ຈັບຕາ 6 ຂໍ້ສະເໜີອາດເກີດຂຶ້ນໃນວັນສຸດທ້າຍ

183 09 ສ.ຫ. 2018 ວົງຈອນກີລາ
ຈັບຕາ 6 ຂໍ້ສະເໜີອາດເກີດຂຶ້ນໃນວັນສຸດທ້າຍ

ຢ່າງທີ່ຫຼາຍທ່ານຮັບຮູ້ກັນໄປແລ້ວວ່າຕະຫຼາດຊື້-ຂາຍຂອງພຣີເມຍລີກ ອັງກິດ ຈະປິດຕົວລົງໃນວັນທີ 9 ສິງຫານີ້ ໂດຍເຮົາຈະພາໄປເຈາະເລິກວ່າພວກເຂົາເຫຼົ່ານີ້ອາດໄດ້ຍ້າຍທີມກັນໃນວັນສຸດທ້າຍຂອງຕະຫຼາດ ຈະມີໃຜກັນແດ່ ໄປເບິ່ງນໍາກັນໄດ້ເລີຍ

        6. ອຸສມານ ເດມເບເລ່ ໄປ ອາເຊນ່ອນ

          ອາດມີສອງເຫດຜົນທີ່ເຂົາຈະໄດ້ຢູ່ບາເຊໂລນ່າຕໍ່ໄປ ຄື 1. ຄ່າຕົວທີ່ບາເຊໂລນ່າທຸ່ມຊື້ມາ ຄືລາຄາ 135,5 ລ້ານປອນ ແລະ 2. ຄວາມສາມາດຂອງເດມເບເລ່ ຍັງສາມາດພັດທະນາໄປໄດ້ອີກໄກ.

          ຢ່າງໃດກໍຕາມ ຈາກການເຂົ້າມາຂອງມັນຄອມ ປີກຊາວບຣາຊິນ ແນ່ນອນວ່າຈະສົ່ງຜົນກະທົບຕໍ່ຕໍາແໜ່ງຂອງດາວເຕະສັກສີແຊັມໂລກທັນທີ ຊຶ່ງຕາມລາຍງານຂອງ ດິ ເອ໊ກເພຣສ ສື່ຈາກອັງກິດ ບອກໄວ້ວ່າ ອາເຊນ່ອນ ຂອງອູໄນ ເອເມຣີ່ ກໍລັກຕິດຕາມໃນຕົວນັກເຕະຄວາມໄວສູງຄົນນີ້ຢູ່.

          ແຕ່ຕາມລາຍງານສະບັບເດີມ ກໍຍັງເຊື່ອວ່າຜູ້ກ່ຽວຈະຍັງຄົງຢູ່ໃນບາເຊໂລນ່າຕໍ່ໄປ.

        5. ວິນລ່ຽນ  ໄປ  ແມນຯຢູໄນເຕັດ

          ນີ້ຄືນັກເຕະທີ່ໂຈເຊ່ ມູຣິນໂຢ່ ຊື່ນຊົມເປັນຢ່າງສູງ ຈຶ່ງບໍ່ແປກໃຈທີ່ວິນລ່ຽນ ຈະຖືກເຊື່ອມໂຍງກັບແມນຯຢູໄນເຕັດຫຼາຍທີ່ສຸດ ຊຶ່ງຫາກຢຶດຕາມຄຳເວົ້າທີ່ມູຣິນໂຢ່ ເຄີຍອອກມາໃຫ້ສໍາພາດວ່າ ຢາກໄດ້ນັກເຕະເຂົ້າມາເສີມທັບອີກສອງຄົນ.

          ເປັນທີ່ເຊື່ອກັນວ່າ ໜຶ່ງໃນນັ້ນຕ້ອງມີຊື່ຂອງວິນລ່ຽນ ແນ່ນອນ!

        4. ແຈັກ ກຣີລິຊ ໄປ ສະເປີ

          ທັອດແນມ ຮັອດສະເປີ ເປັນພຽງທີມດຽວໃນກຸ່ມອັນດັບສູງສຸດ 6 ທີມ ທີ່ຍັງບໍ່ມີການເສີມທັບນັກເຕະເລີຍແມ່ນແຕ່ຄົນດຽວ ຊຶ່ງຕະຫຼອດທັງໄລຍະພັກຮ້ອນ ສະເປີ ກໍຕົກເປັນຂ່າວກັບ ແຈັກ ກຣີລິຊ ດາວຮຸ່ງຈາກແອສຕັນ ວິນລ່າ ຢູ່ຕະຫຼອດ.

          ທັ້ງນີ້ ຊາວສະເປີທັງຫຼາຍ ກໍຍັງຄົງວາດຫວັງວ່າທີມຮັກຂອງຕົນຈະມີນັກເຕະເຂົ້າມາໃນຕະຫຼາດນີ້ຈັກຄົນສອງຄົນກໍຍັງດີ.

        3. ໂທບີ ອັນເດີໄວເຣວ ໄປ ແມນຯຢູໄນເຕັດ

          ເປັນເວລາມານານຫຼາຍແລ້ວ ທີ່ຊື່ຂອງ ໂທບີ ອັນເດີໄວເຣວ ພົວພັນກັບແມນຢູມາໂດຍຕະຫຼອດ ແຕ່ບັນຫາໃນການຊື້-ຂາຢຂອງເຂົາຄື ສະເປີ ປັກປ້າຍກອງຫຼັງແບນຊິກນີ້ໄວ້ເຖິງ 75 ລ້ານປອນ ຊຶ່ງລາຄານີ້ເຖິງກັບເຮັດໃຫ້ແມນຯຢູໄນເຕັດ ຕ້ອງຫງາຍຫຼັງກັບໄປ.

          ຢ່າງໃດກໍຕາມ ຜູ້ກ່ຽວໜ້າຈະຢາກຍ້າຍເຂົ້າມາສູ່ຖິ່ນໂອລ ແທຣບຟອດໃຈຈະຂາດ ແຕ່ເມື່ອທັງສະເປີ ແລະ ແມນຯຢູໄນເຕັດ ຍັງຕົກລົງກັນບໍ່ໄດ້ ກໍຄົງຕ້ອງລໍຖ້າເຖິງປີໜ້າ ທີ່ຜູ້ກ່ຽວຈະຍ້າຍທີມໄດ້ແບບບໍ່ມີຄ່າຕົວ.

        2. ແຮຣີ່ ແມັກໄກວ  ໄປ  ແມນຯຢູໄນເຕັດ

          ອີກໜຶ່ງກອງຫຼັງທີ່ມີຂ່າວກັບແມນຯຢູໄນເຕັດ ຫຼ້າສຸດ ມີຂ່າວເຊິງເລິກຈາກສະກາຍ ສະປອດ ບອກວ່າ ແມນຢູກຽມທີ່ຈະຍື່ນຊື້ກອງຫຼັງທີມຊາດອັງກິດໃນໄວໆນີ້ ແຕ່ເຊື່ອວ່າເລສເຕີ ຊິຕີ ຄົງຢາກຖ່ວງໄວ້ໃຫ້ນານທີ່ສຸດ ບາງທີອາດເປັນນາທີສຸດທ້າຍຂອງຕະຫຼາດປິດກໍເປັນໄດ້.

  1. ອັອງໂຕນີ່ ມາກຊິຢາວ ໄປ ສະເປີ

          ຈາກເກມອຸ່ນເຄື່ອງຫຼ້າສຸດກັບບາເຢິນ ມິວນິກ ທີ່ໂຈເຊ່ ມູຣິນໂຢ່ ຕັດຊື່ ອັອງໂຕນີ່ ມາກຊິຢາວ ອອກຈາກທີມ ເຮັດໃຫ້ເປັນສິ່ງເພີ່ມມູນວ່າອະນາຄົດຂອງຜູ້ກ່ຽວ ເຫັນທ່າວ່າຈະລິບຫຼີ່ລົງໄປແລ້ວ.

          ຊຶ່ງຈາກຂ່າວກ່ອນໜ້ານີ້ ມີພຽງສະເປີ ເທົ່ານັ້ນທີ່ຖືກເຊື່ອມໂຍງກັບເຂົາ ຢ່າງໃດກໍດີ ຄ່າຕົວທີ່ແມນຢູຕັ້ງໄວ້ອາດສູງເກີນກວ່າທີ່ສະເປີຈະຈ່າຍໄຫວ.

ຂ່າວທີ່ກ່ຽວຂ້ອງ