ຂ່າວຫຼ້າສຸດ

ມີຜູ້ເສຍຊີວິດຫຼາຍສິບຄົນຈາກເຫດການແຜ່ນດິນໄຫວຢູ່ໃນອິນໂດເນເຊຍ

85 07 ສ.ຫ. 2018 ຂ່າວຕ່າງປະເທດ
ມີຜູ້ເສຍຊີວິດຫຼາຍສິບຄົນຈາກເຫດການແຜ່ນດິນໄຫວຢູ່ໃນອິນໂດເນເຊຍ

   ອົງການ​ໄພພິບັດ​ແຫ່ງ​ຊາດ​ອິນ​ໂດ​ເນ​ເຊຍ ແຈ້ງ​ໃຫ້​ຮູ້​ວ່າ ໄລ່​ມາ​ຮອດ​ຕອນ​ເຊົ້າ​ວັນ​ທີ 6 ສິງຫາ​ນີ້  ມີ​ຜູ້​ເສຍ​ຊີວິດ​ແລ້ວ​ຢ່າງ​ໜ້ອຍ 82 ຄົນ ແລະ​ ບາດເຈັບ​ອີກ​ຫຼາຍ​ຮ້ອຍ​ຄົນ ຈາກ​ເຫດການ ແຜ່ນດິນ​ໄຫວ ຊຶ່ງ​ແທກ​ຄວາມ​ແຮງ​ສັ່ນ​ສະເທືອນ​ໄດ້ 7 ອົງສາ​ຣິກ​ເຕີ ທີ່​ເຮັດ​ໃຫ້​ເກີດ​ແຮງ ສັ່ນ​ສະເທືອນ​ຢູ່​ໃນ​ເກາະ​ບາ​ຫຼີ ແລະ ​ເກາະ​ລອມ​ບອກ ເມື່ອ​ຕອນ​ຄ່ຳ​ວັນ​ທີ 5 ສິງຫາ​ນີ້.  ຈຳນວນ​ຜູ້​ໄດ້ ຮັບ​ບາດເຈັບ​ໃນ​ເວລາ​ນີ້ ມີ​ຫຼາຍ​ກວ່າ​ຜູ້​ເສຍ​ຊີວິດ ແຕ່​ວ່າ​ເຈົ້າ​ໜ້າທີ່​ຍັງ​ບໍ່​ສາມາດ ນຳ​ເອົາ​ຕົວ​ເລກ ທີ່​ຊັດ​ເຈນ​ອອກ​ມາ ໃນ​ຂະນະ​ທີ່​ການ​ຕີ​ລາຄາ​ຄວາມ​ເສຍ​ຫາຍ ຍັງ​ຄົງ​ດຳເນີນ​ຢູ່.

    ກ່ອນ​ໜ້າ​ນີ້ ເມື່ອ​ວັນ​ທີ 29 ກໍລະກົດ​ທີ່​ຜ່ານ​ມາ ກໍ​ໄດ້​ເກີດ​ເຫດການ​ແຜ່ນດິນ​ໄຫວ​ແຮງ 6,4 ອົງສາ​ຣິກ​ເຕີ ຢູ່​ເທິງ​ເກາະ​ລອມ​ບອກ ເປັນ​ເຫດ​ໃຫ້​ມີ​ຜູ້​ເສຍ​ຊີວິດ 17 ຄົນ.

 

ຂ່າວທີ່ກ່ຽວຂ້ອງ