ແຈ້ງເຕືອນ ຈະມີຝົນຕົກໄລຍະ 3 ວັນ

280 08 ສ.ຫ. 2018 ຂ່າວໜ້າ​ໜຶ່ງ

    ເນື່ອງ​ຈາກ​ຮ່ອງ​ຄວາມ​ກົດ​ດັນ​ອາ­ກາດ​ຕ່ຳ ຍັງ​ຈະ​ສືບ­ຕໍ່​ພັດ​ຜ່ານ​ເຂດ​ພາກ​ເໜືອ​ຫາ​ພາກ​ກາງ­ຂອງ​ປະເທດ​ລາວ ປ່ອງ​ເຂົ້າ​ໃສ່​ບໍ­ລິ­ເວນ​ຄວາມ​ກົດ​ດັນ​ອາ­ກາດ​ຕ່ຳ​ທີ່​ມີ​ກຳ­ລັງ​ແຮງ​ຢູ່​ເຂດ​ທະ­ເລ​ຈີນ​ໃຕ້ (ໃກ້​ກັບ​ແຄມ​ຝັ່ງ​ປະ­ເທດ​ຫວຽດ­ນາມ) ແລະ ໄດ້​ເຮັດ​ໃຫ້​ລົມ​ມໍ​ລະ​ສຸມ​ຕາ­ເວັນ­ຕົກ​ສຽງ​ໃຕ້​ພັດ​ປົກ​ຄຸມ​ເຂດ​ພາກ​ກາງ ແລະ ພາກ​ໃຕ້​ຂອງ​ປະ­ເທດ​ລາວ ມີ​ກຳ­ລັງ​ແຮງ​ເພີ່ມ​ຂຶ້ນ ເຊິ່ງ​ຈະ​ເຮັດ​ໃຫ້​ມີ​ຝົນ­ຕົກ ຟ້າ­ຮ້ອງ ຟ້າ​ເຫຼື້ອມ ໃນ​ລະ­ດັບ​ຄ່ອຍ​ຫາ​ປານ​ກາງ​ເປັນ​ບໍ­ລິ­ເວນ​ກວ້າງ ແລະ ຕົກ​ໜັກ ພ້ອມ​ລົມ​ພັດ​ແຮງ​ຢູ່​ບາງ​ທ້ອງ­ຖິ່ນ​ບັນ­ດາ​ແຂວງ: ແຂວງ​ຜົ້ງ​ສາ­ລີ ຫົວ­ພັນ ຊຽງ​ຂວາງ ຫຼວງ​ພະ​ບາງ ໄຊ​ຍະ​ບູ​ລີ ນະ­ຄອນ­ຫຼວງ​ວຽງ​ຈັນ ແຂວງ​ວຽງ​ຈັນ ໄຊ​ສົມ­ບູນ ບໍ​ລິ​ຄຳ​ໄຊ ຄຳ​ມ່ວນ ສະ­ຫວັນ​ນະ​ເຂດ ສາ­ລະ​ວັນ ຈຳ­ປາ​ສັກ ເຊ​ກອງ ແລະ ແຂວງ​ອັດ​ຕະ​ປື ໃນ​ວັນ​ທີ 8-10 ສິງ­ຫາ 2018.

     ດັ່ງ­ນັ້ນ ຈຶ່ງ​ແຈ້ງ​ເຕືອນ​ເຖິງ​ປະ­ຊາ­ຊົນ​ບັນ­ດາ­ເຜົ່າ ອຳ­ນາດ​ການ​ປົກ­ຄອງ ແລະ ອົງ​ການ­ຈັດ­ຕັ້ງ​ທຸກ​ພາກ­ສ່ວນ​ທີ່​ອາ­ໄສ​ຢູ່​ບັນ­ດາ​ແຂວງ​ດັ່ງ­ກ່າວ ຈົ່ງ​ມີ​ສະ­ຕິ ແລະ ກຽມ­ພ້ອມ​ຮັບ​ມື​ກັບ​ສະ­ພາບ​ຝົນ­ຕົກ​ໜັກ ເຊິ່ງ​ຈະ​ເຮັດ​ໃຫ້​ມີ​ດິນ​ເຈື່ອນ ນ້ຳ​ຖ້ວມ​ຊຸ ນ້ຳ​ຖ້ວມ​ອັ່ງ ແລະ ລົມ​ພັດ​ແຮງ ພ້ອມ​ນີ້ ຂໍ​ໃຫ້​ເກັບ​ມ້ຽນ ແລະ ເຄື່ອນ​ຍ້າຍ​ວັດ­ຖຸ​ສິ່ງ​ຂອງ​ພ້ອມ​ສັດ­ລ້ຽງ​ໄປ​ໄວ້​ບ່ອນ​ທີ່​ປອດ​ໄພ  ຂໍ​ໃຫ້​ຕິດ­ຕາມ​ຂ່າວ​ພະ­ຍາ­ກອນ​ອາ­ກາດ ແລະ ລະ ດັບ​ນ້ຳ ຈາກ​ກົມ​ອຸ­ຕຸ­ນິ­ຍົມ ແລະ ອຸ​ທົກ​ກະ​ສາດ​ໃນ​ໄລ­ຍະ 1-3 ວັນ​ຂ້າງ​ໜ້າ​ນີ້.

ຂ່າວທີ່ກ່ຽວຂ້ອງ