ຂ່າວຫຼ້າສຸດ

ເອເທີຣິດ ນັກເຕະອາຊຽນຄົນທໍາອິດລຸຍພຣີເມຍລີກ

306 13 ສ.ຫ. 2018 ວົງຈອນກີລາ
ເອເທີຣິດ ນັກເຕະອາຊຽນຄົນທໍາອິດລຸຍພຣີເມຍລີກ

ນີວ ເອເທີຣິດ ຜູ້ຮັກສາປະຕູຊາວຟິລິບປິນ ຂອງ ຄາດິຟ ໄດ້ສ້າງປະຫວັດສາດເປັນນັກເຕະບານອາຊຽນຄົນທໍາອິດທີ່ໄດ້ລົງຫຼິ້ນໃນເວທີພຣີເມຍລີກ ອັງກິດ ຫຼັງຈາກໄດ້ລົງເຝົ້າເສົາໃນເກມເປິດລະດູການ 2018-19 ທີ່ຕົ້ນສັງກັດອອກໄປພ່າຍແພ້ ບອນມັທ 0-2.

          ເອເທີຣິດ ຊຶ່ງມີພໍ່ເປັນຄົນອັງກິດ ແລະ ແມ່ເປັນຊາວຟິລິບປິນ ເກີດທີ່ນະຄອນຫຼວງລອນດອນ ເມື່ອວັນທີ 7 ກຸມພາປີ 1990 ໂດຍເລີ່ມຫຼິ້ນກີລາເຕະບານຕັ້ງແຕ່ອາຍຸ 9 ປີ ຊຶ່ງຕອນຕົ້ນ ຫຼິ້ນເປັນກອງໜ້າ ກ່ອນຜັນຕົວເອງມາເປັນຜູ້ຮັກສາປະຕູ ແລະ ກ່ອນໜ້ານີ້ ເຂົາເຄີຍເປັນນັກເຕະທີມເຍົາວະຊົນຂອງ ເຊວຊີ ໄລຍະປີ 2003-2006 ອີກດ້ວຍ.

          ສຳລັບເກມເມື່ອວັນເສົາທີ່ຜ່ານມາ ເຖິງແມ່ນ ຄາດິຟ ເປັນຝ່າຍປະລາໄຊ ແຕ່ ຜູ້ຮັກສາປະຕູທີມຊາດຟິລິບປິນ ໄວ 28 ປີ ສາມາດປ້ອງກັນຈຸດໂທດຈາກການຍິງຂອງ ຄາລໍາ ວິວສັນ ກອງໜ້າ ບອນມັທ ໃນນາທີທີ່ 34 ໄດ້.

ຂ່າວທີ່ກ່ຽວຂ້ອງ