ຂ່າວຫຼ້າສຸດ

ລາວ-ຫວຽດນາມ ສົ່ງເສີມການຖ່າຍຖອດວິທະຍາສາດເຕັກໂນໂລຊີ

228 10 ສ.ຫ. 2018 ຂ່າວໜ້າ​ໜຶ່ງ
ລາວ-ຫວຽດນາມ ສົ່ງເສີມການຖ່າຍຖອດວິທະຍາສາດເຕັກໂນໂລຊີ

   ວັນ​ທີ 9-10 ສິງ­ຫາ 2018 ທີ່​ສະ​ຖາ​ບັນ​ການ​ຄຸ້ມ​ຄອງ​ວິ­ທະ­ຍາ­ສາດ ກະ­ຊວງ​ວິ­ທະ­ຍາ­ສາດ ແລະ ເຕັກ​ໂນ​ໂລ​ຊີ ລາວ-ຫຽດ​ນາມ ໄດ້​ຈັດ​ພິ­ທີ​ພົບ​ປະ ແລະ ວາງ­ສະ­ແດງ​ຜົນ­ງານ​ກ່ຽວ​ກັບ​ການ​ຖ່າຍ​ທອດ​ເຕັກ​ໂນ​ໂລ​ຊີ 2018 ຂຶ້ນ​ເພື່ອ​ສົ່ງ­ເສີມ​ຖ່າຍ​ທອດ​ການ​ຄົ້ນ­ຄວ້າ ການ​ປະ­ດິດ​ສ້າງ ແລະ ການ​ນຳ​ໃຊ້​ເຕັກ​ໂນ​ໂລ​ຊີ ພາຍ​ໃຕ້​ເປົ້າ​ໝາຍ​ຍຸດ​ທະ​ສາດ ການ​ພັດ­ທະ­ນາ​ວິ­ທະ­ຍາ­ສາດ ເຂົ້າ​ໃນ​ການ​ພັດ­ທະ­ນາ​ເສດ­ຖະ­ກິດ-ສັງ­ຄົມ ທັງ​ເປັນ​ການ​ເພີ່ມ​ທະ­ວີ​ຂອບ​ການ​ຮ່ວມ​ມື​ດ້ານ​ວຽກ​ງານ​ວິ­ທະ­ຍາ­ສາດ ລະ­ຫວ່າງ ລາວ-ຫວຽດ­ນາມ ໃຫ້​ມີ​ຜົນ­ສຳ­ເລັດ​ຫຼາຍ​ຂຶ້ນ ໂດຍ​ມີ​ທ່ານ ບໍ່​ວຽງ​ຄຳ ວົງ​ດາ ລາ ລັດ­ຖະ­ມົນ­ຕີ​ກະ­ຊວງ​ວິ­ທະ­ຍາ­ສາດ ແລະ ເຕັກ​ໂນ​ໂລ​ຊີ ທ່ານ ເຈີນ​ວັນ​ຕຸງ ຮອງ​ລັດ­ຖະ­ມົນ­ຕີ​ກະ­ຊວງ​ວິ­ທະ­ຍາ ສາດ ແລະ ເຕັກ​ໂນ​ໂລ​ຊີ​ຫວຽດ­ນາມ ພ້ອມ​ດ້ວຍ​ບັນ­ດາ​ຮອງ​ລັດ­ຖະ­ມົນ­ຕີ ຫົວ­ໜ້າ​ກົມ ສະ​ຖາ​ບັນ ແລະ ພາກ­ສ່ວນ​ກ່ຽວ­ຂ້ອງ​ເຂົ້າ​ຮ່ວມ.

    ການ​ຈັດ​ງານ​ຄັ້ງ​ນີ້ ເປັນ​ການ​ເຕົ້າ­ໂຮມ​ເອົາ​ບັນ­ດາ​ສະ​ຖາ​ບັນ​ຄົ້ນ­ຄວ້າ​ວິ­ທະ­ຍາ­ສາດ ການ​ພັດ­ທະ­ນາ​ມະ­ຫາ​ວິ​ທະ ຍາ​ໄລ  ແລະ ຫົວ­ໜ່ວຍ​ທຸ­ລະ​ກິດ​ຕ່າງໆ ນຳ​ເອົາ​ຜະ­ລິດ​ຕະ​ພັນ ແລະ ຜົນ­ງານ​ໃນ​ຂົງ­ເຂດ​ເຕັກ​ໂລ​ຊີ​ຂອງ​ຕົນ​ມາ​ວາງ ສະ­ແດງ ເປັນ­ຕົ້ນ ຂະ​ບວນ​ການ​ຜະ­ລິດ ແລະ ການ​ເກັບ​ຮັກ­ສາ​ຜະ­ລິດ​ຕະ​ພັນ​ກະ­ສິ­ກຳ ພະ­ລັງ­ງານ​ທົດ​ແທນ ການ​ຮັກ­ສາ​ສິ່ງ­ແວ­ດລ້ອມ ຂໍ້​ມູນ​ຂ່າວ­ສານ ແລະ ການ​ບໍ­ລິ­ການ ການ​ເພາະ​ລ້ຽງ­ສັດ​ນ້ຳ ການ​ປະ­ມົງ ແລະ ອື່ນໆ ພ້ອມ​ນີ້​ໄດ້​ເປີດ​ໂອ­ກາດ​ໃຫ້​ຜູ້​ເຂົ້າ​ຮ່ວມ​ທັງ​ສອງ​ຝ່າຍ​ໄດ້​ແລກ­ປ່ຽນ​ຂໍ້​ມູນ​ຂ່າວ­ສານ ຜົນ­ສຳ­ເລັດ​ຂອງ​ການ​ຄົ້ນ­ຄວ້າ ນຳ​ສະ­ເໜີ ເຕັກ​ໂນ​ໂລ​ຊີ​ທີ່​ກ້າວ­ໜ້າ ເພື່ອ​ພັດ­ທະ­ນາ​ໃຫ້​ສອດ­ຄ່ອງ ແລະ ແທດ­ເໝາະ​ກັບ​ຄວາມ​ຮຽກ­ຮ້ອງ​ຕ້ອງ­ການ​ຂອງ​ສັງ­ຄົມ​ໃນ​ປັດ­ຈຸ­ບັນ ແລະ ເຊື່ອມ​ໂຍງ​ກັບ​ພາກ​ພື້ນ ແລະ ສາ­ກົນ.

    ນອກ​ນີ້ ພາຍ​ໃນ​ງານ​ຂະ­ແໜງ­ການ​ພາກ​ລັດ ມະ­ຫາ­ວິ­ທະ­ຍາ­ໄລ ສະ​ຖາ​ບັນ​ການ​ຄົ້ນ­ຄວ້າ ແລະ ບັນ­ດາ​ຜູ້​ປະ ກອບ​ການ​ຂອງ​ສອງ​ປະ­ເທດ​ຍັງ​ໄດ້​ເຊັນ​ບົດ​ບັນ­ທຶກ​ຄວາມ​ເຂົ້າ­ໃຈ​ຮ່ວມ​ກັນ ເປັນ­ຕົ້ນ ບົດ​ບັນ­ທຶກ​ວ່າ​ດ້ວຍ​ການ​ສະ­ໜັບ­ສະ­ໜູນ​ໂຄງ­ການ​ຄົ້ນ­ຄວ້າ ແລະ ພັດ­ທະ­ນາ HDPE ສຳ­ລັບ​ການ​ລ້ຽງ​ປາ​ກະ­ຊັງ​ຢູ່​ລາວ ທີ່​ມີ­ຄ່າ​ໃຊ້​ຈ່າຍ​ຕ່ຳ ການ​ກໍ່ ສ້າງ​ຊັບ­ພະ­ຍາ­ກອນ​ມະ­ນຸດ ການ​ຄົ້ນ­ຄວ້າ​ຄວາມ​ຫຼາກ​ຫຼາຍ​ດ້ານ​ຊີ­ວະ​ສາດ ແລະ ການ​ພັດ­ທະ­ນາ​ນຳ​ໃຊ້​ກະ­ສິ­ກຳ​ສະ ອາດ ແລະ ວຽກ​ງານ​ທີ່​ຕິດ​ພັນ​ກັບ​ຂະ­ແໜງ​ວິ­ທະ­ຍາ­ສາດ​ອື່ນໆ ເພື່ອ​ແນ­ໃສ່​ການ​ຫັນ​ເປັນ​ອຸດ​ສະ­ຫະ​ກຳ ແລະ ທັນ​ສະ ໄໝ​ເທື່ອ​ລະ​ກ້າວ ພ້ອມ​ນັ້ນ ໃນ​ລະ­ຫວ່າງ​ການ​ພົບ​ປະ­ການ​ນຳ​ຂັ້ນ​ສູງ​ກະ­ຊວງ​ວິ­ທະ­ຍາ­ສາດ ແລະ ເຕັກ​ໂນ​ໂລ​ຊີ​ຫວຽດ ນາມ​ຍັງ​ໄດ້​ມອບ​ເຄື່ອງ​ຊ່ວຍ­ເຫຼືອ​ມູນ​ຄ່າ 150 ລ້ານ​ດົງ ເພື່ອ​ນຳ­ໄປ​ຊ່ວຍ­ເຫຼືອ​ໃຫ້​ແກ່​ຜູ້​ປະ­ສົບ​ໄພ​ນ້ຳ​ຖ້ວນ​ຢູ່​ເມືອງ​ສະ­ໜາມ​ໄຊ ແຂວງ​ອັດ​ຕະ​ປື ຕື່ມ​ອີກ.

ຂ່າວທີ່ກ່ຽວຂ້ອງ