ອົງການກວດສອບ ຈັດງານສະຫຼອງວັນສ້າງຕັ້ງ ຄົບຮອບ 20 ປີ

301 13 ສ.ຫ. 2018 ຂ່າວໜ້າ​ໜຶ່ງ
ອົງການກວດສອບ ຈັດງານສະຫຼອງວັນສ້າງຕັ້ງ ຄົບຮອບ 20 ປີ

    ພິ­ທີ​ສະ­ເຫຼີມ­ສະ­ຫຼອງ​ວັນ​ສ້າງ­ຕັ້ງ​ອົງ­ການ​ກວດ​ສອບ​ແຫ່ງ​ລັດ ຄົບ­ຮອບ 20 ປີ (5/8/1998-5/8/2018) ຈັດ​ຂຶ້ນ​ທີ່​ອົງ­ການ​ດັ່ງ­ກ່າວ ມີ​ທ່ານ ຄຳ​ພັນ ພົມ​ມະ​ທັດ ຫົວ­ໜ້າ​ຫ້ອງ​ວ່າ­ການ​ສູນ​ກາງ​ພັກ ທ່ານ​ນາງ ວຽງ​ທອງ ສີ​ພັນ​ດອນ ປະ­ທານ​ອົງ­ການ​ກວດ​ສອບ​ແຫ່ງ​ລັດ ພ້ອມ​ດ້ວຍ​ບັນ­ດາ​ຮອງ​ປະ­ທານ​ອົງ­ການ​ກວດ​ສອບ​ແຫ່ງ​ລັດ ປະ­ທານ​ອົງ­ການ​ກວດ​ສອບ​ປະ­ຈຳ​ພາກ​ກາງ ການ​ນຳ​ແຕ່​ລະ​ຂັ້ນ ພ້ອມ​ດ້ວຍ​ພະ­ນັກ­ງານ-ລັດ­ຖະ­ກອນ​ເຂົ້າ​ຮ່ວມ.

    ທ່ານ​ນາງ ວຽງ​ທອງ ສີ​ພັນ​ດອນ ໄດ້​ກ່າວ​ວ່າ: ນັບ​ແຕ່​ໄດ້​ຮັບ​ການ​ສ້າງ­ຕັ້ງ​ຕາມ​ດຳ­ລັດ​ຂອງ​ນາ­ຍົກ​ລັດ​ຖະ ມົນ ຕີ ແລະ ເຄື່ອນ​ໄຫວ​ກວດ​ສອບ​ບັນ­ຊີ​ລັດ​ຈາກ​ເລີ່ມ​ຕົ້ນ​ມີ​ພຽງ 30 ທ່ານ ເຊິ່ງ​ແມ່ນ​ພະ­ນັກ­ງານ​ຫຼັກ​ແຫຼ່ງ​ທີ່​ສັບ​ຊ້ອນ ແລະ ຍົກ­ຍ້າຍ​ຈາກ​ພະ​ແນກ​ແຜນ­ການ-ການ​ເງິນ ແລະ ຂະ­ແໜງ­ການ​ອື່ນໆ​ທີ່​ພົວ­ພັນ​ຕາມ​ການ​ຕົກ­ລົງ​ຂອງ​ຂັ້ນ​ເທິງ ອົງ­ການ​ກວດ​ສອບ​ໄດ້​ມີ​ການ​ປັບ­ປຸງ ພາ­ລະ​ບົດ­ບາດ​ເປັນ​ເສ­ນາ​ທິ​ການ​ໃຫ້​ແກ່​ນາ­ຍົກ­ລັດ­ຖະ­ມົນ­ຕີ ແລະ ລັດ­ຖະ­ບານ ໃນ​ການ​ກວດ​ສອບ​ຢັ້ງ­ຢືນ​ຄວາມ​ຖືກ­ຕ້ອງ​ຕາມ​ກົດ­ໝາຍ​ຂອງ​ບົດ​ສະ­ຫຼຸບ​ການ​ປະ­ຕິ­ບັດ​ແຜນ​ງົບ­ປະ­ມານ​ແຫ່ງ​ລັດ ປະ­ຈຳ​ປີ ມາ​ເຖິງ​ວັນ​ທີ 25 ກຸມ­ພາ 2004 ປ່ຽນ​ແທນ​ດຳ­ລັດ​ເລກ​ທີ 174/ນຍ ໄດ້​ປ່ຽນ​ຊື່​ຈາກ​ອົງ­ການ​ກວດ​ສອບ​ບັນ­ຊີ​ແຫ່ງ​ລັດ ມາ​ເປັນ​ອົງ­ການ​ກວດ​ສອບ​ແຫ່ງ​ລັດ​ຈົນ​ເຖິງ​ປັດ­ຈຸ­ບັນ​ນີ້.

    ຄຽງ​ຄູ່​ກັບ​ການ​ເຕີບ​ໃຫຍ່​ຂະ­ຫຍາຍ­ຕົວ​ທາງ​ດ້ານ​ກົງ­ຈັກ​ການ­ຈັດ­ຕັ້ງ ທາງ​ດ້ານ​ວຽກ​ງານ​ວິ­ຊາ​ສະ­ເພາະ ສາ­ມາດ​ຈັດ​ຕັ້ງ​ປະ­ຕິ­ບັດ​ໄດ້​ສຳ­ເລັດ​ຕາມ​ທິດ​ທາງ ແລະ ແຜນ­ການ​ກວດ​ສອບ​ແຕ່​ລະ​ປີ ໄດ້​ທັງ​ໝົດ 612 ເທື່ອ ໃນ​ນັ້ນ ກວດ​ສອບ​ບົດ​ສະ­ຫຼຸບ​ຂາດ​ຕົວ ການ­ຈັດ­ຕັ້ງ​ປະ­ຕິ­ບັດ​ແຜນ​ງົບ­ປະ­ມານ​ແຫ່ງ​ລັດ​ຢູ່​ບັນ­ດາ​ກະ­ຊວງ ອົງ­ການ ແຂວງ ແລະ ນະ­ຄອນ­ຫຼວງ 383 ເທື່ອ ກວດ​ສອບ​ທະ­ນາ­ຄານ 25 ເທື່ອ ວິ​ສາ​ຫະ​ກິດ 72 ເທື່ອ ໂຄງ­ການ​ເງິນ​ກູ້​ຢືມ ແລະ ຊ່ວຍ­ເຫຼືອ​ລ້າ​ຈາກ​ຕ່າງ­ປະ­ເທດ 113 ເທື່ອ ກວດ​ສອບ​ສ້າງ​ຄວາມ​ເຂັ້ມ­ແຂງ​ກັບ​ສາ­ກົນ ແລະ ປະ­ເທດ​ຮ່ວມ​ມື​ຍຸດ​ທະ​ສາດ 19 ເທື່ອ ສາ­ມາດ​ເຊັນ​ບົດ​ບັນ­ທຶກ​ການ​ກວດ​ສອບ​ໄດ້ 418 ບົດ ອອກ​ບົດ​ແຈ້ງ​ຜົນ​ກວດ​ສອບ​ໄດ້ 418 ບົດ ແລະ ຜົນ­ງານ​ອື່ນໆ​ອີກ​ຫຼາຍ​ດ້ານ.

    ເພື່ອ​ເປັນ​ການ​ຢັ້ງ­ຢືນ​ເຖິງ​ຜົນ­ງານ​ທີ່​ຍາດ​ມາ​ໄດ້ ພັກ-ລັດ­ຖະ­ບານ​ໄດ້​ຕົກ­ລົງ​ຍ້ອງ­ຍໍ​ໃຫ້​ກົມ​ກອງ​ລວມ​ໝູ່ ແລະ ບຸກ­ຄົນ​ຂອງ​ອົງ­ການ​ກວດ​ສອບ​ທີ່​ມີ​ຜົນ­ງານ​ດີ­ເດັ່ນ​ໃນ​ໄລ­ຍະ​ຜ່ານ​ມາ ຄື: ປະ­ດັບ​ຫຼຽນ​ໄຊ​ອິດ­ສະ­ຫຼະ​ຊັ້ນ 2 ໃຫ້​ອົງ ການ​ກວດ​ສອບ​ແຫ່ງ​ລັດ ຫຼຽນ​ໄຊ​ແຮງ​ງານ​ຊັ້ນ 2 ຈຳ­ນວນ 5 ທ່ານ ແລະ ຫຼຽນ​ໄຊ​ແຮງ​ງານ​ຊັ້ນ 3 ຈຳ­ນວນ 6 ທ່ານ.

ຂ່າວທີ່ກ່ຽວຂ້ອງ