ໄຟ​ໄໝ້​ປ່າ​ໃນ​ລັດ​ຄາ​ລີ​ຟໍ​ເນຍ ເປັນ “ໄພພິບັດ​ຮ້າຍ​ແຮງ”

182 07 ສ.ຫ. 2018 ຂ່າວຕ່າງປະເທດ
ໄຟ​ໄໝ້​ປ່າ​ໃນ​ລັດ​ຄາ​ລີ​ຟໍ​ເນຍ ເປັນ “ໄພພິບັດ​ຮ້າຍ​ແຮງ”

 

     ປະທານາທິບໍດີ ສ ອາ​ເມ​ຣິ​ກາ ໂດ​ນາ​​ລ ທຣຳ ຖະແຫຼງ​ເມື່ອ​ວັນ​ທີ 5 ສິງຫາ​ນີ້​ວ່າ ໄຟ​ໄໝ້​​ປ່່າ ທີ່​ເກີດ​ຂຶ້ນ​ຢູ່​ໃນ​ພື້ນ​ທີ່​ລັດ​ຄາ​ລີ​ຟໍ​ເນຍ ເປັນ ”ໄພພິບັດ​ຮ້າຍ​ແຮງ” ແລະ ໄດ້​ອອກ​ຄຳ​ສັ່ງ​ໃຫ້​ລະດົມ ຄັງ​ເງິນ​ສ່ວນ​ກາງ ເພື່ອ​ຊ່ວຍເຫຼືອ​ຄວາມ​ພະຍາຍາມ ໃນ​ການ​ຟື້ນ​ຟູ​ຢູ່​ໃນ​ເຂດ​ທີ່​ໄດ້​ຮັບ​ຜົນ​ກະທົບ.

    ການ​ຕົກລົງ​ດັ່ງກ່າວ​ຂອງ​ປະທານາທິບໍດີ ທຣຳ ຈະ​ເປັນ​ການ​ສ້າງ​ເງື່ອນໄຂ ເພື່ອ​ໃຫ້​ປະຊາຊົນ ວິ​ສາ​ຫະ​ກິດ ອຳນາດ​ການ​ປົກຄອງ​ໃນ​ຕົວ​ເມືອງ ແລະ​ທ້ອງຖິ່ນ​ຕ່າງໆ ເຂົ້າ​ຫາ​ແຫຼ່ງ​ຄັງ​ເງິນ​ສ່ວນ​ກາງ ການ​ຊ່ວຍເຫຼືອ​ສະບຽງ​ອາຫານ ຕະຫຼອດ​ຮອດ​ໂຄງການ​ຊ່ວຍເຫຼືອ​ອື່ນໆ ໄດ້​ຢ່າງ​ສະດວກ​ກວ່າ​ເກົ່າ.

    ໄລ່​ມາ​ຮອດ​ວັນ​ທີ 4 ສິງຫາ​ນີ້ ມີ​ຜູ້​ເສຍ​ຊີວິດ​ແລ້ວ 7 ຄົນ ຈາກ​ເຫດການ​ໄຟ​ໄໝ້​ປ່າ ຊຶ່ງ​ໄດ້​ຮັບ ການ​ກຳນົດ​ວ່າ​ຮ້າຍ​ແຮງ​ທີ່​ສຸດ ໃນ​ປະຫວັດສາດ​ຂອງ​ລັດ​ຄາ​ລີ​ຟໍ​ເນຍ. ໄລ່​ມາ​ຮອດ​ທ້າຍ​ອາທິດ​ທີ່​ຜ່ານ​ມາ ໄຟ​ໄໝ້​ປ່າ​ເປັນ​ບໍລິເວນ​ກວ້າງ ໄດ້​ເຜົາ​ຜານ​ໃນ​ເນື້ອທີ່​ກວ່າ 117.300 ເຮັກຕາ ເປັນ​ຕົວ​ເລກ​ຫຼາຍ ທົບ​ສອງ​ເທົ່າ​ຕົວ​ຂອງ​ລະດັບ​ສະເລ່ຍ​ໃນ 5 ປີ ທີ່​ຜ່ານ​ມາ ຢູ່​ໃນ​ລັດ​ດັ່ງກ່າວ.

 

ຂ່າວທີ່ກ່ຽວຂ້ອງ