນັກເຕະບານທີ່ເຄີຍເປັນຜູ້ຈັດການທີມຊາດແຊມບີ ຊຶ່ງປັດຈຸບັນເຮັດວຽກເປັນກໍາມະການບໍລິຫານຂອງສະມາພັນເຕະບານອາຟຣິກັນ ຖືກຈັບໄດ້ວ່າມີການເຊື່ອມໂຍງກັບ ໂມຮໍາເໝັດ ບິນ ຮໍາມໍາ ອະດີດປະທານເຕະບານອາຊີ ຊຶ່ງຖືເປັນການຝ່າຝືນຈັນຍາບັນໃນການເຮັດວຽກ.

          ໂດຍຫຼັງຈາກການສອບສວນ ຟີຟ່າເປີດເຜີຍວ່າ "ເຮົາມຸ່ງເນັ້ນໄປທີ່ການໄດ້ຮັບຜົນປະໂຫຍດຂອງ ບະວັນຢ່າ ທີ່ໄດ້ຮັບຈາກ ທ່ານ ບິນ ຮໍາມໍາ"

          ຟີຟ່າຢືນຢັນວ່າ ບະວັນຢ່າ ຈະຖືກປັບໃໝເປັນເງິນ 100.000 ຟຣັງສວິສ ເມື່ອວັນສຸກທີ່ຜ່ານມາ ພ່ອມກັບໂທດຫ້າມຈາກວົງການເຕະບານສອງປີ.

          ຢ່າງໃດກໍຕາມ ທາງອະດີດດາວເຕະໄວ 54 ປີ ຢືນຢັນປະຕິເສດທຸກຂໍ້ກ່າວຫາ ໂດຍຜູ້ກ່ຽວກ່າວວ່າ "ຂ້ອຍບໍ່ມີທາງຍອມຮັບ ແລະ ຈະບໍ່ເຮັດອັນໃດທີ່ສ້າງຄວາມເສື່ອມເສຍໃຫ້ກັບເກມອັນສວຍງາມນີ້ແນ່ນອນ".

ຂ່າວທີ່ກ່ຽວຂ້ອງ