ຂ່າວຫຼ້າສຸດ

ອິນໂດເນເຊຍ ຊະນະ ໄທ ຄອງຊະນະເລີດອາຊຽນຮຸ່ນ 16 ປີ

113 14 ສ.ຫ. 2018 ວົງຈອນກີລາ

    ການ​ແຂ່ງ­ຂັນ​ບານ­ເຕະ​ຊີງແຊັມ​ອາ​ຊຽນ ຮຸ່ນ​ອາ­ຍຸ​ບໍ່​ເກີນ 16 ປີ ຢູ່​ສະ­ໜາມ​ເກ​ໂຣ​ລາເດວຕາ ປະ­ເທດ​ອິນ​ໂດ​ເນ​ເຊຍ ຮອບຊີງ​ຊະ­ນະ​ເລີດ ເມື່ອ​ວັນ​ທີ 11 ສິງ­ຫາ 2018 ເຊິ່ງ​ເປັນ​ການແຂ່ງ­ຂັນ​ລະ­ຫວ່າງ​ທີມ​ຊາດອິນໂດ​ເນ​ເຊຍ (ເຈົ້າ­ພາບ) ລົງ​ສະໜາມ​ພົບ​ທີມ​ຊາດ​ໄທ ໂດຍ​ເກມນີ້​ໄດ້​ຮັບ​ຄວາມ​ສົນ­ໃຈ​ຈາກ​ກອງເຊຍ​ບານ​ອິນ​ໂດ​ເນ​ເຊຍ​ຢ່າງຫຼວງ­ຫຼາຍ ໂດຍ​ມີ​ກອງ​ເຊຍ​ບານຫຼາຍ​ສິບ​ພັນ​ຄົນ ​ແຫ່​ໄປ​ຕໍ່​ແຖວຊື້​ບັດ​ເຂົ້າ​ຊົມ​ຕັ້ງ­ແຕ່​ເວ­ລາ 22:00 ໂມງ ວັນ​ທີ 10 ສິງ­ຫາ 2018.

   ເກມ​ນີ້ ອິນ​ໂດ​ເນ​ເຊຍ ອອກນຳ​ກ່ອນ 1-0 ປະ­ຕູ ຕັ້ງ­ແຕ່​ເຄິ່ງເວ­ລາ​ທຳ​ອິດ ກ່ອນ​ທີ່​ໄທ​ຈະ​ຕີ​ສະເໝີ​ໄດ້​ຈາກ ອະ­ພິ​ເດ​ຊ ຈັນ​ງາມ ນາ­ທີ 71 ຈົບ​ເກມ​ສະ­ເໝີ​ກັນ 1-1 ປະ­ຕູ ຕ້ອງ​ຕັດ­ສິນ​ກັນ​ທີ່​ການຍິງ​ຈຸດ​ໂທດ ເຊິ່ງ​ຜົນ​ການ​ດວນ​ຈຸດ​ໂທດ​ແມ່ນ ອິນ​ໂດ​ເນ​ເຊຍ ຍິງໄດ້​ແນ່­ນອນ​ກວ່າ ແລະ ຊະ­ນະ​ໄປ​ດ້ວຍ​ຄະ­ແນນ​ລວມ 5-4 ປະ­ຕູ ຄວ້າ​ແຊັມ​ອາ​ຊຽນ​ໄປ​ຄອງ​ເປັນຄັ້ງ​ທຳ​ອິດ.

ຂ່າວທີ່ກ່ຽວຂ້ອງ