ຂ່າວຫຼ້າສຸດ

ລາວໂຕໂຢຕ້າ ຄອງຂັນລາວ ພຣີເມຍລີກ ສະໄໝ 3

149 09 ສ.ຫ. 2018 ວົງຈອນກີລາ
ລາວໂຕໂຢຕ້າ ຄອງຂັນລາວ ພຣີເມຍລີກ ສະໄໝ 3

    ສະ­ໂມ­ສອນ ລາວ​ໂຕ​ໂຢ​ຕ້າ ເອັຟ​ຊີ ຄອງ​ຂັນ​ຊະ­ນະ​ເລີດ ບານເຕະ​ລີກ​ສູງ​ສຸດ ແຫ່ງ ສປປ ລາວ ສະ­ໄໝ​ທີ 3 ລົງ​ສະ­ໜາມ​ອຳ​ລາ​ນັດ​ສຸດ​ທ້າຍ​ຂອງ​ລະ­ດູ​ການ​ໄດ້​ຢ່າງ​ສວຍ​ງາມ ຫຼັງ​ໄລ່​ເອົາ​ຊະນະ ສະ­ໂມ­ສອນກະ­ຊວງ​ປ້ອງ​ກັນ​ຄວາມ​ສະ­ຫງົບ ຫຼື ປກສ ເອັບ​ຊີ 3-1 ປະ­ຕູ ໃນ​ວັນ​ທີ 4 ສິງ­ຫາ 2018 ທີ່​ສະ­ໜາມ​ກີ­ລາ​ແຫ່ງ​ຊາດ ຫຼັກ 16 ນະ­ຄອນ­ຫຼວງ​ວຽງ​ຈັນ.

    ຈາກ​ໄຊ­ຊະ­ນະ​ນັດ​ນີ້ ສົ່ງ​ຜົນໃຫ້ ລາວ​ໂຕ​ໂຢ​ຕ້າ ເອັຟ​ຊີ ເກັບເພີ່ມ​ເປັນ 34 ຄະ­ແນນ ຈາກ 14 ນັດ ໄດ້​ຂັນ​ໄປ​ຄອງ ແລະ ເປັນ​ຂັນ​ແຊັມ​ສະ­ໄໝ​ທີ 3 ຂອງ​ສະ­ໂມ­ສອນ ພ້ອມ​ເງິນ​ລາ­ງວັນ 300 ລ້ານ​ກີບ ສ່ວນ ປກສ ເອັບ​ຊີ ມີ 25 ຄະ­ແນນ ໄດ້​ອັນດັບ 2 ແລະ ຫຼວງ​ພະ​ບາງ​ຢູ​ໄນ​ເຕັດ ໄດ້​ອັນ​ດັບ 3 ໃຫ້​ກຽດ​ເຂົ້າ​ຮ່ວມ​ຊົມ ແລະ ມອບ​ລາ­ງວັນ​ມີ​ທ່ານ ບົວລານ ສິ­ລິ​ປັນ­ຍາ ຮອງ​ລັດ​ຖະມົນ­ຕີ ກະ­ຊວງ​ສຶກ​ສາ​ທິ​ການ ແລະ ກີ­ລາ ມີ​ຮອງ​ປະ­ທານ ແລະ ເລ­ຂາ­ທິ­ການ​ຄະ­ນະ​ກຳ­ມະ­ການ​ໂອ​ແລມ​ປິກ​ແຫ່ງ​ຊາດ​ລາວ ແລະ ຕາງ­ໜ້າ​ຜູ້​ໃຫ້­ການ​ສະ­ໜັບສະ​ໜູນ​ຫຼັກ.

ຂ່າວທີ່ກ່ຽວຂ້ອງ