ຂ່າວຫຼ້າສຸດ

ຄ່າ​ເງິນ​ລີ​ຣາ​ຂອງ​ຕວກ​ກີ​ຕົກຕ່ຳ

275 14 ສ.ຫ. 2018 ຂ່າວຕ່າງປະເທດ
ຄ່າ​ເງິນ​ລີ​ຣາ​ຂອງ​ຕວກ​ກີ​ຕົກຕ່ຳ

    ທ່ານ ເບ​ຣາດ ອາ​​ລ​ເບຣັກ ລັດຖະມົນຕີ​ການ​ເງິນ​ຂອງ​ຕວກ​ກີ ແຈ້ງ​ໃຫ້​ຮູ້ເມື່ອ​ວັນ​ທີ 12 ສິງຫາ​ນີ້​ວ່າ ຕວກ​ກີ​ໄດ້​ຮ່າງ​ແຜນການ​ດຳເນີນ​ງານ​ສະບັບ​ໜຶ່ງ ແລະ​ວ່າ​ບັນດາ​ອົງການ​ທີ່​ກ່ຽວຂ້ອງ​ຂອງ​ຕວກ​ກີ ຈະ​ດຳເນີນ​ບາດກ້າວ​ເດີນ​ທີ່​ຈຳເປັນ ເລີ່ມ​ແຕ່​ຕອນ​ເຊົ້າ​ຂອງ​ວັນ​ທີ 13 ສິງຫາ​ນີ້ (ເວລາ​ໃນ​ທ້ອງຖິ່ນ) ເປັນຕົ້ນ​ໄປ ເພື່ອ​ບັນເທົາ​ຄວາມ​ກັງວົນ​ຂອງ​ຕະຫຼາດ​ການ​ເງິນ​ໃນ​ປັດຈຸບັນ​ນີ້.

    ການ​ດຳເນີນ​ການ​ດັ່ງກ່າວ ໄດ້​ຮັບ​ການ​ຜັນ​ຂະຫຍາຍ ຫຼັງ​ຈາກ​ທີ່​ຄ່າ​ຂອງ​ເງິນ ລີ​ຣາ (lira) ທີ່​ເປັນ​ສະກຸນ​ເງິນ​ພາຍ​ໃນ​ປະເທດ​ຂອງ​ຕວກ​ກີ  ຕົກຕ່ຳ​ຢ່າງ​ແຮງ​ໃນ​ອາທິດ​ທີ່​ຜ່ານ​ມາ.

    ທ່ານ ອາ​​ລ​ເບຣັກ ກ່າວ​ຕໍ່​ຜູ້​ສື່​ຂ່າວ​ຈາກ​ໜັງສືພິມ Hurriyet ວ່າ​ແຜນການ​ໜຶ່ງ​ໄດ້​ຮັບ​ການ​ກະກຽມ ເພື່ອ​ຈັດ​ສັນ​ໃຫ້​ທະນາຄານ​ຕ່າງໆ ແລະ ​ບັນດາ​ຂະແໜງການ​ຜະລິດ​ສິນຄ້າ ແລະ​ການ​ບໍລິການ ໃນ​ນັ້ນ​ມີ​ກຸ່ມ​ວິ​ສາ​ຫະ​ກິດ​ຂະໜາດ​ກາງ ແລະ​ ນ້ອຍ ທີ່​ຕ່າງ​ກໍ​ໄດ້​ຮັບ​ຜົນ​ກະທົບ​ຫຼາຍ​ທີ່​ສຸດ ຈາກ​ການ​ຜັນ​ຜວນ​ທີ່​ບໍ່​ປົກກະຕິ​ຂອງ​ຕະຫຼາດ​ເງິນຕາ​ຕ່າງປະເທດ.

     ໃນ​ການ​ແລກປ່ຽນ​ເມື່ອ​ວັນ​ທີ 10 ສິງຫາ​ທີ່​ຜ່ານ​ມາ ເງິນ​ລີ​ຣາ​ຂອງ​ຕວກ​ກີ ມີ​ບາງ​ເວລາ​ຕົກ​ຄ່າ​ລົງ​ເຖິງ 18% ທຽບໃສ່​ເງິນ​ໂດ​ລາ​ສະຫະລັດ. ນີ້​ເປັນ​ລະດັບ​ຫຼຸດ​ລົງ​ໃຫຍ່​ທີ່​ສຸດ​ຂອງ​ເງິນ ລີ​ຣາ ພາຍ​ໃນ​ມື້ໜຶ່ງ ນັບ​ແຕ່​ປີ 2001 ເປັນຕົ້ນ​ມາ.

 

ຂ່າວທີ່ກ່ຽວຂ້ອງ