ຍີ່ປຸ່ນ ຈັດ​ພິທີ​ລ້ຳ​ລຶກ​ຄົບຮອບ 73 ປີ​ທີ່ ສ ອາ​ເມ​ຣິ​ກາ​ຖິ້ມ​ລະເບີດ​ປາ​ລາມາ​ນູ​ໃສ່​ນະຄອນ ນາ​ກາ​ຊາ​ກິ

84 13 ສ.ຫ. 2018 ຂ່າວຕ່າງປະເທດ
ຍີ່ປຸ່ນ ຈັດ​ພິທີ​ລ້ຳ​ລຶກ​ຄົບຮອບ 73 ປີ​ທີ່ ສ ອາ​ເມ​ຣິ​ກາ​ຖິ້ມ​ລະເບີດ​ປາ​ລາມາ​ນູ​ໃສ່​ນະຄອນ ນາ​ກາ​ຊາ​ກິ

     ພິທີ​ລ້ຳ​ລຶກ​ຄົບຮອບ 73 ປີ ທີ່  ສ ອາ​ເມ​ຣິ​ກາ ຖິ້ມ​ລະເບີດ​ປາ​ລາມາ​ນູ ລົງ​ໃສ່​ນະຄອນ ນາ​ກາ​ຊາ​ກິ ໃນ​ລະຫວ່າງ​ສົງຄາມ​ໂລກ​ຄັ້ງ​ທີ​ສອງ ໄດ້​ຈັດ​ຂຶ້ນ​ເມື່ອ​ວັນ​ທີ  ສິງຫາ​ທີ່​ຜ່ານ​ມາ ໂດຍ​ມີ​ຜູ້​ເຂົ້າ​ຮ່ວມ​ປະມານ 5.800 ຄົນ ອັນ​ປະກອບ​ມີ​ນາຍົກລັດຖະມົນຕີ​ຍີ່ປຸ່ນ ຊິນ​ໂຊ ອາ​ເບ ຕະຫຼອດ​ຮອດ​ເລຂາທິການ​ໃຫຍ່​ສະຫະ​ປະຊາ​ຊາດ ອັນໂຕ​ນີ​ໂອ ກູ​ເຕີ​ເຣ​​ສ ລວມ​ເຖິງ​ບັນດາ​ຜູ້​ໄດ້ ຮັບ​ເຄາະ​ຮ້າຍ ແລະ​ຍາດຕິ​ພີ່ນ້ອງ​ຂອງ​ຜູ້​ໄດ້​ຮັບ​ເຄາະ​ຮ້າຍ ພ້ອມ​ດ້ວຍ​ຜູ້​ແທນ​ຈາກ 71 ປະເທດ ໃນ​ໂລກ.

   ນາຍົກລັດຖະມົນຕີ ຊິນ​ໂຊ ອາ​ເບ ກ່າວ​ຢູ່​ໃນ​ພິທີ​ດັ່ງກ່າວ ໂດຍ​ໄດ້​ຢືນຢັນ​ວ່າ “ເພື່ອ​ສ້າງ​ໃຫ້​ໂລກ​ປາສະຈາກ​ອາວຸດ​ນີວ​ເຄລຍ​ນັ້ນ ແມ່ນ​ຕ້ອງ​ໄດ້​ມີ​ການ​ຮ່ວມ​ມື​ຈາກ​ທັງ​ສອງ​ຝ່າຍ ຄື​ປະເທດ​ທີ່​ຄອບ​ຄອງ ແລະ​ບໍ່​ຄອບ​ຄອງ​ອາວຸດ​ນີວ​ເຄລຍ.”

    ໃນ​ຂະນະ​ດຽວ​ກັນ ທ່ານ ກູ​ເຕີ​ເຣ​​ສ ໄດ້​ຮຽກຮ້ອງ​ໃຫ້​ທົ່ວ​ໂລກ​ຮັບ​ຟັງສຽງ​ເວົ້າ​ຂອງ​ບັນດາ ຜູ້​ໄດ້​ຮັບ​ເຄາະ​ຮ້າຍ ແລະ “ຕັດສິນ​ໃຈ​ເພື່ອ​ໃຫ້​ນາ​ກາ​ຊາ​ກິ ເປັນ​ບ່ອນ​ສຸດ​ທ້າຍ​ໃນ​ໂລກ ທີ່​ຕ້ອງ​ປະ​ເຊີນ ໄພພິບັດ ທີ່​ເກີດ​ຂຶ້ນ​ຈາກ​ອາວຸດ​ນີວ​ເຄລຍ.”

    ຈຳນວນ​ຜູ້​ເສຍ​ຊີວິດ​ຍ້ອນ​ລະເບີດ​ປາ​ລາມາ​ນູ ທີ່​ໄດ້​ບັນທຶກ​ໄວ້​ໃນ​ແຜ່ນ​ຈາລຶກ ຢູ່​ໃນ​ສວນ ສາທາລະນະ​ສັນຕິພາບ ຢູ່​ໃນ​ນະຄອນ ນາ​ກາ​ຊາ​ກິ ໃນ​ປັດຈຸບັນ​ນີ້​ມີ​ເຖິງ 179.226 ຄົນ.

 

ຂ່າວທີ່ກ່ຽວຂ້ອງ