ແຈ້ງເຕືອນຈະມີພາຍຸໝູນເຂດຮ້ອນພັດຜ່ານ

385 14 ສ.ຫ. 2018 ຂ່າວໜ້າ​ໜຶ່ງ
ແຈ້ງເຕືອນຈະມີພາຍຸໝູນເຂດຮ້ອນພັດຜ່ານ

    ພາ­ຍຸ​ໜູນ​ເຂດ​ຮ້ອນ​ເບີ​ບິນ​ກາ (ຫົວ­ທີ 16) ທີ່​ກໍ່​ຕົວ​ຢູ່​ທະ­ເລ​ຈີນ​ໃຕ້​ຕອນ​ເໜືອ ພວມ​ເຄື່ອນ​ທີ່​ໄປ​ທາງ​ທິດ­ຕາ­ເວັນ­ຕົກ-ຕາ­ເວັນ­ຕົກ​ສຽງ​ເໜືອ ດ້ວຍ​ຄວາມ​ໄວ​ຢູ່​ໃກ້​ຈຸດ​ສູນ​ກາງ 18 ແມັດ​ຕໍ່​ນາ­ທີ ພາ­ຍຸ​ຫົວ​ນີ້​ຈະ​ສືບ ຕໍ່​ເຄື່ອນ​ຜ່ານ​ພາກ​ເໜືອ​ຂອງ​ເກາະ​ໄຮ​ໜານ ແລະ ເຄື່ອນ​ທີ່​ຜ່ານ​ພາກ​ເໜືອ​ຂອງ​ປະ­ເທດ​ຫວຽດ­ນາມ ວັນ​ທີ 16 ສິງ­ຫາ 2018 ຈາກ​ນັ້ນ ຈະ​ຜ່ານ​ເຂດ​ພາກ​ເໜືອ​ຂອງ ສປປ ລາວ ວັນ​ທີ 17-18 ສິງ­ຫາ 2018 ຕະ ຫຼອດ​ໄລ­ຍະ​ການ​ເຄື່ອນ​ທີ່​ຂອງ​ພາ­ຍຸ​ດັ່ງ­ກ່າວ ຈະ​ເຮັດ​ໃຫ້​ມໍ​ລະ​ສຸມ​ຕາ­ເວັນ­ຕົກ​ສຽງ​ໃຕ້​ພັດ​ປົກ​ຄຸມ ດ້ວຍ​ກຳ­ລັງ​ແຮງ ເຊິ່ງ​ຈະ​ເຮັດ​ໃຫ້​ມີ​ຝົນ­ຕົກ ຟ້າ­ຮ້ອງ​ໃນ​ລະ­ດັບ​ຄ່ອຍ ຫາ ປານ​ກາງ​ເປັນ​ບໍ­ລິ­ເວນ​ກວ້າງ ແລະ ຕົກ​ໜັກ ພ້ອມ​ມີ​ລົມ​ພັດ​ແຮງ​ຢູ່​ບາງ​ທ້ອງ­ຖິ່ນ​ໃນ​ແຕ່​ລະ​ພາກ​ເຊັ່ນ:

    ວັນ​ທີ 14-15 ສິງ­ຫາ 2018 ຈະ​ມີ​ຝົນ­ຕົກ ຟ້າ­ຮ້ອງ ຟ້າ​ເຫຼື້ອມ ພ້ອມ​ມີ​ລົມ​ພັດ​ແຮງ​ຢູ່​ແຂວງ​ພາກ​ກາງ ຫາ ພາກ​ໃຕ້​ຄື: ແຂວງ​ວຽງ​ຈັນ ໄຊ​ສົມ­ບູນ ນະ­ຄອນ­ຫຼວງ​ວຽງ​ຈັນ ບໍ​ລິ​ຄຳ​ໄຊ ຄຳ​ມ່ວນ ແລະ ສະ­ຫວັນ​ນະ​ເຂດ ສາ­ລະ​ວັນ ຈຳ­ປາ​ສັກ ເຊ​ກອງ ແລະ ອັດ​ຕະ​ປື ສ່ວນ​ວັນ​ທີ 16-18 ສິງ­ຫາ 2018 ຈະ​ມີ​ຝົນ­ຕົກ ຟ້າ­ຮ້ອງ ຟ້າ​ເຫຼື້ອມ ພ້ອມ​ມີ​ລົມ​ພັດ​ແຮງ​ຢູ່​ແຂວງ​ພາກ​ເໜືອ​ຄື: ຜົ້ງ​ສາ­ລີ ຫົວ­ພັນ ຊຽງ​ຂວາງ ອຸ­ດົມ​ໄຊ ຫຼວງ ນ້ຳ​ທາ ບໍ່​ແກ້ວ ຫຼວງ​ພະ​ບາງ ແລະ ໄຊ​ຍະ​ບູ​ລີ.

    ດັ່ງ­ນັ້ນ ຈຶ່ງ​ແຈ້ງ​ເຕືອນ​ເຖິງ​ປະ­ຊາ­ຊົນ​ບັນ­ດາ­ເຜົ່າ ອຳ­ນາດ​ການ​ປົກ­ຄອງ ແລະ ອົງ​ການ­ຈັດ­ຕັ້ງ​ທຸກ​ພາກ­ສ່ວນ​ທີ່​ອາ­ໄສ​ຢູ່​ບັນ­ດາ​ແຂວງ​ດັ່ງ­ກ່າວ ຈົ່ງ​ມີ​ສະ­ຕິ ແລະ ກຽມ­ພ້ອມ​ຮັບ​ມື​ກັບ​ສະ­ພາບ​ຝົນ­ຕົກ​ໜັກ ເຊິ່ງ​ຈະ​ເຮັດ​ໃຫ້​ມີ​ຕົ້ນ­ໄມ້​ຫັກ-ລົ້ມ ດິນ​ເຈື່ອນ ນ້ຳ​ຖ້ວມ​ຊຸ ນ້ຳ​ຖ້ວມ​ອັ່ງ ແລະ ລົມ​ພັດ​ແຮງ ພ້ອມ​ນີ້ ກໍ່​ໃຫ້​ເກັບ​ມ້ຽນ ແລະ ເຄື່ອນ​ຍ້າຍ​ວັດ­ຖຸ​ສິ່ງ​ຂອງ ພ້ອມ​ສັດ­ລ້ຽງ​ໄປ​ໄວ້​ບ່ອນ​ທີ່​ປອດ​ໄພ ແລະ ຂໍ​ໃຫ້​ຕິດ­ຕາມ​ຂ່າວ​ພະ­ຍາ­ກອນ​ອາ­ກາດ ແລະ ລະ­ດັບ​ນ້ຳ ຈາກ​ກົມ​ອຸ­ຕຸ­ນິ­ຍົມ ແລະ ອຸ​ທົກ​ກະ​ສາດ​ໃນ​ໄລ­ຍະ 1-4 ວັນ​ຂ້າງ​ໜ້າ.

ຂ່າວທີ່ກ່ຽວຂ້ອງ