NASA ຍິງ​ສົ່ງ​ຍານ​ອາ​ວະ​ກາດ​ໃນ​ພາລະກິດ​ສຳ​ຫຼວດ​ດວງ​ຕາເວັນ

152 14 ສ.ຫ. 2018 ຂ່າວຕ່າງປະເທດ
NASA ຍິງ​ສົ່ງ​ຍານ​ອາ​ວະ​ກາດ​ໃນ​ພາລະກິດ​ສຳ​ຫຼວດ​ດວງ​ຕາເວັນ

     ຍານ​ສຳ​ຫຼວດ​ດວງ​ຕາເວັນ Parker ໄດ້​ຖືກ​ຍິງ​ສົ່ງ​ຂຶ້ນ​ຈາກ​ແຫຼມ ຄາ​ນາ​ເວ​ຣາ​​ລ ໃນ​ລັດ​ຄາ​ລີ​ຟໍ​ເນຍ (ສ ອາ​ເມ​ຣິ​ກາ) ໃນ​ເວລາ 3 ໂມງ 31 ນາທີ​ຂອງ​ວັນ​ທີ 12 ສິງຫາ (ຕາມ​ເວລາ​ໃນ​ທ້ອງຖິ່ນ) ໃນ​ພາລະກິດ​ຄັ້ງ​ປະຫວັດສາດ ໃນ​ການ​ປ້ອງ​ກັນ​ໜ່ວຍ​ໂລກ ໂດຍ​ຜ່ານ​ການ​ຊອກ​ຮູ້​ຄວາມ​ລຶກ​ລັບ​ຂອງ​ພາຍຸ​ຂອງ​ດວງ​ຕາເວັນ.

    ຍານ​ສຳ​ຫຼວດ Parker ຂອງ​ອົງການ​ການບິນ​ອາ​ວະ​ກາດ ສ ອາ​ເມ​ຣິ​ກາ (NASA) ທີ່​ມີ​ມູນ​ຄ່າ 1,5 ຕື້​ໂດ​ລາ​ສະຫະລັດ ນັບ​ວ່າ​ເປັນ​ຍານ​ອະວະກາດ​ລຳ​ທຳ​ອິດ​ໃນ​ປະຫວັດສາດ ທີ່​ຄືບ​ເຂົ້າ​ໄປ​ໃກ້​ທີ່​ສຸດ​ກັບ​ສູນ​ກາງຂອງ​ລະບົບ​ຂອງ​ດວງ​ຕາເວັນ ຫຼື​ພະ​ອາທິດ ຍານ  Parker ຈະ​ເຂົ້າ​ໃກ້​ຊັ້ນ​ອາກາດ​ດ້ວຍ​ອຸ່ນ​ຫະ​ພູມ​ຮ້ອນ​ຂອງ​ພະ​ອາທິດ ໃນ​ການ​ປະຕິບັດ​ພາລະກິດ​ການ​ສຳ​ຫຼວດ ຢ່າງ​ບໍ່​ເຄີຍ​ມີ​ມາ​ກ່ອນ​ຂອງ​ມວນ​ມະນຸດ.

    ກ່ອນ​ໜ້າ​ນັ້ນ ເມື່ອ​ວັນ​ທີ 11 ສິງຫາ  NASA ຕ້ອງ​ໄດ້​ໂຈະ​ການ​ຍິງ​ສົ່ງ​ຍານ​ສຳ​ຫຼວດ Parker ດ້ວຍ​ເຫດຜົນ​ວ່າ ປະກົດ​ມີ​ການ​ແຈ້ງ​ເຕືອນ ທີ່​ກ່ຽວ​ພັນ​ກັບ​ຄວາມດັນ​ຂອງ​ແກ​​ັສ heli ຢູ່​ໃນ​ຍານ ກ່ອນ​ເວລາ​ທີ່​ຄາດ​ວ່າ​ຈະ​ຍິງ​ສົ່ງ.

 

ຂ່າວທີ່ກ່ຽວຂ້ອງ