ຂ່າວຫຼ້າສຸດ

ສະມາຄົມລວມຈີນດຽວດ້ວຍສັນຕິ ມອບເຄື່ອງຊ່ວຍເຫຼືອ ໃຫ້ຜູ້ປະສົບໄພນ້ຳຖ້ວມ ຢູ່ແຂວງຄຳມ່ວນ

202 07 ສ.ຫ. 2018 ຂ່າວໜ້າ​ໜຶ່ງ
ສະມາຄົມລວມຈີນດຽວດ້ວຍສັນຕິ ມອບເຄື່ອງຊ່ວຍເຫຼືອ ໃຫ້ຜູ້ປະສົບໄພນ້ຳຖ້ວມ ຢູ່ແຂວງຄຳມ່ວນ

    ສະມາຄົມ​ລວມ​ຈີນ​ດຽວ​ດ້ວຍ​ສັນຕິ ນຳ​ເຄື່ອງ​ອຸປະໂພກ-ບໍລິໂພກ ລວມ​ມູນ​ຄ່າ 50 ລ້ານ​ກີບ ໄປ​ມອບ​ໃຫ້​ແຂວງ​ຄຳ​ມ່ວນ ເພື່ອ​ນຳໄປ​ມອບ​ຕໍ່ໃຫ້​ຜູ້​ປະສົບ​ໄພ​ນ້ຳ​ຖ້ວມ​ຢູ່​ແຂວງ​ດັ່ງກ່າວ ໂດຍ​ພິທີ​ມອບ-ຮັບ​ເຄື່ອງ​ດັ່ງກ່າວ ໄດ້​ຈັດ​ຂຶ້ນ​ວັນ​ທີ 3 ສິງຫາ 2018 ຢູ່​ຫ້ອງ​ວ່າການ​ປົກຄອງ​ແຂວງ​ຄຳ​ມ່ວນ ເຊິ່ງ​ມອບ​ໂດຍ​ທ່ານ ເລັ່ງ ສະຫວັນ​ວາລີ ປະທານ​ສະມາຄົມ​ລວມ​ຈີນ​ດຽວ​ດ້ວຍ​ສັນຕິ ແລະ ຮັບ​ໂດຍ​ທ່ານ ໂອ​ໄດ ສຸດາ​ພອນ ເຈົ້າແຂວງ​ຄຳ​ມ່ວນ ມີ​ພະນັກ ງານ​ກ່ຽວຂ້ອງ​ເຂົ້າ​ຮ່ວມ.

    ໂອກາດ​ດຽວ​ກັນ ບໍລິສັດ ຫົງ​ຖາ​ຢາສູບ​ໂຊກ​ດີ​ລາວ-ຈີນ​ຈຳກັດ ກໍ່​ໄດ້​ນຳ​ເອົາ​ຊຸດ​ເຄື່ອງ​ນອນ 50 ຊຸດ ຕຸກ​ນ້ຳ​ຂະໜາດ 20 ລິດ 100 ໜ່ວຍ ເສື້ອ​ຍືດ 100 ໂຕ ແລະ ເຂົ້າໜົມ​ຊະນິດ​ຕ່າງໆ 63 ແກັດ ລວມ​ມູນ​ຄ່າ 36 ລ້ານ​ກີບ ໄປ​ມອບ​ໃຫ້​ແຂວງ​ຄຳ​ມ່ວນ​ເຊັ່ນ​ດຽວ​ກັນ ເຊິ່ງ​ຮັບ​ໂດຍ​ທ່ານ ໂອ​ໄດ ສຸດາ​ພອນ.

ຂ່າວທີ່ກ່ຽວຂ້ອງ