ຂ່າວຫຼ້າສຸດ

ສ ອາ​ເມ​ຣິ​ກາ ຜັນ​ຂະຫຍາຍ​ລະບົບ​ປ້ອງ​ກັນ​ລູກ​ສອນ​ໄຟ​ແລ້ວ​ກວ່າ 250 ລະບົບ

119 13 ສ.ຫ. 2018 ຂ່າວຕ່າງປະເທດ
ສ ອາ​ເມ​ຣິ​ກາ ຜັນ​ຂະຫຍາຍ​ລະບົບ​ປ້ອງ​ກັນ​ລູກ​ສອນ​ໄຟ​ແລ້ວ​ກວ່າ 250 ລະບົບ

   ພົນ​ຕີ ຊາ​ມູ​ແອ​​ລ ເກຣ​ເວ​​ສ ຜູ້ອຳນວຍການ​ອົງການ​ປ້ອງ​ກັນ​ລູກ​ສອນ​ໄຟ (MDA) ຂອງ ສ ອາ​ເມ​ຣິ​ກາ ກ່າວ​ຕໍ່​ກອງ​ປະຊຸມ​ກ່ຽວ​ກັບ​ການ​ປ້ອງ​ກັນ​ລູກ​ສອນ​ໄຟ ແລະ​ ອາ​ວະ​ກາດ ຊຶ່ງ​ຈັດ​ຂຶ້ນ ທີ່​ລັດ​ອາ​ລາ​ບາ​ມາ (ສ ອາ​ເມ​ຣິ​ກາ) ເມື່ອ​ວັນ​ທີ 8 ສິງຫາ​ທີ່​ຜ່ານ​ມາ​ວ່າ ໄລ່​ມາ​ຮອດ​ເວລາ​ນີ້ ສ ອາ​ເມ​ຣິ​ກາ ໄດ້​ຜັນ​ຂະຫຍາຍ​ລະບົບ​ປ້ອງ​ກັນ​ລູກ​ສອນ​ໄຟ​ປະເພດ​ຕ່າງໆ ແລ້ວ ກວ່າ 250 ລະບົບ.

    ນາຍ​ພົນ ເກຣ​ເວ​​ສ ເວົ້າ​ວ່າ ສ ອາ​ເມ​ຣິ​ກາ​ໄດ້​ຜັນ​ຂະຫຍາຍ​ລະບົບ​ຕີ​ສະກັດ​ລູກ​ສອນ​ໄຟ​ຢູ່​ເທິງ ໜ້າດິນ​ຈຳນວນ 44 ລະບົບ ຢູ່​ໃນ​ລັດ ອາ​ລາ​​ສ​ກາ ແລະ​ລັດ ຄາ​ລີ​ຟໍ​ເນຍ ແລະ ລະບົບ​ປ້ອງ​ກັນ ລູກ​ສອນ​ໄຟ​ຕຳແໜ່ງ​ສູງ​ໄລຍະ​ສຸດ​ທ້າຍ (THAAD) ຈຳນວນ 210 ລະບົບ. ນອກຈາກ​ນັ້ນແລ້ວ ກອງທັບ ສ ອາ​ເມ​ຣິ​ກາ ກໍ​ມີ​ລະບົບ​ປ້ອງ​ກັນ​ລູກ​ສອນ​ໄຟ​ນຳ​ວິຖີ​ລຸ້ນ Aegis ຢູ່​ເທິງ​ກຳປັ່ນ​ສູ້​ຮົບ 36 ລຳ.

 

ຂ່າວທີ່ກ່ຽວຂ້ອງ