ຍົກລະດັບກີລາ ໂກນບານ ຄູເຝິກ-ນັກກີລາຄົນພິການ

81 10 ສ.ຫ. 2018 ວົງຈອນກີລາ
ຍົກລະດັບກີລາ ໂກນບານ ຄູເຝິກ-ນັກກີລາຄົນພິການ

    ຊຸດ​ອົບຮົມ​ຄູ​ເຝິກ ແລະ ນັກກີລາ​ຄົນ​ພິການ​ ຈັດ​ຂຶ້ນ​ວັນທີ 7-12 ສິງຫາ 2018 ທີ່​ສູນ​ຟື້ນຟູ​ຄົນ​ພິການ ນະຄອນຫຼວງ​ວຽງຈັນ ມີ​ທ່ານ ໄຊຊະນະ ສະຫວັດດີ ຮອງ​ຫົວໜ້າ​ກົມ​ກີລາ​ມວນ​ຊົນ ກະຊວງ​ສຶກ​ສາ​ທິ​ການ ແລະ ກີລາ ທ່ານນາງ ຢູ​ກິ ນາ​ກາ​ມູ​ຣະ ຜູ້​ຈັດການ​ອົງການ​ຄົນ​ພິການ​ອາຊີເພື່ອ​ການ​ພັດທະນາ ທ່ານ ນາໂອ​ກິ ອີ​ກູ​ໂຣະ ວິທະຍາກອນ​ກີລາ​ໂກນ​ບານ​ຈາກ​ປະເທດ​ຍີ່ປຸ່ນ ພ້ອມ​ດ້ວຍ​ພະນັກງານ​ວິຊາ​ການ​ຈາກ​ແຂວງ​ວຽງ​ຈັນ ແຂວງ​ເຊ​ກອງ ແລະ ນະຄອນຫຼວງ​ວຽງ​ຈັນ 16 ຄົນ​ເຂົ້າ​ຮ່ວມ.

    ໂອກາດ​ນີ້​ ທ່ານ ໄຊຊະນະ ສະຫວັດດີ ໄດ້​ກ່າວ​ສະແດງ​ຄວາມ​ຍ້ອງຍໍ​ຊົມເຊີຍ​ຕໍ່​ຄະນະ​ຮັບ​ຜິດຊອບ ແລະ ຂອບໃຈ​ຄະນະຊ່ຽວຊານ​ກີລາ​ໂກນ​ບານ ​ທີ່​ໄດ້ເດີນທາງ​ຈາກ​ປະເທດ​ຍີ່ປຸ່ນ ເພື່ອມາຊຸກຍູ້​ສົ່ງເສີມ​ການພັດທະນາກີລາ-ກາ​ຍະ​ກຳ​ຄົນ​ພິການ​ຢູ່​ລາວ​ ເວົ້າ​ລວມ ​ເວົ້າ​ສະເພາະ​ການ​ເຝິກອົບຮົມ​ຄັ້ງ​ນີ້​ ເປັນ​ການສ້າງຊັບພະຍາກອນ​ມະນຸດ​ ໃຫ້​ມີ​ຄວາມ​ຮູ້​ຄວາມ​ສາມາດ ແລະ ກາຍເປັນ​ຊ່ຽວຊານ​ດ້ານ​ບໍລິຫານ ກຳມະການ​ຕັດສິນ ຄູເຝິກ ແລະ ນັກກີລາ​ຄົນ​ພິການ​ຢູ່​ໃນ​ນະຄອນຫຼວງ​ວຽງ​ຈັນ ແລະ ບັນດາ​ແຂວງ​ໃນ​ຂອບ​ເຂດ​ທົ່ວປະເທດ ເຊິ່ງ​ຜູ້​ເຂົ້າ​ຮ່ວມ​ຈະ​ໄດ້ຮຽນ ​ພາກ​ທິດ​ສະ​ດີ ແລະ ພາກ​ປະຕິບັດ​ຕົວ​ຈິງ ປະກອບ​ມີ​ກະຕິ​ກາ ຂັ້ນ​ຕອນ ລະບຽບ​ວິໄນ​ຂອງ​ກີລາ​ໂກນ​ບານ ການ​ບຸກ ການຕ້ານ ການເຝິກແອບ​ຮ່າງກາຍ ແລະ ຍຸດ​ທະ​ສາດ​ການ​ຕໍ່ສູ້ ໂດຍ​ອີງ ຕາມ​ສະພາບ​ຕົວ​ຈິງ​ຂອງ​ນັກກີລາ.

ຂ່າວທີ່ກ່ຽວຂ້ອງ