ຂ່າວຫຼ້າສຸດ

ລາວ-ຣູວັນດາ ຫາລືການຮ່ວມມືຫຼາຍຂະແໜງການ

201 14 ສ.ຫ. 2018 ຂ່າວໜ້າ​ໜຶ່ງ

    ວັນ​ທີ 10 ສິງ­ຫາ 2018 ທີ່ ກະ­ຊວງ​ການ​ຕ່າງ­ປະ­ເທດ ທ່ານ ສະ­ເຫຼີມ​ໄຊ ກົມ​ມະ​ສິດ ລັດ­ຖະ­ມົນ­ຕີ​ກະ­ຊວງ​ການ​ຕ່າງ­ປະ­ເທດ ໄດ້​ຕ້ອນ­ຮັບ ແລະ ພົບ​ປະ​ກັບ​ທ່ານ ນາງ ຫຼຸຍ ມູ​ຊິ​ກິ​ວາ​ໂດ ຜູ້­ຕາງ­ໜ້າ​ພິ­ເສດ​ຂອງ​ປະ­ທາ­ນາ­ທິ­ບໍ­ດີ ລັດ­ຖະ­ມົນ­ຕີ​ກະ­ຊວງ​ການ​ຕ່າງ­ປະ­ເທດ ແຫ່ງ ສາ­ທາ­ລະ­ນະ​ລັດ ຣູ​ວັນ​ດາ ໃນ​ໂອ­ກາດ​ເຄື່ອນ​ໄຫວ​ຢ້ຽມ­ຢາມ ແລະ ເຮັດ​ວຽກ​ຢູ່​ລາວ ໃນ​ວັນ​ທີ 9-10 ສິງ­ຫາ​ນີ້.

    ການ​ພົບ​ປະ​ຄັ້ງ​ນີ້ ສອງ​ຝ່າຍ​ໄດ້​ຕີ​ລາ­ຄາ​ສູງ​ຕໍ່​ສາຍ​ພົວ­ພັນ​ມິດ­ຕະ­ພາບ ແລະ ການ​ຮ່ວມ​ມື​ອັນ​ດີ​ລະ­ຫວ່າງ ລາວ-ຣູ​ວັນ​ດາ ທີ່​ໄດ້​ຮັບ​ການ​ເສີມ​ຂະ­ຫຍາຍ​ເປັນ​ຢ່າງ​ດີ ນັບ​ແຕ່​ສອງ​ປະ­ເທດ​ໄດ້​ສ້າງ­ຕັ້ງ​ສາຍ​ພົວ­ພັນ​ການ​ທູດ​ນຳ​ກັນ ໃນ​ວັນ​ທີ 31 ສິງ­ຫາ 2009 ພ້ອມ​ນັ້ນ ຍັງ​ໄດ້​ເຫັນ​ດີ​ສົ່ງ­ເສີມ​ໃຫ້​ມີ​ການ​ແລກ­ປ່ຽນ​ການ​ຢ້ຽມ­ຢາມ​ເຊິ່ງ​ກັນ ແລະ ກັນ ໃນ​ຫຼາຍ​ລະ­ດັບ ເພື່ອ​ຊອກ​ຫາ​ຊ່ອງ​ທາງ​ການ​ຮ່ວມ​ມື​ກັນ​ໃນ​ຂະ­ແໜງ­ການ​ຕ່າງໆ​ໃນ​ອະ­ນາ­ຄົດ ໂດຍ​ສະ­ເພາະ ຂະ­ແໜງ­ການ​ກະ­ສິ­ກຳ ການ­ທ່ອງ­ທ່ຽວ ແລະ ອື່ນໆ ພ້ອມ​ທັງ ເຫັນ​ດີ​ສືບ­ຕໍ່​ສະ­ໜັບ­ສະ­ໜູນ​ເຊິ່ງ​ກັນ ແລະ ກັນ ໃນ​ເວ­ທີ​ພາກ​ພື້ນ ແລະ ສາ­ກົນ ໂດຍ​ສະ­ເພາະ ໃນ​ຂອບ​ຂອງ​ອົງ­ການ​ສະ­ຫະ​ປະ­ຊາ​ຊາດ ແລະ ອົງ​ການ­ຈັດ­ຕັ້ງ​ສາ­ກົນ​ອື່ນໆ.

    ໃນ​ວັນ​ດຽວ​ກັນ ທ່ານ​ນາງ ຫຼຸຍ ມູ​ຊິ​ກິ​ວາ​ໂດ ແລະ ຄະ­ນະ​ຍັງ ໄດ້​ພົບ​ປະ​ກັບ​ທ່ານ ບຸນ​ເກີດ ສັງ​ສົມ​ສັກ ລັດ­ຖະ­ມົນ­ຕີ​ປະ­ຈຳ​ສຳ­ນັກ­ງານ​ນາ­ຍົກ­ລັດ­ຖະ­ມົນ­ຕີ ຜູ້​ຮັບ­ຜິດ­ຊອບ​ວຽກ​ງານ​ຟຣັງ​ໂກ​ໂຟ​ນີ​ຂອງ​ລາວ​ອີກ​ດ້ວຍ.

ຂ່າວທີ່ກ່ຽວຂ້ອງ