ຂ່າວຫຼ້າສຸດ

ສ ເກົາຫຼີ ຫ້າມ​ຂາຍ​ຢາ​ແກ້​ຄວາມດັນເລືອດສູງ​ທີ່​ມີ​ສ່ວນ​ປະກອບ​ເຮັດ​ໃຫ້​ເກີດ​ມະ​ເຮັງ

202 08 ສ.ຫ. 2018 ຂ່າວຕ່າງປະເທດ
ສ ເກົາຫຼີ ຫ້າມ​ຂາຍ​ຢາ​ແກ້​ຄວາມດັນເລືອດສູງ​ທີ່​ມີ​ສ່ວນ​ປະກອບ​ເຮັດ​ໃຫ້​ເກີດ​ມະ​ເຮັງ

    ເຈົ້າ​ໜ້າ​ຄຸ້ມ​ຄອງ​ຜະລິດ​ຕະ​ພັນ​ການ​ຢາ​ຂອງ ສ ເກົາຫຼີ ແຈ້ງ​ໃຫ້​ຮູ້ເມື່ອ​ວັນ​ທີ 6 ສິງຫາ​ນີ້ ເຖິງ​ການ​ຫ້າມ​ບໍລິສັດ Daebong LS ທີ່​ເປັນ​ຜູ້​ຜະລິດ​ທາດ ວາ​​ລ​ຊາ​ຕານ (valsartan) ຢູ່​ພາຍ​ໃນ​ປະເທດ ພ້ອມ​ທັງ​ຂາຍ ແລະ​ປຸງ​ແຕ່ງ​ທາດ​ດັ່ງກ່າວ​ເພື່ອ​ປິ່ນປົວ​ອາການ​ຄວາມດັນເລືອດສູງ  ທັງ​ນີ້​ກໍ​ເພາະວ່າ​ບັນຈຸ​ພາກສ່ວນ​ທີ່​ອາດ​ເຮັດ​ໃຫ້​ເກີດ​ມະ​ເຮັງ.

    ໃນ​ນັ້ນ ກະຊວງ​ອາຫານ ແລະ​ຄວາມ​ປອດ​ໄພ​ການ​ຢາ​ຂອງ ສ ເກົາຫຼີ ກໍ​ໄດ້​ຫ້າມ​ບໍລິສັດ ການ​ຢາ​ຂອງ ສ ເກົາຫຼີ ຈຳນວນ 22 ແຫ່ງ ໃນ​ການ​ຂາຍ​ຜະລິດ​ຕະ​ພັນ​ການ​ຢາ 59 ລາຍການ ທີ່​ເຈືອ​ປົນ valsartan ຊຶ່ງ​ຜະລິດ​ໂດຍ Daebong LS.

    ການ​ຕົກລົງ​ດັ່ງກ່າວ​ມີ​ອອກ​ມາ ຫຼັງ​ຈາກ​ທີ່ valsartan ບາງ​ລາຍການ​ທີ່​ຜະລິດ​ໂດຍ Daebong LS ນັ້ນ​ໄດ້​ຮັບ​ການ​ກຳນົດ​ວ່າ​ມີ​ສ່ວນ​ປະສົມ​ຂອງ N-nitrosodimethylamine (NDMA) ຊຶ່ງ​ອົງການ​ຄົ້ນຄວ້າ​ມະ​ເຮັງ​ຂອງ​ອົງການ​ອະນາໄມ​ໂລກ (WTO) ຈັດ​ໃຫ້​ຢູ່​ໃນ​ປະເພດ​ທີ່​ສາມາດ​ເຮັດ​ໃຫ້ ເກີດ​ມະ​ເຮັງ​ຢູ່​ໃນ​ຄົນ.

    Daebong LS ປຸງ​ແຕ່ງ​ທາດ valsartan ຈາກ valsartan ດິບ​ທີ່​ນຳ​ເຂົ້າ​ມາ​ຈາກ ບໍລິສັດ​ການ​ຢາ Zhuhai Rundu Mintong Pharmaceutical ຂອງ​ຈີນ.

ຂ່າວທີ່ກ່ຽວຂ້ອງ