ຂ່າວຫຼ້າສຸດ

ອຸດົມໄຊ ສູ້ຊົນຍາດໃຫ້ໄດ້ 10 ຫຼຽນ ໃນຊຽງຂວາງເກມ

255 10 ສ.ຫ. 2018 ວົງຈອນກີລາ

    ມະ​ຫະ​ກຳ​ກີ­ລາ​ແຫ່ງ​ຊາດ​ຄັ້ງ​ທີ 11 ຊຽງ​ຂວາງ​ເກມ ທີ່​ຈະໄດ້​ຈັດ​ຂຶ້ນ​ໃນ​ເດືອນ​ພະ­ຈິກ 2018 ຄະ­ນະ​ຮັບ­ຜິດ­ຊອບ​ຂະບວນ​ການ​ແຂ່ງ­ຂັນ​ກີ­ລາ​ແຂວງ​ອຸ­ດົມ​ໄຊ ຕັ້ງ​ເປົ້າ​ໝາຍ​ສູ້​ຊົນ​ຍາດ​ໃຫ້​ໄດ້ 10 ຫຼຽນ ໃນ​ຈຳ­ນວນ 13 ປະ­ເພດ​ກີ­ລາ​ທີ່​ແຂວງ​ຈະ​ສົ່ງ​ເຂົ້າ​ຮ່ວມ​ແຂ່ງ­ຂັນ.

    ທ່ານ ຄຳ​ຜາຍ ອິນ​ສົມ​ພອນ ຫົວ­ໜ້າ​ຂະ­ແໜງ​ກີ­ລາ​ລະ­ດັບ​ສູງ​ພະ​ແນກ​ສຶກ​ສາ​ທິ​ການ ແລະ ກີ­ລາ​ແຂວງ​ອຸ­ດົມ​ໄຊ ຜູ້​ຮັບ​ຜິດຊອບ​ກ່ຽວ​ກັບ​ການ​ຫ້າງ​ຫາ​ກະກຽມ​ຂະ​ບວນ​ການ​ກີ­ລາ ເພື່ອເຂົ້າ​ຮ່ວມ​ແຂ່ງ­ຂັນ​ໃນ​ງານ​ມະ​ຫະ​ກຳ​ກີ­ລາ​ແຫ່ງ​ຊາດ ຄັ້ງ​ທີ 11 ທີ່​ແຂວງ​ຊຽງ​ຂວາງ ໄດ້​ກ່າວ​ວ່າ: ປັດ­ຈຸ­ບັນ​ແຂວງ​ອຸ­ດົມ​ໄຊ​ມີ​ຄວາມພ້ອມ​ທີ່​ຈະ​ສົ່ງ​ນັກ­ກີ­ລາ​ເຂົ້າ​ຮ່ວມ ແຂ່ງ­ຂັນ​ງານ​ມະ​ຫະ​ກຳ​ດັ່ງ­ກ່າວ ໂດຍ​ຈະ​ສົ່ງ​ນັກ­ກີ­ລາ​ເຂົ້າ​ຮ່ວມ​ແຂ່ງ­ຂັນ​ທັງ​ໝົດ 13 ປະ­ເພດ ເຊັ່ນ: ກີ­ລາ​ປິ່ງ​ປ໋ອງ ເປ​ຕັງ ເທຄວັນ​ໂດ ໝາກ​ແລ້ ໜ້າ​ເກັກ ໝາກ​ຂາງ ດອກ​ປີກ​ໄກ່ ບານສົ່ງ​ຫາດ​ຊາຍ ບານ­ເຕະ ໝາກເສິກ ມວຍ​ປ້ຳ ແລະ ກີ­ລາ​ສະນຸກ​ເກີ ເຊິ່ງ​ລວມ​ມີ​ນັກ­ກີ­ລາ​ຄະນະ​ນຳ ຄູ​ເຝີກ ແລະ ວິ­ຊາ​ການ​ອື່ນໆ​ທັງ​ໝົດ 249 ຄົນ ໃນ​ນັ້ນ ມີນັກ­ກີ­ລາ 151 ຄົນ ທີ່​ວາງ​ຄາດ­ໝາຍ​ສູ້​ຊົນ​ໃຫ້​ຍາດ​ໄດ້ 10 ຫຼຽນ ໃນ​ນີ້ ຫຼຽນ​ຄຳ 6 ຫຼຽນ ຈາກ​ກີ­ລາ​ປິ່ງ​ປ໋ອງ 2 ຫຼຽນ ເທ​ຄວັນ​ໂດ ແລ່ນ​ລານ ໝາກແລ້ ແລະ ກີ­ລາ​ໝາກ­ເສິກ ປະເພດ​ລະ 1 ຫຼຽນ ສ່ວນ​ຫຼຽນ​ເງິນ ແລະ ຫຼຽນ​ທອງ​ປະ­ເພດ​ລະ 2 ຫຼຽນ.

    ພ້ອມ​ນີ້ ແຂວງ​ອຸ­ດົມ​ໄຊ ໄດ້ເລັ່ງ​ຄັດ​ເລືອກ​ນັກ­ກີ­ລາ ​ເພື່ອ​ເຂົ້າສູນ​ເກັບ​ຕົວ​ເຝີກ​ຊ້ອມ ໂດຍ​ນຳ​ໃຊ້​ງົບ­ປະ­ມານ​ແຂວງ ແລະ ລະດົມ​ຈາກ​ຫຼາຍ​ພາກ­ສ່ວນ ເຊິ່ງ​ຄາດ​ວ່າ​ຈະ​ນຳ​ໃຊ້​ງົບ­ປະ­ມານ 1,3 ຕື້​ກີບ.

ຂ່າວທີ່ກ່ຽວຂ້ອງ