ຂ່າວຫຼ້າສຸດ

ສະເປີ ເປັນທີມທໍາອິດໃນປະຫວັດສາດທີ່ບໍ່ເສີມທັບໄລຍະພັກຮ້ອນ

259 10 ສ.ຫ. 2018 ວົງຈອນກີລາ
ສະເປີ ເປັນທີມທໍາອິດໃນປະຫວັດສາດທີ່ບໍ່ເສີມທັບໄລຍະພັກຮ້ອນ

        ສະເປີ ກາຍເປັນທີມທໍາອິດໃນປະຫວັດສາດພຣີເມຍລີກທີ່ບໍ່ເສີມທັບນັກເຕະໃໝ່ແມ່ນແຕ່ຄົນດຽວ ນັບຕັ້ງແຕ່ມີຕະຫຼາດໄລຍະພັກຮ້ອນເມື່ອປີ 2003.

          ຕະຫຼາດພຣີເມຍລີກ ຫາກໍປິດຕົວໄປເມື່ອເວລາ 23.00 ໂມງຂອງຄືນວັນພະຫັດທີ 9 ສິງຫາຜ່ານມາ ຕາມເວລາປະເທດເຮົາ ໂດຢທີ່ ທັອດແນມ ຮັອດສະເປີ ຂອງຜູ້ຈັດການທີມ ເມົາຣິຊິໂອ ໂປເຊັຕຕິໂນ່ ບໍ່ໄດ້ດຶງນັກເຕະໃໝ່ຄົນໃດມາຮ່ວມທີມເລີຍຕະຫຼອດພັກຮ້ອນ.

          ການຊື້-ຂາຍນັກເຕະຖືກຈັດລະບຽບໃໝ່ໃນປີ 2003 ໂດຍກຳນົດເວລາເປິດ ແລະ ປິດຕະຫຼາດຊັດເຈນໃນໄລຍະພັກຮ້ອນ ຊຶ່ງນັບແຕ່ນັ້ນຈົນເຖິງປັດຈຸບັນ 15 ປີ ບໍ່ເຄີຍມີທີມໃດທີ່ບໍ່ດຶງນັກເຕະໃໝ່ເຂົ້າທີມເລີຍ ຈົນກະທັ່ງ ສະເປີ ໃນພັກຮ້ອນນີ້.

          ສະເປິ ພະຍາຍາມຕິດຕໍ່ຂໍຊື້ຕົວ ແຈັກ ກຣີລິຊ ດາວຮຸ່ງຂອງແອສຕັນ ວິນລ່າ ໃນໄລຍະ 2 ວັນສຸດທ້າຍກ່ອນຕະຫຼາດປິດ ແຕ່ວ່າບໍ່ປະສົບຄວາມສຳເລັດ ເຮັດໃຫ້ໄຮ້ນັກເຕະໃໝ່ຮ່ວມທີມໃນລະດູການນີ້.

ຂ່າວທີ່ກ່ຽວຂ້ອງ