ຂ່າວຫຼ້າສຸດ

ອິນເດຍ ຈະສະໜອງທຶນການສຶກສາ ໃຫ້ປະເທດສະມາຊິກແມ່ນ້ຳຂອງ

123 08 ສ.ຫ. 2018 ຂ່າວໜ້າ​ໜຶ່ງ

    ວັນ​ທີ 2 ສິງ­ຫາ 2018 ທ່ານ ສະ­ເຫຼີມ​ໄຊ ກົມ​ມະ​ສິດ ລັດ­ຖະ­ມົນ­ຕີ​ກະ­ຊວງ​ການ​ຕ່າງ­ປະ­ເທດ​ໄດ້​ນຳ­ພາ​ຄະ­ນະ​ຜູ້​ແທນ​ເຂົ້າ​ຮ່ວມ​ກອງ​ປະ­ຊຸມ​ລັດ­ຖະ­ມົນ­ຕີ​ຕ່າງ­ປະ­ເທດ​ຂອບ​ການ​ຮ່ວມ​ມື​ແມ່­ນ້ຳ​ຂອງ-ແມ່­ນ້ຳ​ຄົງ​ຄາ ຄັ້ງ​ທີ 9 ທີ່​ປະ­ເທດ​ສິງ­ກະ­ໂປ ມີ​ບັນ­ດາ​ລັດ­ຖະ­ມົນ­ຕີ ແລະ ຄະ­ນະ​ຜູ້​ແທນ​ຈາກ​ບັນ­ດາ​ປະ­ເທດ​ແມ່­ນ້ຳ​ຂອງ ແລະ ຄູ່​ຮ່ວມ​ພັດ­ທະ­ນາ ເຊັ່ນ: ກຳ­ປູ­ເຈຍ ລາວ ມຽນ​ມາ ໄທ ຫວຽດ­ນາມ ແລະ ອິນ​ເດຍ ເຂົ້າ​ຮ່ວມ.

    ກອງ​ປະ­ຊຸມ​ຄັ້ງ​ນີ້​ໄດ້​ທົບ​ທວນ­ຄືນ​ຄວາມ​ຄືບ​ໜ້າ­ການ​ຮ່ວມ​ມື ແລະ ການ­ຈັດ­ຕັ້ງ​ຜັນ​ຂະ­ຫຍາຍ​ຖະ­ແຫຼງ­ການ​ຮ່ວມ​ຂອງ​ກອງ​ປະ­ຊຸມ​ລັດ­ຖະ­ມົນ­ຕີ​ຕ່າງ­ປະ­ເທດ ຂອບ​ການ​ຮ່ວມ​ມື​ແມ່­ນ້ຳ​ຂອງ-ແມ່­ນ້ຳ​ຄົງ​ຄາ ຄັ້ງ​ທີ 8 ໂດຍ​ສະ­ເພາະ ຄວາມ​ຄືບ​ໜ້າ​ຂອງ​ການ­ຈັດ­ຕັ້ງ​ປະ­ຕິ­ບັດ​ໂຄງ­ການ​ເຫັນ​ຜົນ​ໄວ ຫຼື Quick Impact Project ເຊິ່ງ ສປປ ລາວ ແມ່ນ​ໄດ້​ຮັບ​ໂຄງ­ການ​ຊ່ວຍ­ເຫຼືອ ຈຳ­ນວນ 3 ໂຄງ­ການ ປະ­ມານ 1,2 ຕື້​ກີບ ຫຼື ມູນ​ຄ່າ 150.000 ໂດ​ລາ​ສະ­ຫະ­ລັດ ທີ່​ນອນ​ໃນ​ຂົງ­ເຂດ​ວຽກ​ງານ​ກະ­ສິ­ກຳ ກອງ​ປະ­ຊຸມ​ໄດ້​ສະ­ແດງ​ຄວາມ​ຊົມ­ເຊີຍ​ຕໍ່​ອິນ​ເດຍ​ທີ່​ໄດ້​ເປັນ​ເຈົ້າ­ພາບ​ຈັດ​ກອງ​ປະ­ຊຸມ​ໜ່ວຍ​ງານ​ສາ­ທາ­ລະ­ນະ​ສຸກ​ຄັ້ງ​ທີ 1 ໃນ​ຫົວ­ຂໍ້: ການ​ຄຸ້ມ​ຄອງ​ການ​ແຜ່​ລະ­ບາດ​ຂອງ​ໄຂ້​ມາ​ເລ​ເລຍ​ໃນ​ບັນ­ດາ​ປະ­ເທດ​ແມ່­ນ້ຳ​ຂອງ-ແມ່­ນ້ຳ​ຄົງ​ຄາ ແລະ ກອງ​ປະ­ຊຸມ​ກ່ຽວ​ກັບ​ວຽກ​ງານ​ວິ​ສາ​ຫະ​ກິດ​ຂະ­ໜາດ​ນ້ອຍ ແລະ ຂະ­ໜາດ​ກາງ ຄັ້ງ​ທີ 1 ເພື່ອ​ສົ່ງ­ເສີມ​ການ​ຄ້າ ແລະ ການ​ລົງ­ທຶນ ສຳ­ລັບ​ວິ​ສາ​ຫະ​ກິດ​ຂະ­ໜາດ​ນ້ອຍ ແລະ ຂະ­ໜາດ​ກາງ​ຈາກ​ບັນ­ດາ​ປະ­ເທດ​ສະ­ມາ­ຊິກ​ຂອບ​ການ​ຮ່ວມ​ມື​ແມ່­ນ້ຳ​ຂອງ-ແມ່­ນ້ຳ​ຄົງ​ຄາ.

    ນອກ​ນີ້ ກອງ​ປະ­ຊຸມ​ຍັງ​ໄດ້​ຮ່ວມ​ກັນ​ປືກ​ສາ​ຫາ­ລື​ກ່ຽວ​ກັບ​ທິດ​ທາງ​ການ​ຮ່ວມ​ມື​ໃນ­ຕໍ່­ໜ້າ ໂດຍ​ສຸມ​ໃສ່​ການ​ຮ່ວມ​ມື​ດ້ານ​ການ​ພັດ­ທະ­ນາ​ຊັບ­ພະ­ຍາ­ກອນ​ມະ­ນຸດ ເຊິ່ງ​ອິນ​ເດຍ​ຈະ​ສະ­ໜອງ​ທຶນ​ການ​ສຶກ​ສາ​ຈຳ­ນວນ​ໜຶ່ງ​ໃຫ້​ແກ່​ບັນ­ດາ​ປະ­ເທດ​ສະ­ມາ­ຊິກ​ແມ່ ນ້ຳ­ຂອງ ການ​ຮ່ວມ​ມື​ດ້ານ​ການ­ທ່ອງ­ທ່ຽວ ໂດຍ​ອິນ​ເດຍ ແລະ ມຽນ​ມາ​ຈະ​ພິມ​ປື້ມ​ຄູ່​ມື​ສຳ­ລັບ​ນັກ​ທ່ອງ​ທ່ຽວ​ເພື່ອ​ໂຄ­ສະ­ນາ​ແຫຼ່ງ​ທ່ອງ​ທ່ຽວ​ທີ່​ເປັນ​ເອ­ກະ­ລັກ​ສະ­ເພາະ​ຂອງ​ບັນ­ດາ​ປະ­ເທດ​ສະ­ມາ­ຊິກ​ຂອບ​ການ​ຮ່ວມ​ມື ແມ່­ນ້ຳ​ຂອງ-ແມ່­ນ້ຳ​ຄົງ​ຄາ​ໃຫ້​ສາມາດ​ດຶງ​ດູດ​ເອົາ​ນັກ​ທ່ອງ​ທ່ຽວ​ໃຫ້​ຫຼາຍ​ຂຶ້ນ​ໃນ​ພາກ​ພື້ນ​ນີ້ ແລະ ການ​ຮ່ວມ​ມື​ດ້ານ​ວຽກ​ງານ​ກະ­ສິ­ກຳ ເຊິ່ງ​ຝ່າຍ​ອິນ​ເດຍ​ໃນ​ນາມ​ປະ­ເທດ​ຄູ່​ຮ່ວມ​ພັດ­ທະ­ນາ​ສະ­ເໜີ​ໃຫ້​ມີ​ການ​ຈັດ​ກອງ​ປະ­ຊຸມ​ໜ່ວຍ​ງານ​ກະ­ສິ­ກຳ ຄັ້ງ​ທີ 1 ຂຶ້ນ​ໃນ​ຫົວ­ຂໍ້ (Rice Germplasm) ໃນ​ເດືອນ​ພະ­ຈິກ 2018 ທີ່ ນິວ​ເດລີ ອິນ​ເດຍ.

    ກອງ​ປະ­ຊຸມ​ໄດ້​ຮ່ວມ​ກັນ​ຮັບ­ຮອງ​ເອົາ​ເອ­ກະ­ສານ​ສຳ­ຄັນ 1 ສະ­ບັບ ຄື: ຖະ­ແຫຼງ­ການ​ຮ່ວມ​ກອງ​ປະ­ຊຸມ​ລັດ­ຖະ­ມົນ­ຕີ​ຕ່າງ ປະ­ເທດ​ຂອບ​ການ​ຮ່ວມ​ມື​ແມ່­ນ້ຳ​ຂອງ-ແມ່­ນ້ຳ​ຄົງ​ຄາ ຄັ້ງ​ທີ 9 ເພື່ອ​ໃຫ້​ເປັນ​ເອ­ກະ­ສານ​ອ້າງ​ອີງ​ໃນ​ການ­ຈັດ­ຕັ້ງ​ຜັນ​ຂະ­ຫຍາຍ​ການ​ຮ່ວມ​ມື​ໃນ­ຕໍ່­ໜ້າ.

    ກອງ​ປະ­ຊຸມ​ລັດ­ຖະ­ມົນ­ຕີ​ຂອບ​ການ​ຮ່ວມ​ມື​ແມ່­ນ້ຳ​ຂອງ-ແມ່­ນ້ຳ​ຄົງ​ຄາ ຄັ້ງ​ທີ 10 ຈະ​ຈັດ​ຂຶ້ນ​ໃນ​ໄລ­ຍະ​ດຽວ​ກັນ​ກັບ​ກອງ​ປະ ຊຸມ​ລັດ­ຖະ­ມົນ­ຕີ​ຕ່າງ­ປະ­ເທດ​ອາ​ຊຽນ ໃນ​ປີ 2019 ທີ່​ປະ­ເທດ​ໄທ ໂດຍ​ເປັນ​ປະ­ທານ​ຂອງ ສສ ຫວຽດ­ນາມ.

ຂ່າວທີ່ກ່ຽວຂ້ອງ