ຂ່າວຫຼ້າສຸດ

ປະຊາຊົນໄທ ແລະ ທະນາຄານໄທພານິດ ໃຫ້ການຊ່ວຍເຫຼືອແກ່ຜູ້ປະສົບໄພ ຢູ່ ສປປ ລາວ

383 08 ສ.ຫ. 2018 ຂ່າວໜ້າ​ໜຶ່ງ
ປະຊາຊົນໄທ ແລະ ທະນາຄານໄທພານິດ ໃຫ້ການຊ່ວຍເຫຼືອແກ່ຜູ້ປະສົບໄພ ຢູ່ ສປປ ລາວ

   ທະ­ນາ­ຄານ​ໄທ​ພາ­ນິດ ຮ່ວມ​ສົ່ງ​ຄວາມ​ຫ່ວງ​ໃຍ ແລະ ໃຫ້­ການ​ຊ່ວຍ­ເຫຼືອ​ແກ່​ຜູ້​ປະ­ສົບ​ໄພ ຢູ່ ສປປ ລາວ ເພື່ອ​ເປັນ​ສ່ວນ​ໜຶ່ງ​ໃນ​ການ​ປະ­ກອບ­ສ່ວນ​ບັນ­ເທົາ​ທຸກ​ໃຫ້​ແກ່​ປະ­ຊາ­ຊົນ​ບັນ­ດາ­ເຜົ່າ ທີ່​ປະ­ສົບ​ໄພ​ນ້ຳ​ຖ້ວມ​ຢ່າງ​ກະ­ທັນ­ຫັນ ອັນ​ເກີດ​ຈາກ​ຄູ​ກັ້ນ​ນ້ຳ­ຂອງ​ເຂື່ອນ​ໄຟ­ຟ້າ ເຊ​ປຽນ-ເຊ​ນ້ຳ​ນ້ອຍ​ແຕກ ຢູ່​ເມືອງ​ສະ­ໜາມ​ໄຊ ແຂວງ​ອັດ​ຕະ​ປື ສ້າງ​ຄວາມ​ເສຍ​ຫາຍ​ຕໍ່​ຊີ­ວິດ ແລະ ຊັບ​ສິນ​ເປັນ​ຈຳ­ນວນ​ຫຼວງ­ຫຼາຍ.

     ເພື່ອ​ເປັນ​ການ​ສ້າງ​ຄວາມ​ຫ່ວງ​ໃຍ ຊ່ວຍ­ເຫຼືອ​ບັນ­ເທົາ​ຄວາມ​ເດືອດ­ຮ້ອນ​ດ່ວນ ໃນ​ວັນ​ທີ 2 ສິງ­ຫາ 2018 ທີ່​ສະ­ຖານ­ທູດ​ລາວ ປະ­ຈຳ​ປະ­ເທດ​ໄທ ທະ­ນາ­ຄານ​ໄທ​ພາ­ນິດ ໂດຍ​ທ່ານ ອາ­ທິດ ນັນ­ທະ​ວິ­ທະ­ຍາ ກຳ­ມະ­ການ​ຜູ້​ຈັດ­ການ​ໃຫຍ່ ແລະ ປະ­ທານ​ເຈົ້າ​ໜ້າ­ທີ່​ຜູ້​ບໍ­ລິ­ຫານ​ເປັນ​ຜູ້​ມອບ​ເງິນ​ຈຳ­ນວນ 1,11 ຕື້​ກີບ ປະ­ມານ 4.400.000 ບາດ ຈາກ​ການ​ບໍ­ລິ­ຈາກ​ຂອງ​ປະ­ຊາ­ຊົນ​ຜ່ານ​ບັນ­ຊີ ມູນ​ນິ­ທິ ສະ​ຢາມ​ກຳ​ມະ​ຈົນ-ໄທ​ພາ­ນິດ ເພື່ອ​ຜູ້​ປະ­ສົບ​ໄພ ແລະ ທະ­ນາ­ຄານ​ໄທ​ພາ­ນິດ ຮ່ວມ​ບໍ­ລິ­ຈາກ​ອີກ ຈຳ­ນວນ 250 ລ້ານ​ກວ່າ​ກີບ ປະ­ມານ 1 ລ້ານ​ບາດ ລວມ​ທັງ​ໝົດ 1,36 ຕື້​ກີບ ກ່າວ​ຮັບ​ໂດຍ​ທ່ານ ແສງ ສຸ​ຂະ​ທິ​ວົງ ເອກ​ອັກ​ຄະ​ລັດ​ຖະ​ທູດ ສປປ ລາວ ປະ­ຈຳ ຣາ​ຊະ​ອາ­ນາ­ຈັກ​ໄທ ໂດຍ​ມີ​ພາກ­ສ່ວນ​ກ່ຽວ­ຂ້ອງ​ເຂົ້າ​ຮ່ວມ.

ຂ່າວທີ່ກ່ຽວຂ້ອງ