ຂ່າວຫຼ້າສຸດ

ເກີດ​ອຸບັດເຫດ​ເຮືອບິນ​ຕົກ​ຢູ່​ໃນ​ຫຼາຍ​ປະ​ເດ

313 07 ສ.ຫ. 2018 ຂ່າວຕ່າງປະເທດ
ເກີດ​ອຸບັດເຫດ​ເຮືອບິນ​ຕົກ​ຢູ່​ໃນ​ຫຼາຍ​ປະ​ເດ

     ໜັງສືພິມ Los Angeles Times ລາຍ​ງານ​ອ້າງ​ຕາມ​ຂໍ້​ມູນ​ຈາກ​ພະ​ແນກ​ມອດ​ໄຟ ໃນ​ທ້ອງຖິ່ນ ໃຫ້​ຮູ້​ວ່າ​ເຮືອບິນ Cessna 414 ຂະໜາດ​ນ້ອຍ​ລຳ​ໜຶ່ງ ໄດ້​ເກີດ​ອຸບັດເຫດ ຕົກ​ຢູ່​ໃນ​ນະຄອນ ຊັນ​ຕາ ອານາ ຂອງ​ລັດ ຄາ​ລີ​ຟໍ​ເນຍ (ສ ອາ​ເມ​ຣິ​ກາ) ເມື່ອ​ຕອນ​ແລງ​ວັນ​ທີ 5 ສິງຫາ​ນີ້ (ຕາມ​ເວລາ​ໃນ​ທ້ອງຖິ່ນ) ເປັນ​ເຫດ​ໃຫ້​ຜູ້​ທີ່ຢູ່​ໃນ​ເຮືອບິນ​ນັ້ນ 5 ຄົນ ເສຍ​ຊີວິດ​ທັງ​ໝົດ. 

    ທີ່​ປະເທດ​ສະ​ວິດ: ສຳນັກ​ຂ່າວສານ AFP ອ້າງ​ຕາມ​ສື່ສານ​ໃນ​ທ້ອງຖິ່ນ ໃຫ້​ຮູ້ເມື່ອ​ວັນ​ທີ 5 ສິງຫາ​ນີ້​ວ່າ ອາດ​ເປັນ​ໄປ​ໄດ້​ວ່າ​ມີ​ຜູ້​ເສຍ​ຊີວິດ 20 ຄົນ ຫຼັງ​ຈາກ​ທີ່​ເຮືອບິນ​ເກົ່າ​ລຳ​ໜຶ່ງ ທີ່​ມີ​ມາ ຕັ້ງແຕ່​ຍຸກ​ສົງຄາມ​ໂລກ​ຄັ້ງ​ທີ 2 ເກີດ​ອຸບັດເຫດ​ຕົກ ຢູ່​ໃນ​ເຂດ​ເປີ້ນພູ​ແຫ່ງ​ໜຶ່ງ ໃນ​ປະ​ເດ​ສະ​ວິດ. ທາງ​ດ້ານ​ສຳນັກ​ຂ່າວສານ ATS ໃຫ້​ຮູ້​ວ່າ​ເຮືອບິນ Junker JU52 HB-HOT ລຳ​ໜຶ່ງ ຊຶ່ງ​ໄດ້​ຮັບ​ການ​ຜະລິດ​ຢູ່​ໃນ​ເຢຍ​ລະ​ມັນ​ເມື່ອ​ປີ 1939 ແລະ ​ປັດຈຸບັນ​ນີ້ ເປັນ​ວັດຖຸ​ພັນ​ທີ່​ສະ​ສົມ ຢູ່​ໃນ​ການ​ຄອບ​ຄອງ​ຂອງ JU-Air ຊຶ່ງ​ເປັນ​ບໍລິສັດ​ຮ່ວມ​ກຸ່ມ​ກັບ​ກອງ​ກຳ​ລັງທ​​ະ​ຫານ​ອາກາດ​ສະ​ວິດ. ເຮືອບິນ​ດັ່ງກ່າວ ອາດ​ມີ​ຜູ້ໂດຍສານ 17 ຄົນ ແລະ ​ຈຸ​ບັນ 3 ຄົນ ໄດ້​ຕົກລົງ​ໃນ​ເຂດ​ພູ ພິ​​ສ ເຊກ​ນາດ (ພາກ​ຕາເວັນ​ອອກ​ຂອງ​ສະ​ວິດ) ຈາກ​ລະ​ກັບ​ສູງ​ປະມານ  2.500 ແມັດ ໃນ​ວັນ​ທີ 4 ສິງຫາ​ນີ້.

    ໃນ​ຂະນະ​ດຽວ​ກັນ ເຮືອບິນ​ຂອງ​ສະ​ວິດ​ອີກ​ລຳ​ໜຶ່ງ ກໍ​ໄດ້​ປະສົບ​ເຫດ​ຕົກ​ໃນ​ວັນ​ທີ 4 ສິງຫາ​ນີ້​ເຊັ່ນ​ກັນ ຊຶ່ງ​ເຮືອບິນ​ລຳ​ນີ້ ບັນທຸກ​ຜູ້​ຊາຍ 1 ຄົນ ແລະ ​ແມ່ຍິງ 1 ຄົນ ພ້ອມ​ດ້ວຍ​ເດັກນ້ອຍ​ອີກ 2 ຄົນ ໄດ້​ເກີດ​ອຸບັດເຫດ​ຕົກລົງ​ໃນ​ເຂດ​ປ່າໄມ້​ແຫ່ງ​ໜຶ່ງ ແລະ ເກີດ​ໄຟ​ລຸກ​ໄໝ້​ຂຶ້ນ ເປັນ​ເຫດ​ໃຫ້​ຄົນ​ທີ່ຢູ່​ໃນ​ເຮືອບິນ​ນັ້ນ ເສຍ​ຊີວິດ​ທັງ​ໝົດ.

    ທີ່​ຣັດ​ເຊຍ: ແຫຼ່ງ​ຂ່າວ Sputniknews ລາຍ​ງານ​ວ່າ ເຮືອບິນ​ເອ​ລີ​ກອບ​ແຕ Mi-8 ຂອງ​ບໍລິສັດ ອູ​ຕາຍ (Utair) ທີ່​ປະສົບ​ເຫດ​ຕົກ​ຢູ່​ໃນ​ເຂດ ກຣາ​​ສ​ໂນ​ຢາດ​​ສກ໌ ໃນ​ເຂດ​ຊີ​ເບຣີ (ຣັດ​ເຊຍ) ເມື່ອ​ວັນ​ທີ 4 ສິງຫາ​ນັ້ນ ແມ່ນ​ເປັນ​ຍ້ອນ​ໃນ​ເວລາ​ທີ່​ບິນ​ຂຶ້ນ​ຈາກ​ສະໜາມ​ບິນ​ໄດ້ ໄປ​ຕຳ​ກັບ​ສິນຄ້າ​ຄົງ​ທີ່ ຢູ່​ເທິງ​ຖານ​ທີ່​ຫ້ອຍ​ໄວ້​ດ້ານ​ນອກ​ຂອງ​ເຮືອບິນ​ເອ​ລີ​ກອບ​ແຕ Mi-8  ອີກ​ລຳ​ໜຶ່ງ ເປັນ​ເຫດ​ໃຫ້ ຜູ້​ທີ່ຢູ່​ໃນ​ເຮືອບິນ​ນັ້ນ 18 ຄົນ ເສຍ​ຊີ​ວິ​ດັງ​ໝົດ. ໃນ​ຈຳນວນ​ຜູ້​ທີ່​ໄດ້​ຮັບ​ເຄາະ​ຮ້າຍ​ເສຍ​ຊີວິດ​ນັ້ນ ເປັນ​ສະມາຊິກ​ໃນ​ຈຸ​ບິບ 3 ຄົນ ແລະ ອີກ 15 ຄົນ ເປັນ​ກຳມະກອນ​ທີ່​ມາ​ຈາກ​ສະຖານີ​ສູບ​ນ້ຳມັນ Vankor 1 ຢູ່​ໃນ​ກຣາ​​ສ​ໂນ​ຢາດ​​ສກ໌.

 

ຂ່າວທີ່ກ່ຽວຂ້ອງ