ຂ່າວຫຼ້າສຸດ

ອີ​ຣັກ​ປະກາດ​ຜົນ​ການ​ເລືອກ​ຕັ້ງ​ສະພາ​ແຫ່ງ​ຊາດ ຫຼັງ​ການ​ນັບ​ບັດ​ຄະແນນ​ສຽງ​ຄືນໃໝ່

215 13 ສ.ຫ. 2018 ຂ່າວຕ່າງປະເທດ
ອີ​ຣັກ​ປະກາດ​ຜົນ​ການ​ເລືອກ​ຕັ້ງ​ສະພາ​ແຫ່ງ​ຊາດ ຫຼັງ​ການ​ນັບ​ບັດ​ຄະແນນ​ສຽງ​ຄືນໃໝ່

    ເມື່ອ​ວັນ​ທີ 9 ສິງຫາ​ທີ່​ຜ່ານ​ມາ ຄະນະ​ກຳມະການ​ການ​ເລືອກ​ຕັ້ງ​ຂອງ​ອີ​ຣັກ ໄດ້​ປະກາດ​ຜົນ ສຸດ​ທ້າຍ ຂອງ​ການ​ເລືອກ​ຕັ້ງ​ສະພາ​ແຫ່ງ​ຊາດ (ທີ່​ໄດ້​ຈັດ​ຂຶ້ນ​ເມື່ອ​ເດືອນ​ພຶດສະພາ​ທີ່​ຜ່ານ​ມາ) ຫຼັງ​ຈາກ ທີ່​ໄດ້​ນັບ​ບັດ​ຄະແນນ​ສຽງ​ຄືນໃໝ່​ດ້ວຍ​ມື ສຳລັບ​ສະຖານທີ່​ປ່ອນ​ບັດ​ຕ່າງໆ ທີ່​ຖືກ​ກ່າວ​ຫາ​ວ່າ​ມີ​ການ ສໍ້​ໂກງ.

    ຜົນ​ຂອງ​ການ​ນັບ​ບັດ​ຄະແນນ​ສຽງ​ຄືນໃໝ່​ນັ້ນ ມີ​ການ​ປ່ຽນແປງ​ບໍ່​ຫຼາຍ​ເມື່ອ​ທຽບໃສ່​ຜົນ ທີ່​ໄດ້​ປະກາດ​ໄປ​ກ່ອນ​ໜ້າ​ນັ້ນ ຊຶ່ງ​ຕາມ​ນັ້ນແລ້ວ​ກໍ​ແມ່ນ ພັນທະ​ພາບ​ຂອງ​ທ່ານ ມອກ​ຕາ​ດາ ຊາດ ນັກ​ເຜີຍແຜ່​ສາສະໜາ​ມຸ​ສິມ​ນິກາຍ​ຊີ​ໄອ ຍັງ​ຄົງ​ຮັກສາ 54 ທີ່​ນັ່ງ​ຢູ່​ຄືເກົ່າ ແລະ ກາຍເປັນ​ກຸ່ມ​ໃຫຍ່​ສຸດ ຢູ່​ໃນ​ສະພາ​ແຫ່ງ​ຊາດ​ອີ​ຣັກ ທີ່​ປະກອບ​ມີ​ທັງ​ໝົດ 329 ທີ່​ນັ່ງ.

    ມີ​ການ​ປ່ຽນແປງ​ພຽງ​ໜຶ່ງ​ດຽວ​ກໍ​ແມ່ນ ພັນທະ​ພາບ ອາ​​ລ-ຟາດ (al-Fath) ຂອງ​ທ່ານ ຮາ​ດີ ອາ​​ລ-ອາ​ເມ​ຣີ ຫົວໜ້າ​ກອງ​ກຳລັງ Hashed al-Shaabi ເຄິ່ງ​ການ​ທະຫານ​ຂອງ​ຊາວ​ມຸ​ສລິມ ນິກາຍ​ຊີ​ໄອ ຊຶ່ງ​ຍາດ​ໄດ້​ຕື່ມ 1 ທີ່​ນັ່ງ ລວມ​ເປັນ 48 ທີ່​ນັ່ງ ໃນ​ຂະນະ​ທີ່​ພັນທະ​ພາບ​ຂອງ ນາຍົກລັດຖະມົນຕີ​ອີ​ຣັກ ໄຮ​ເດີ ອາ​​ລ-ອາ​ບາ​ດີ ຍັງ​ຄົງ​ຮັກສາ​ອັນ​ດັບ​ທີ​ສາມ​ໄວ້​ຄືເກົ່າ ໂດຍ​ມີ 42 ທີ່​ນັ່ງ.

 

ຂ່າວທີ່ກ່ຽວຂ້ອງ