ຂ່າວຫຼ້າສຸດ

5 ປະເທດ​ລົງ​ນາມ​ໃນ​ກົດ​ບັດ​ກ່ຽວ​ກັບ​ຂໍ້​ກຳນົດ​ໃນ​ທະ​ເລກ​​ັສ​ປຽນ

130 14 ສ.ຫ. 2018 ຂ່າວຕ່າງປະເທດ
5 ປະເທດ​ລົງ​ນາມ​ໃນ​ກົດ​ບັດ​ກ່ຽວ​ກັບ​ຂໍ້​ກຳນົດ​ໃນ​ທະ​ເລກ​​ັສ​ປຽນ

    ໃນ​ກອງ​ປະຊຸມ​ສຸດ​ຍອດ​ຂອງ​ບັນດາ​ປະເທດ​ໃນ​ເຂດ​​ກັສ​ປຽນ (Caspian) ຄັ້ງ​ທີ 5 ຊຶ່ງ​ຈັດ​ຂຶ້ນ​ເມື່ອ​ວັນ​ທີ 12 ສິງຫາ​ນີ້ ທີ່​ນະຄອນ ອັກ​ເຕົາ ຂອງ​ກາ​ຊັກ​ສະຖານ ບັນດາ​ຜູ້ນຳ​ຂອງ 5 ປະເທດ​ໃນ​ເຂດ​ທະ​ເລກ​​ັສ​ປຽນ (ປະກອບ​ມີ ອາ​ແຊກ​ໄບ​ຊານ ອີ​ຣານ ກາ​ຊັກ​ສະຖານ ຣັດ​ເຊຍ ແລະ ຕວກ​ເມ​ນິດ​ສະຖານ) ໄດ້​ຮ່ວມ​ກັນ​ລົງ​ນາມ​ກົດ​ບັດ​ກ່ຽວ​ກັບ​ຂໍ້​ກຳນົດ​ໃນ​ເຂດ​ທະ​ເລກ​​ັສ​ປຽນ ເພື່ອ​ຫຼຸດຜ່ອນ​ຄວາມ​ເຄັ່ງ​ຕຶງ​ຢູ່​ພາຍ​ໃນ​ເຂດ ກໍ​ຄື​ການ​ເປີດ​ທາງ​ໃຫ້​ແກ່​ໂຄງການ​ສຳ​ຫຼວດ ແລະ​ຂຸດ​ຄົ້ນ​ນ້ຳ​​ມ​ມັນ-ແກ​​ັສ.

    ຂໍ້​ກຳນົດ​ກ່ຽວ​ກັບ​ທະ​ເລກ​​ັສ​ປຽນ (ໃນ​ຄວາມ​ເປັນ​ຈິງ​ແລ້ວ ມັນ​ເປັນ​ໜອງ​ນ້ຳ​ປິດ​ທີ່​ໃຫຍ່​ທີ່​ສຸດ​ໃນ​ໂລກ) ທີ່​ອຸດົມສົມບູນ​ໄປ​ດ້ວຍ​ແຮ່​ທາດ​ນັ້ນ ແມ່ນ​ໄດ້​ຮັບ​ການ​ກຳນົດ​ຢູ່​ໃນ​ຂໍ້​ຕົກລົງ ລະຫວ່າງ​ອີ​ຣານ ກັບ ອະດີດ ສະຫະພາບ ໂຊ​ວຽດ ທີ່​ເປັນ​ພຽງ​ສອງ​ປະເທດ​ເທົ່າ​ນັ້ນ ທີ່​ມີ​ທາງ​ອອກ​ສູ່​ທະ​ເລກ​​ັສ​ປຽນ. ຫຼັງ​ຈາກ ສະຫະພາບ ໂຊ​ວຽດ ຫຼົ້ມ​ສະຫຼາຍ​ແລ້ວ ນັບ​ແຕ່​ປີ 1996 ເປັນຕົ້ນ​ມາ 5 ປະເທດ​ດັ່ງກ່າວ ກໍ​ໄດ້​ດຳເນີນ​ການ​ເຈລະຈາ ກ່ຽວ​ກັບ​ຂໍ້​ກຳນົດ​ໃໝ່ ໃຫ້​ແກ່​ເຂດ​ທະເລ​ດັ່ງກ່າວ.

    ຂໍ້​ກຳນົດ​ໃໝ່ ໄດ້​ກຳນົດ​ເຖິງ​ການ​ແບ່ງປັນ​ເຂດ​ພື້ນ​ທະເລ​ໃຫ້​ເປັນ​ຫຼາຍ​ເຂດ ສ່ວນ​ເຂດ​ນ້ຳ​ແມ່ນ​ແບ່ງ​ອອກ​ເປັນ​ເຂດ​ພາຍ​ໃນ​ພື້ນ​ທີ່​ພາຍ​ໃນ ແລະ​ເຂດ​ພາກ​ພື້ນ ເຂດ​ຫາ​ປາ ແລະ​ເຂດ​ນ້ຳ​ຮ່ວມ​ກັນ. ຂໍ້​ກຳນົດ​ໃໝ່ ກໍ​ໄດ້​ກຳນົດ​ເຂດ​ແດນ​ຂອງ​ເຂດ​ທ້ອງຟ້າ​ເທິງ​ທະ​ເລກ​​ັສ​ປຽນ​ນຳ​ອີກ. ນອກຈາກ​ນັ້ນແລ້ວ ເອກະສານ​ດັ່ງກ່າວ ກໍ​ກຳນົດ​ເຖິງ​ການ​ຫ້າມ​ກອງ​ກຳລັງ​ທະຫານ​ອາກາດ ທີ່​ບໍ່​ຂຶ້ນ​ກັບ 5 ປະ​ເດ​ດັ່ງກ່າວ ເຂົ້າ​ໄປ​ປະກົດ​ຕົວ​ຢູ່​ໃນ​ເຂດ​ທະ​ເລກ​​ັສ​ປຽນ.

    ນີ້​ເປັນ​ຄັ້ງ​ທີ 5 ທີ່​ຈັດ​ກອງ​ປະຊຸມ​ສຸດ​ຍອດ 5 ປະເທດ ໃນ​ເຂດ​ທະ​ເລກ​​ັສ​ປຽນ ຊຶ່ງ​ເທື່ອ​ທຳ​ອິດ​ຈັດ​ຂຶ້ນ​ເມື່ອ​ປີ 2002.

 

ຂ່າວທີ່ກ່ຽວຂ້ອງ