ຂ່າວຫຼ້າສຸດ

ຝາກຄວາມຫ່ວງໃຍເຖິງປະຊາຊົນຜູ້ປະສົບໄພນ້ຳຖ້ວມ

242 08 ສ.ຫ. 2018 ຂ່າວໜ້າ​ໜຶ່ງ
ຝາກຄວາມຫ່ວງໃຍເຖິງປະຊາຊົນຜູ້ປະສົບໄພນ້ຳຖ້ວມ

    ພິ­ທີ​ມອບ-ຮັບ​ເຂົ້າ­ສານ ຈຳ­ນວນ 50 ໂຕນ ພ້ອມ​ດ້ວຍ​ຢາ​ປົວ​ພະ­ຍາດ ລວມ​ມູນ​ຄ່າ 350 ລ້ານ​ກີບ ຂອງ​ຄະ­ນະ​ສົງ ວັດ​ນາ​ໄຊ ນຳ­ພາ​ໂດຍ​ພະ​ອາ­ຈານ ພຸດ​ທະ​ສອນ ອ່ອນ​ວົງ­ສາ ຮ່ວມ​ກັບ​ຄະ­ນະ​ອຸ­ປະ­ຖຳ​ວັດ​ນາ​ໄຊ ເພື່ອ​ໄປ​ຊ່ວຍ­ເຫຼືອ​ພີ່­ນ້ອງ​ຜູ້​ປະ­ສົບ​ໄພ​ນ້ຳ​ຖ້ວມ​ຢູ່​ແຂວງ​ຄຳ​ມ່ວນ ໄດ້​ຈັດ​ຂຶ້ນ​ທີ່​ວັດ​ບ້ານ​ນາ​ໄຊ ເມືອງ​ໄຊ​ເຊດ​ຖາ ນະ­ຄອນ­ຫຼວງ​ວຽງ​ຈັນ ກ່າວ​ຮັບ​ໂດຍ​ທ່ານ ຄຳ­ໃບ ດຳ­ລັດ ຮອງ​ປະ­ທານ​ສູນ​ກາງ​ແນວ​ລາວ​ສ້າງ​ຊາດ ມີ​ບັນ­ດາ​ອອກ​ຕົນ​ຍາດ​ໂຍນ ນັກ­ທຸ­ລະ­ກິດ ແລະ ຜູ້​ໃຈ​ບຸນ​ໃຈ​ສັດ­ທາ​ເຂົ້າ​ຮ່ວມ.

    ເນື່ອງ​ຈາກ​ໄພ​ທຳ​ມະ​ຊາດ​ເກີດ​ຂຶ້ນ​ຢ່າງ​ຕໍ່​ເນື່ອງ ແລະ ທົ່ວ​ທຸກ​ພາກ​ຂອງ​ປະ­ເທດ​ເຮົາ ໃນ​ນັ້ນ ແຂວງ​ຄຳ​ມ່ວນ​ກໍ່​ເປັນ​ອີກ​ແຂວງ​ໜຶ່ງ ເຊິ່ງ​ຖືກ​ອຸ​ທົກ​ກະ​ໄພ​ຢ່າງ​ໜັກ­ໜ່ວງ​ກວມ​ເຖິງ 70% ຂອງ​ພື້ນ​ທີ່ ເປັນ­ຕົ້ນ 5 ເມືອງ ຄື: ມະ­ຫາ​ໄຊ ບົວ­ລະ­ພາ ຍົມ​ມະ​ລາດ ເຊ​ບັ້ງ­ໄຟ ແລະ ໜອງ​ບົກ ຕໍ່​ສະ­ພາບ​ດັ່ງ­ກ່າວ ຄະ­ນະ​ສົງ​ວັດ​ນາ​ໄຊ​ພ້ອມ​ດ້ວຍ​ຄະ­ນະ​ອຸ­ປະ­ຖຳ​ວັດ​ທັງ​ພາຍ​ໃນ ແລະ ຕ່າງ­ປະ­ເທດ ຈຶ່ງ​ໄດ້​ຊ່ວຍ​ກັນ​ປຸກ­ລະ­ດົມ​ເຂົ້າ­ສານ​ຈາກ​ພີ່­ນ້ອງ​ຍາດ​ໂຍມ​ຜູ້​ມີ​ຄວາມ​ເມດ​ຕາ​ຕໍ່​ເພື່ອນ​ມະ­ນຸດ​ດ້ວຍ​ກັນ ເພື່ອ​ແບ່ງ​ເບົາ​ບັນ­ເທົາ​ທຸກ​ໃຫ້​ປະ­ຊາ­ຊົນ​ຜູ້​ປະ­ສົບ​ໄພ​ນ້ຳ​ຖ້ວມ ແລະ ຍັງ​ເປັນ​ການ​ແບ່ງ​ເບົາ​ພາ­ລະ​ອັນ​ໜັກ­ໜ່ວງ​ຂອງ​ອຳ­ນາດ​ການ​ປົກ­ຄອງ​ທ້ອງ­ຖິ່ນ ກໍ່​ຄື​ລັດ­ຖະ­ບານ​ອີກ​ດ້ວຍ ຄະ­ນະ​ສົງ​ໄດ້​ເລີ່ມ​ປຸກ­ລະ­ດົມ​ເຂົ້າ­ສານ​ມາ​ແຕ່​ວັນ​ທີ 2 ສິງ­ຫາ ມາ​ຮອດ​ວັນ​ທີ 6 ສິງ ຫາ 2018 ໄດ້​ເຂົ້າ­ສານ​ທັງ​ໝົດ 50 ໂຕນ ຈະ​ມອບ​ເພື່ອ​ບັນ­ເທົາ​ທຸກ​ໃຫ້​ປະ­ຊາ­ຊົນ 5 ເມືອງ ເມືອງ​ລະ 10 ໂຕນ ໂດຍ​ໄດ້​ຮັບ​ການ​ອຸ­ປະ­ຖຳ​ຫຼັກ​ຈາກ​ບໍ­ລິ­ສັດ ຫ້າງ​ຮ້ານ ບຸກ­ຄົນ ແລະ ເພື່ອນ​ມິດ​ດ້ວຍ​ກັນ ປະ­ກອບ​ມີ​ຄື: ຄອບ­ຄົວ ຈຸນ​ລະ​ມະ­ນີ + ຄອບ­ຄົວ ໄຊ​ໂກ­ສີ ພ້ອມ​ດ້ວຍ​ລູກ​ຫຼານ ເຂົ້າ 1.600 ເປົາ ມູນ​ຄ່າ 65,89 ລ້ານ​ກີບ ທ່ານ ກິດ­ສະ­ໜາ+ນາງ ຈັນ­ທະ​ຈອນ ວົງ​ໄຊ (ກຸ່ມ​ບໍ­ລິ­ສັດ ເຄ​ຊີ) ເຂົ້າ 1.000 ເປົາ ມູນ​ຄ່າ 60 ລ້ານ​ກີບ ທ່ານ ທອງ​ຫຼ້າ+ນາງ ສີ​ລິ​ພອນ ແສງ​ວິ​ໄຊ (ບໍ­ລິ­ສັດ ແສງ​ວິ​ໄຊ​ກໍ່­ສ້າງ) ເຂົ້າ 500 ເປົາ ມູນ​ຄ່າ 30 ລ້ານ​ກີບ ທ່ານ ຄຳ​ພັນ ມາ­ລາ​ບັນ­ດິດ+ນາງ ບົວ​ວຽງ ເພັດ​ທະ​ລານ​ຄຳ (ບໍ­ລິ­ສັດ ເພັດ​ບັນ­ດິດ​ກໍ່­ສ້າງ) ແລະ ທ່ານ ສູນ​ທອນ+ນາງ ມະ­ນີ​ຈັນ ພົມ​ມະ​ຈັກ ພາກ­ສ່ວນ​ລະ ເຂົ້າ 300 ເປົາ ມູນ​ຄ່າ​ພາກ­ສ່ວນ​ລະ 18 ລ້ານ​ກີບ ທ່ານ ຄຳ​ເມິງ+ນາງ ວຽງ​ດາ­ລາ ທອງ​ສະ­ບາ (ບໍ­ລິ­ສັດ ນ້ຳ​ທາ​ກໍ່­ສ້າງ ແລະ ຂົວ​ທາງ) ທ່ານ ນາງ ວິ­ພາ​ພັນ ໄຊ​ຮຸ່ງ­ເຮືອງ (ຮ້ານ​ໄຊ​ຮຸ່​່ງ​ເຮືອງ​ອາ​ລູ​ມີ​ນ້ຽມ) ແລະ ທ່ານ ສະ­ເໜີ+ນາງ ໄກ­ສອນ ຈຸນ​ລະ​ມະ­ນີ ພາກ­ສ່ວນ​ລະ ເຂົ້າ 200 ເປົາ ມູນ​ຄ່າ​ພາກ​ສວ່ນ​ລະ 12 ລ້ານ​ກີບ ສະ­ມາ­ຄົມ​ຈີນ​ປະ­ເທດ​ຝຣັ່ງ ເຂົ້າ 150 ເປົາ ມູນ​ຄ່າ 8 ລ້ານ​ກີບ ທ່ານ ສາຍ​ພອນ ຄຳ​ວິ​ສອນ+ນາງ ພວງ​ທອງ ສຸ​ຍະ​ວົງ ທ່ານ ສະ­ຫງັດ ຈຸນ​ລະ​ມະ­ນີ (ຮ້ານ​ຊີ້ນ​ດາດ​ໂປ້ຍ​ຊຽນ) ແລະ ທ່ານ ທັນ­ທີ +ນາງ ບຸນ​ຕ້ອຍ ທຸມ​ໜາ​ວັນ (ບໍ­ລິ­ສັດ ບຸນ​ທະ­ວີ​ຊັບ​ກໍ່­ສ້າງ) ພາກ­ສ່ວນ​ລະ ເຂົ້າ 100 ເປົາ ມູນ​ຄ່າ​ພາກ­ສ່ວນ​ລະ 6 ລ້ານ​ກີບ ຄອບ­ຄົວ​ທ່ານ ບຸນ​ມາ+ນາງ ດວງ​ຕາ ມາດ​ມະ­ນີ​ສອນ ແລະ ທ່ານ ພຸດ​ທະ​ສັກ+ນາງ ດວງ​ມາ­ລາ ພົມ​ມະ​ຈັກ ເຂົ້າ 100 ເປົາ ມູນ​ຄ່າ 6 ລ້ານ​ກີບ ທ່ານ ຄຣິ​ສ​ໂຕ​ເພີ ໂຢ (ໂຮງ­ແຮມ​ເມີ​ກຽວ) ເຂົ້າ 100 ເປົາ ມູນ​ຄ່າ 6 ລ້ານ​ກີບ ແລະ ແມ່ ວຽງ​ໄຊ ຈຸນ​ລະ​ມະ­ນີ ເຂົ້າ 83 ເປົາ ມູນ​ຄ່າ 5 ລ້ານ​ກີບ.

ຂ່າວທີ່ກ່ຽວຂ້ອງ