ຂ່າວຫຼ້າສຸດ

ໄຟຟ້າລາວ ສຸມໃສ່ປັບປຸງວຽກງານການຈຳໜ່າຍໃຫ້ມີປະສິດທິພາບ

184 14 ສ.ຫ. 2018 ຂ່າວໜ້າ​ໜຶ່ງ
ໄຟຟ້າລາວ ສຸມໃສ່ປັບປຸງວຽກງານການຈຳໜ່າຍໃຫ້ມີປະສິດທິພາບ

    ກອງ​ປະ­ຊຸມ​ສະ­ຫຼຸບ​ວຽກ​ງານ 6 ເດືອນ​ຕົ້ນ​ປີ ແລະ ທິດ​ທາງ​ແຜນ­ການ 6 ເດືອນ​ທ້າຍ​ປີ 2018 ຂອງ​ລັດ​ວິ​ສາ​ຫະ​ກິດ​ໄຟ­ຟ້າ​ລາວ (ຟຟລ) ຈັດ​ຂຶ້ນ​ວັນ​ທີ 10 ສິງ­ຫາ 2018 ຢູ່​ສຳ­ນັກ­ງານ​ດັ່ງ­ກ່າວ ໂດຍ​ເປັນ​ປະ­ທານ​ຂອງ​ທ່ານ ບຸນ​ອູ້ມ ສີ​ວັນ­ເພັງ ຜູ້­ອຳ­ນວຍ­ການ​ໃຫຍ່ ຟຟລ ໃຫ້​ກຽດ​ເຂົ້າ​ຮ່ວມ​ຂອງ​ທ່ານ ທອງ​ພັດ ອິນ​ທະ​ວົງ ຮອງ​ລັດ­ຖະ­ມົນ­ຕີ​ກະ­ຊວງ​ພະ­ລັງ­ງານ ແລະ ບໍ່​ແຮ່ ພ້ອມ​ດ້ວຍ​ຄະ­ນະ​ອຳ­ນວຍ​ການ ບັນ­ດາ​ສາ­ຂາ​ໄຟ­ຟ້າ​ລາວ​ປະ­ຈຳ​ແຂວງ  ແລະ ພາກ­ສ່ວນ​ກ່ຽວ­ຂ້ອງ.

ທ່ານ ບຸນ​ອຸ້ມ ສີ​ວັນ­ເພັງ ກ່າວ​ວ່າ: ໄລ­ຍະ​ຜ່ານ​ມາ ຟຟລ ໄດ້​ເອົາ­ໃຈ­ໃສ່​ຢ່າງ​ຕັ້ງ­ໜ້າ​ໃນ​ການ​ພັດ­ທະ­ນາ​ວຽກ​ງານ​ແຕ່​ລະ​ດ້ານ ເປັນ­ຕົ້ນ​ການ​ສຸມ​ໃສ່​ປັບ­ປຸງ​ວຽກ​ງານ​ຈຳ­ໜ່າຍ​ໃຫ້​ມີ​ປະ​ສິດ­ທິ​ຜົນ ແລະ ທັນ​ກັບ​ສະ­ພາບ​ການ ໂດຍ​ເນັ້ນ​ໃສ່ 3 ວຽກ​ຫຼັກ​ໃນ​ທົ່ວ​ປະ­ເທດ​ຄື: ການ​ປັບ­ປຸງ​ວຽກ​ບໍ­ລິ­ການ ການ​ເກັບ​ເງິນ-ທວງ​ໜີ້​ສິນ ແລະ ການ​ແກ້​ໄຂ​ບັນ­ຫາ​ພະ­ລັງ­ງານ​ຕົກ­ເຮ່ຍ ປັດ­ຈຸ­ບັນ​ທົ່ວ​ປະ­ເທດ​ມີ​ແຫຼ່ງ​ຜະ­ລິດ​ກະ ແສ​ໄຟ­ຟ້າ 63 ແຫ່ງ ກຳ­ລັງ​ຕິດ​ຕັ້ງ 6.627,14 ເມ​ກາ​ວັດ ສະ­ເພາະ 6 ເດືອນ​ຕົ້ນ​ປີ 2018 ສາ­ມາດ​ຈຳ­ໜ່າຍ ແລະ ສົ່ງ​ພະ­ລັງ­ງານ​ໄຟ­ຟ້າ​ຂາຍ​ໄປ​ຕ່າງ­ປະ­ເທດ​ໄດ້ 716,31 ລ້ານ​ກິ​ໂລ​ວັດ​ໂມງ ເປັນ​ເງິນ 241,23 ຕື້​ກີບ ເທົ່າ​ກັບ 130,49% (ລື່ນ​ແຜນ­ການ) ໃນ​ລາ­ຄາ​ສະ­ເລ່ຍ​ເທົ່າ​ກັບ 336,76 ກີບ​ຕໍ່​ກິ​ໂລ​ວັດ​ໂມງ ຈຳ­ໜ່າຍ​ຢູ່​ພາຍ​ໃນ (ລວມ​ລູກ​ຄ້າ​ລາຍ​ໃຫຍ່) ໄດ້ 2.844,01 ລ້ານ​ກິ​ໂລ​ວັດ​ໂມງ ເປັນ​ເງິນ 2.056,24 ຕື້​ກີບ ເທົ່າ​ກັບ 90,03% ເປັນ​ເງິນ 90,59% (ຫຼຸດ​ແຜນ­ການ) ທົ່ວ​ປະ­ເທດ​ມີ​ບ້ານ​ທີ່​ມີ​ໄຟ ຟ້າ​ໃຊ້​ຖາ­ວອນ 8.497 ບ້ານ ໃນ​ນີ້ ສາ­ມາດ​ຊົມ­ໃຊ້​ໄຟ­ຟ້າ​ຖາ­ວອນ 7.690 ບ້ານ 1.123.448 ຄອບ ຄົວ ເທົ່າ​ກັບ 93,23% ຂອງ​ຈຳ­ນວນ​ຄອບ­ຄົວ​ທັງ​ໝົດ​ໃນ​ທົ່ວ​ປະ­ເທດ.

    ສຳ­ລັບ​ໂຄງ­ການ​ກໍ່­ສ້າງ​ເຂື່ອນ​ໄຟ­ຟ້າ​ໃນ​ປີ 2018 ຟຟລ ໄດ້​ສືບ­ຕໍ່​ຈັດ​ຕັ້ງ​ປະ­ຕິ­ບັດ​ໂຄງ­ການ​ທີ່​ກໍ່ ສ້າງ​ເອງ 8 ໂຄງ­ການ ກຳ­ລັງ​ຕິດ​ຕັ້ງ 1.087 ເມ​ກາ​ວັດ ໃນ​ນີ້​ໂຄງ­ການ​ກໍ່­ສ້າງ​ສຳ­ເລັດ ແລະ ມອບ​ແລ້ວ​ມີ​ເຂື່ອນ​ໄຟ­ຟ້າ​ເຊ​ເສັດ 3 (23 ເມ​ກາ​ວັດ) ແລະ ເຂື່ອນ​ໄຟ­ຟ້າ​ນ້ຳ​ຄານ 3 (60 ເມ​ກາ​ວັດ) ພ້ອມ​ນີ້​ຍັງ​ໄດ້​ສືບ­ຕໍ່​ກໍ່­ສ້າງ-ປັບ­ປຸງ​ລະ­ບົບ​ສາຍ​ສົ່ງ ໂດຍ​ໄດ້​ສຳ­ເລັດ​ການ​ກໍ່­ສ້າງ​ໂຄງ­ການ​ສາຍ​ສົ່ງ 230 ກິ​ໂລ​ໂວນ (ທ່າ​ບົກ-ນາ​ບົງ) ສາຍ​ສົ່ງ 230 ກິ​ໂລ​ໂວນ (ຫີນ​ເຫີບ-ນ້ຳ​ງື່ມ1-ນາ​ບົງ) ແລະ ໂຄງ­ການ​ສາຍ​ສົ່ງ 115 ກີ​ໂລ​ໂວນ (ຫ້ວຍ​ຊາຍ-ທ່າ​ຟ້າ) ແລະ ໂຄງ­ການ​ອື່ນໆ​ອີກ.

ຂ່າວທີ່ກ່ຽວຂ້ອງ