ຂ່າວຫຼ້າສຸດ

OPCW ຢັ້ງຢືນ​ວ່າ​ຣັດ​ເຊຍ​ໄດ້​ທຳລາຍ​ອາ​ວຸ​ເຄ​ມີ​ໝົດ​ແລ້ວ

151 14 ສ.ຫ. 2018 ຂ່າວຕ່າງປະເທດ
OPCW ຢັ້ງຢືນ​ວ່າ​ຣັດ​ເຊຍ​ໄດ້​ທຳລາຍ​ອາ​ວຸ​ເຄ​ມີ​ໝົດ​ແລ້ວ

    ແຫຼ່ງ​ຂ່າວ Sputniknews ລາຍ​ງານ​ວ່າ ທ່ານ ແຊກ​ເກ ລາບ​ຣອບ ລັດຖະມົນຕີ​ການ​ຕ່າງປະເທດ​ຣັດ​ເຊຍ ແຈ້ງ​ໃຫ້​ຮູ້ເມື່ອ​ວັນ​ທີ 12 ສິງຫາ​ນີ້​ວ່າ  ຣັດ​ເຊຍ​ມີ​ຄວາມ​ພ້ອມ​ແລ້ວ ສຳລັບ​ການ​ກວດ​ສອບ ແຕ່​ວ່າ​ອົງການ​ເກືອດ​ຫ້າມ​ອາວຸດ​ເຄ​ມີ (OPCW) ໄດ້​ຢັ້ງຢືນ​ເຖິງ​ການ​ທຳລາຍ​ອາວຸດ​ເຄ​ມີ​ທັງ​ໝົດ​ຢູ່​ໃນ​ຣັດ​ເຊຍ​ໄປ​ແລ້ວ.

   ຄຳ​ຖະແຫຼງ​ດັ່ງກ່າວ ຖືກ​ນຳ​ອອກ​ມາ​ເພື່ອ​ຕອບ​ໂຕ້​ຕໍ່​ການ​ສະເໜີ​ຂອງ ສ ອາ​ເມ​ຣິ​ກາ ທີ່​ວ່າ​ຣັດ​ເຊຍ​ຕ້ອງ​ເຊື່ອ​ເຊີນ​ບັນດາ​ນັກ​ກວດ​ສອບ​ຂອງ​ສາກົນ ໄປ​ຍັງ​ບັນດາ​ກຸ່ມ​ບໍລິສັດ ທີ່​ພົວພັນ​ເຖິງ​ເຄ​ມີ.

   ທ່ານ ລອບ​ຣອບ ຊີ້​ແຈງ​ວ່າ: “ກ່ອນ​ໜ້າ​ນີ້ 3 ປີ OPCW ໄດ້​ໃຫ້ການ​ຢັ້ງຢືນ ໂດຍ​ອີງໃສ່​ການ​ກວດ​ສອບ​ທີ່​ເໝາະ​ສົມ ວ່າ​ຣັດ​ເຊຍ​ໄດ້​ທຳລາຍ​ອາວຸດ​ເຄ​ມີ​ທັງ​ໝົດ​ແລ້ວ. ພວກ​ເຮົາ (ຣັດ​ເຊຍ) ຈະ​ບໍ່​ປິດ​ຮາກ​ຖານ​ຂອງ​ຕົນ ທີ່​ມີ​ຕໍ່​ການ​ກວດ​ສອບ. ເຂົາເຈົ້າ (ພວກ​ນັກ​ກວດ​ສອບ) ໄດ້​ໄປ​ຍັງ​​ທຸກໆ​ແຫ່ງ ທີ່​ເຂົາເຈົ້າ​ຕ້ອງການ​ກວດກາ ແລະ​ໄດ້​ມີ​ການ​ສະຫຼຸບ​ອອກ​ມາ​ຄື​ດັ່ງກ່າວ.” ທ່ານ ລາບ​ຣອບ ເວົ້າ​ອີ​ກວ່າ            ສ ອາ​ເມ​ຣິ​ກາ ກໍ​ມີ​ເວລາ​ເສັ້ນ​ຕາຍ​ຄື​ກັນ​ກັບ​ຣັດ​ເຊຍ ແຕ່​ວ່າ​ໄດ້​ສະເໜີ​ໂຈະ​ໄປ.

    ໃນ​ຕົ້ນ​ອາທິດ​ທີ່​ຜ່ານ​ມາ ສ ອາ​ເມ​ຣິ​ກາ​ໄດ້​ປະກາດ​ວ່າ​ຈະ​ເລີ່ມ​ໄລຍະ​ທີ 2 ຂອງ​ຄຳ​ສັ່ງ​ປິດ​ລ້ອມ​ຢ່າງ​ເຂັ້ມ​ງວດ ນອກ​ເໜືອ​ເສຍ​ແຕ່​ວ່າ​ຣັດ​ເຊຍ​ອະນຸຍາດ​ໃຫ້​ບັນດາ​ນັກ​ສັງເກດ​ການ​ສາກົນ ເຂົ້າ​ໄປ​ຍັງ​ພື້ນຖານ​ດ້ານ​ຄວາມ​ສະຫງົບ ແລະ ວິທະຍາສາດ​ຂອງ​ຣັດ​ເຊຍ ເພື່ອ​ກຳນົດ​ເບິ່ງ​ວ່າ​ອາວຸດ​ເຄ​ມີ ບໍ່​ໄດ້​ຜະລິດ​ຢູ່​ໃນ​ສະຖານທີ່​ເຫຼົ່ານັ້ນ​ແລ້ວ.

 

ຂ່າວທີ່ກ່ຽວຂ້ອງ