ຂ່າວຫຼ້າສຸດ

ເດັກ​ຊາຍ​ຄົນ​ໜຶ່ງ​ເອົາ​ຊີວິດ​ລອດ​ຈາກ​ອຸບັດເຫດ​ເຮືອບິນ​ຕົກ​ໃນ​ອິນ​ໂດ​ເນ​ເຊຍ

115 14 ສ.ຫ. 2018 ຂ່າວຕ່າງປະເທດ
ເດັກ​ຊາຍ​ຄົນ​ໜຶ່ງ​ເອົາ​ຊີວິດ​ລອດ​ຈາກ​ອຸບັດເຫດ​ເຮືອບິນ​ຕົກ​ໃນ​ອິນ​ໂດ​ເນ​ເຊຍ

    ເຈົ້າ​ໜ້າທີ່​ອິນ​ໂດ​ເນ​ເຊຍ ແຈ້ງ​ໃຫ້​ຮູ້ເມື່ອ​ວັນ​ທີ 12 ສິງຫາ​ນີ້​ວ່າ ເຮືອບິນ Pilatus ລຳ​ໜຶ່ງ ຊຶ່ງ​ບັນທຸກ​ຜູ້ໂດຍສານ 7 ຄົນ ພ້ອມ​ດ້ວຍ​ຈຸ​ບິນ​ອີກ 2 ຄົນ ໄດ້​ປະສົບ​ໄພ​ຕົກ​ຢູ່​ໃນ​ເຂດ​ສາຍພູ​ໃນ​ເຂດ​ຫ່າງ​ໄກ ທາງ​ທິດຕາເວັນອອກ​ຂອງ​ອິນ​ໂດ​ເນ​ເຊຍ ເປັນ​ເຫດ​ໃຫ້​ມີ​ຜູ້​ເສຍ​ຊີວິດ 8 ຄົນ. ຜູ້ໂດຍສານ​ພຽງ​ຄົນ​ດຽວ ທີ່​ເອົາ​ຊີວິດ​ລອດ​ມາ​ໄດ້ ເປັນ​ເດັກ​ຊາຍ​ອາຍຸ 12 ປີ.

    ຂ່າວ​ແຈ້ງວ່າ ເຮືອບິນ Pilatus ດັ່ງກ່າວ ຊຶ່ງ​ຜະລິດ​ຈາກ​ປະເທດ​ສະ​ວິດ ໄດ້​ເສຍ​ການ​ຕິດຕໍ່​ກັບ​ສະຖານີ​ຄວບ​ຄຸມ​ການບິນ ໃນ​ວັນ​ທີ 11 ສິງຫາ ໃນ​ຂະນະ​ທີ່​ປະຕິບັດ​ການບິນ​ໄດ້​ປະມານ 40 ນາທີ ຢູ່​ໃນ​ແຂວງ​ປາ​ປົວ. ມາ​ຮອດ​ຕອນ​ເຊົ້າ​ຂອງ​ວັນ​ທີ 12 ສິງຫາ ໜ່ວຍ​ກູ້​ໄພ​ກໍ​ຄົ້ນ​ພົບ​ເຮືອບິນ​ລຳ​ນັ້ນ​ຕົກ ຢູ່​ໃນ​ເຂດ​ປ່າດົງ​ຕຶບໜາ ພ້ອມ​ດ້ວຍ​ຮ່າງ​ຜູ້​ເສຍ​ຊີວິດ​ທັງ 8 ສົບ ແລະ​ເດັກ​ຊາຍ 1 ຄົນ​ທີ່​ເອົາ​ຊີວິດ​ລອດ​ມາ​ໄດ້.

 

ຂ່າວທີ່ກ່ຽວຂ້ອງ