ຂ່າວຫຼ້າສຸດ

ການບິນອິນເດຍ ຕ້ອງການເງິນ 50 ຕື້ໂດລາເພື່ອຊື້ເຮືອບິນທີ່ໄດ້ສັ່ງຈອງ

123 08 ສ.ຫ. 2018 ຂ່າວຕ່າງປະເທດ
ການບິນອິນເດຍ ຕ້ອງການເງິນ 50 ຕື້ໂດລາເພື່ອຊື້ເຮືອບິນທີ່ໄດ້ສັ່ງຈອງ

     ສູນການບິນອາຊີ-ປາຊີຟິກ (CAPA) ຊຶ່ງມີສຳນັກງານຕັ້ງຢູ່ໃນນະຄອນ ຊິດນີ ຂອງ ອົດສະຕຣາລີ ໄດ້ປະກາດບົດລາຍງານຊີ້ໃຫ້ເຫັນວ່າ ບັນດາບໍລິສັດການບິນຂອງອິນເດຍ ຈະມີຄວາມຕ້ອງການເງິນເຖິງ 50 ຕື້ໂດລາສະຫະລັດ ເພື່ອຊື້ຈຳນວນເຮືອບິນທີ່ເຂົາເຈົ້າໄດ້    ສັ່ງຈອງ ພາຍໃນເວລາເກືອບ 10 ປີຕໍ່ໜ້າ.

ສຳນັກຂ່າວສານ PTI ຂອງອິນເດຍ ອ້າງຕາມບົດລາຍງານດັ່ງກ່າວ ໃຫ້ຮູ້ເມື່ອວັນທີ 5 ສິງຫານີ້ວ່າ ດ້ວຍການທີ່ຍອດຈຳນວນເຮືອບິນປະມານ 1.055 ລໍາທີ່ໄດ້ສັ່ງຈອງໄປແລ້ວນັ້ນ ກໍແມ່ນ ພາຍໃນ 5 ປີຕໍ່ໜ້າ ໃນແຕ່ລະປີຈະມີເຮືອບິນປະມານ 100 ລຳ ໄດ້ຮັບການສົ່ງມອບ ໃຫ້ແກ່ບັນດາບໍລິສັດການບິນຂອງອິນເດຍ. ດ້ວຍຈໍານວນເຮືອບິນ ທີ່ຄາດວ່າຈະໄດ້ຮັບການສົ່ງມອບ ໄປຮອດປີ 2027 ນັ້ນ ບັນດາບໍລິສັດການບິນຂອງອິນເດຍ ມີຄວາມຕ້ອງການບ້ວງເງິນ ຄາດວ່າທີ່ປະມານ 50 ຕື້ໂດລາສະຫະລັດ.

    ບົດລາຍງານໃຫ້ຮູ້ວ່າ ຕະຫຼາດການບິນພາຍໃນປະເທດຂອງອິນເດຍ ໄດ້ມີຄວາມເຕີບໂຕ ປະມານ 20% ພາຍໃນ 3 ປີທີ່ຜ່ານມາ ແລະໃນສົກການເງິນນີ້ ກໍຍັງຮັກສາລະດັບ ຄວາມເຕີບໂຕຄືດັ່ງກ່າວ. ໃນຂະນະດຽວກັນ ໃນຊຸມປີມໍ່ໆມານີ້ ຈັງຫວະຄວາມເຕີບໂຕ ຂອງບັນດາຖ້ຽວບິນສາກົນຂອງອິນເດຍ ກໍເພີ່ມຂຶ້ນຢ່າງສະໝ່ຳສະເໝີແຕ່ 8-10% ໃນແຕ່ລະປີ.

 

ຂ່າວທີ່ກ່ຽວຂ້ອງ