ລາວ ຍາດໄດ້ 1 ຫຼຽນຄຳ 2 ຫຼຽນເງິນ ໃນງານແຂ່ງຂັນໂວວີນາມ ຊີງຂັນອາຊຽນ

101 14 ສ.ຫ. 2018 ວົງຈອນກີລາ
ລາວ ຍາດໄດ້ 1 ຫຼຽນຄຳ 2 ຫຼຽນເງິນ ໃນງານແຂ່ງຂັນໂວວີນາມ ຊີງຂັນອາຊຽນ

   ອີງ​ຕາມ​ຂໍ້​ມູນ​ຈາກ​ເຟ​ສ​ບຸກ​ຂອງ​ສະ­ຫະ­ພັນ​ກີ­ລາ​ໂວ​ວີ​ນາມ​ແຫ່ງ​ຊາດ​ລາວ ໃຫ້​ຮູ້​ວ່າ: ສະ­ຫະ­ພັນ​ກີ­ລາ​ໂວ​ວີ​ນາມ​ແຫ່ງ​ຊາດ​ລາວ ໄດ້​ສົ່ງ​ຄູ​ເຝິກ 1 ຄົນ ແລະ ນັກ­ກີ­ລາ​ໂວ​ວີ​ນາມ​ທີມ​ຊາດ​ລາວ 3 ຄົນ ຊາຍ 1 ຄົນ ແລະ ຍິງ 2 ຄົນ ຄື: ທ້າວ ໄພ­ລັດ ທຳ​ມະ​ວົງ­ສາ ລົງ​ແຂ່ງ​ປະ­ເພດ​ຕໍ່­ສູ້​ປ້ອງ​ກັນ​ຕົວ ຮຸ່ນ​ນ້ຳ­ໜັກ 60 ກິ​ໂລ ແລະ ປະ­ເພດ​ຟ້ອນ​ປະ­ກອບ​ອາ­ວຸດ​ໄມ​ກະ­ທາ ນາງ ພິກ​ສະ­ໄໝ ອິນ​ສຸ​ມັງ ລົງ​ແຂ່ງ​ປະ­ເພດ​ຟ້ອນ​ປະ­ກອບ​ອາ­ວຸດ​ດາບ​ຄູ່ ນາງ ມາ­ລາ ຈັນ­ທະ​ລັກ​ສາ ລົງ​ແຂ່ງ​ປະ­ເພດ​ຕໍ່­ສູ້ ຮຸ່ນ​ນ້ຳ­ໜັກ 48 ກິ​ໂລ ແລະ ປະ­ເພດ​ຟ້ອນ 2 ລາຍ­ການ ຄື: ປະ­ກອບ​ອາ­ວຸດ​ດາບ​ຄູ່ ແລະ ມື​ເປົ່າ​ທ່າ​ມັງ­ກອນ​ປະ­ສານ​ທ່າ​ເສືອ ນຳ​ໂດຍ​ອາ­ຈານ ວຽງ​ສຸກ ຮັ່ງ​ເງິນ ຫົວ­ໜ້າ​ຄູ​ເຝິກ​ໂວ​ວີ​ນາມ​ທີມ​ຊາດ​ລາວ ເຂົ້າ​ຮ່ວມ​ການ​ແຂ່ງ­ຂັນ​ໂວ​ວີ​ນາມ ຊີງ​ຂັນ​ອາ​ຊຽນ 2018 ແຕ່​ວັນ​ທີ 7-12 ສິງ­ຫາ​ນີ້ ຢູ່​ນະ­ຄອນ­ຫຼວງ​ເນ​ປີ​ດໍ ປະ­ເທດ​ມຽນ​ມາ.

   ການ​ແຂ່ງ­ຂັນ​ລາຍ­ການ​ນີ້ ມີ​ການ​ແຂ່ງ­ຂັນ 35 ລາຍ­ການ ລວມ​ປະ­ເພດ​ຟ້ອນ ແລະ ປະ­ເພດ​ຕໍ່­ສູ້​ປ້ອງ​ກັນ​ຕົວ ໂດຍ​ມີ​ນັກ­ກີ­ລາ​ຈາກ 8 ປະ­ເທດ​ໃນ​ອາ​ຊຽນ​ເຂົ້າ​ຮ່ວມ ຄື: ຕີ​ມໍ​ເລ​ສ​ເຕ ກຳ­ປູ­ເຈຍ ອິນ​ໂດ​ເນ​ເຊຍ ສປປ ລາວ ຟິ​ລິບ​ປິນ ໄທ ຫວຽດ­ນາມ ແລະ ມຽນ​ມາ ຜ່ານ​ການ​ແຂ່ງ­ຂັນ 3 ລາຍ­ການ ທ້າວ ໄພ­ລັດ ທຳ​ມະ​ວົງ­ສາ ຍາດ​ໄດ້ 1 ຫຼຽນ​ຄຳ ຈາກ​ປະ­ເພດ​ຟ້ອນ​ດ່ຽວ​ຊາຍ​ມີ​ອຸ­ປະ­ກອນ ແລະ 1 ຫຼຽນ​ເງິນ ຈາກ​ປະ­ເພດ​ຕໍ່­ສູ້​ປ້ອງ​ກັນ​ຕົວ ຮຸ່ນ​ນ້ຳ­ໜັກ 60 ກິ​ໂລ ສ່ວນ​ນາງ ມາ­ລາ ຈັນ­ທະ​ລັກ​ສາ ຍາດ​ໄດ້ 1 ຫຼຽນ​ເງິນ ຈາກ​ປະ­ເພດ​ຕໍ່­ສູ້​ປ້ອງ​ກັນ​ຕົວ.

ຂ່າວທີ່ກ່ຽວຂ້ອງ