ຂ່າວຫຼ້າສຸດ

ອັງກິດ ສືບຕໍ່​ນອນ​ຢູ່​ໃນ​ໝວດ​ປະເທດ​ຜູ້​ສົ່ງ​ອອກ​ອາວຸດ​ລາຍ​ໃຫຍ່​ໃນ​ໂລກ

66 13 ສ.ຫ. 2018 ຂ່າວຕ່າງປະເທດ
ອັງກິດ ສືບຕໍ່​ນອນ​ຢູ່​ໃນ​ໝວດ​ປະເທດ​ຜູ້​ສົ່ງ​ອອກ​ອາວຸດ​ລາຍ​ໃຫຍ່​ໃນ​ໂລກ

    ຕົວ​ເລກ​ຈາກ​ອົງການ​ປ້ອງ​ກັນ​ຊາດ ແລະ ປ້ອງ​ກັນ​ຄວາມ​ສະຫງົບ (DSO) ທີ່​ຂຶ້ນ​ກັບ​ກະຊວງ ປ້ອງ​ກັນ​ປະເທດ​ອັງກິດ ໃຫ້​ຮູ້​ວ່າ ອັງກິດ​ສືບຕໍ່​ເປັນ​ໜຶ່ງ​ໃນ​ບັນດາ​ປະເທດ ຜູ້​ສົ່ງ​ອອກ​ອາວຸດ​ອັນ​ດັບ ແຖວ​ໜ້າ​ໃນ​ໂລກ ໂດຍ​ມີ​ມູນ​ຄ່າ​ການ​ສົ່ງ​ອອກ​ອຸປະກອນ​ປ້ອງ​ກັນ​ຊາດ ໃນ​ປີ  2017 ເພີ່ມ​ຂຶ້ນ 53% ຂຶ້ນ​ເປັນ 9 ຕື້​ປອນ.

    ຕົວ​ເລກ​ຂອງ DSO ຍັງ​ໃຫ້​ຮູ້​ວ່າ​ຕະຫຼາດ​ອຸປະກອນ​ປ້ອງ​ກັນ​ຊາດ​ທົ່ວ​ໂລກ​ໃນ​ປີ 2017 ຄາດ​ວ່າ​ບັນລຸ​ມູນ​ຄ່າ​ເກືອບ 98 ຕື້​ໂດ​ລາ​ສະຫະລັດ (ເທົ່າ​ກັບ 76 ຕື້​ປອນ) ຊຶ່ງ​ເປັນ​ລະດັບ​ສູງ​ສຸດ ໃນ​ຮອບ​ໜຶ່ງ​ທົດ​ສະ​ວັດ​ທີ່​ຜ່ານ​ມາ.

    ຜົນ​ການ​ຄົ້ນຄວ້າ​ຂອງ DSO ໃຫ້​ຮູ້​ວ່າ ອັງກິດ​ກວມ​ເອົາ 12% ຂອງ​ສ່ວນ​ແບ່ງ​ໃນ​ຕະຫຼາດ ອຸປະກອນ​ປ້ອງ​ກັນ​ຊາດ​ສາກົນ​ໃນ​ປີ 2017 ໃນ​ຂະນະ​ທີ່ ສ ອາ​ເມ​ຣິ​ກາ ມີ​ສ່ວນ​ແບ່ງ​ໃນ​ຕະຫຼາດ ທີ່​ລະດັບ​ສູງ​ເປັນ​ປະຫວັດ​ການ​ທີ່ 53%.

   ການ​ສົ່ງ​ອອກ​ອຸປະກອນ​ການບິນ​ອາ​ວະ​ກາດ ກວມ​ເອົາ​ທ່າ​ໄດ້​ປຽບ ຢູ່​ໃນ​ການ​ສົ່ງ​ອອກ​ອາວຸດ ຂອງ​ອັງກິດ ໃນ​ເມື່ອ​ວ່າ​ປະກອບສ່ວນ​ເຖິງ 87% ຂອງ​ຍອດ​ມູນ​ຄ່າ​ການ​ສົ່ງ​ອອກ​ອາວຸດ​ຂອງ​ອັງກິດ ໃນ​ຂະນະ​ທີ່​ການ​ສົ່ງ​ອອກ​ອຸປະກອນ​ໃຫ້​ແກ່​ກອງທັບ​ເຮືອ ແລະ ອາວຸດ​ທີ່​ໃຊ້​ເທິງ​ບົກ ກວມ​ເອົາ​ພຽງ  7% ແລະ 6% ຕາມ​ລຳດັບ.

 

ຂ່າວທີ່ກ່ຽວຂ້ອງ