ວັນອາທິດ ທີ 17 ກຸມພາ 2019 11:08:35
- ຄາດຄະເນໝົດປີສາມາດປະຕິບັດລາຍຮັບ 25 ພັນຕື້ກວ່າກີບ
- ລາວໂທລະຄົມ ສ້າງລາຍຮັບໄດ້ເກືອບ 2 ພັນຕື້ກີບ
- ເຊີນທ່ຽວງານບຸນມະໂຫລານສົ່ງເສີມການອ່ານ
- ຫຼາຍກົມກອງ ແລະ ບຸກຄົນ ໄດ້ຮັບການຍ້ອງຍໍຈາກພັກ-ລັດ
- ຮ່ວມມືກັນສ້າງເງື່ອນໄຂ ໃຫ້ນັກທຸລະກິດເຂົ້າສູ່ແຫຼ່ງທຶນ SMEs
- ໄດ້ແລ້ວ 20 ຄົນ ຄັດເລືອກນາງສາວນະຄອນຫຼວງ
- ປາກງື່ມ ສຸມໃສ່ການປູກພືດກະສິກຳເປັນສິນຄ້າ
- ເຈົ້າໜ້າທີ່ກຳປູເຈຍຈະແກ້ໄຂບັນຫາ “ຜູ້ນຳທ່ຽວມືດ” ຢູ່ອັງກໍວັດ
- ສ ເກົາຫຼີ ລົງທຶນ 13.200 ຕື້ວອນ ເພື່ອພັດທະນາເຂດຊາຍແດນ
- ການເງິນຂອງ IS ມີສ່ຳໃດ?
ອາຣາບີ ຊາອຸດິດ ປະກາດຂັບໄລ່ເອກອັກຄະລັດຖະທູດການາດາ ປະຈຳຣີຢາດ
ສຳນັກຂ່າວສານແຫ່ງລັດຂອງອາຣາບີ ຊາອຸດິດ (SPA) ລາຍງານເມື່ອວັນທີ 6 ສິງຫານີ້ວ່າ ອຳນາດການປົກຄອງອາຣາບີ ຊາອຸດິດ ໄດ້ຮຽກຕົວເອກອັກຄະລັດຖະທູດຂອງຕົນປະຈຳການາດາ ກັບຄືນປະເທດ ພ້ອມທັງປະກາດຂັບໄລ່ເອກອັກຄະລັດຖະທູດ ການາດາ ປະຈຳອາຣາບີ ຊາອຸດິດ.
ແຈ້ງການຂອງກະຊວງການຕ່າງປະເທດອາຣາບີ ຊາອຸດິດ ໃຫ້ຮູ້ວ່າ ເອກອັກຄະລັດ ຖະທູດ ການາດາ ມີເວລາ 24 ຊົ່ວໂມງ ເພື່ອເດີນທາງອອກໄປຈາກອາຣາບີ ຊາອຸດິດ. ນອກຈາກນັ້ນແລ້ວ ອາຣາບີ ຊາອຸດິດ ກໍປິດທຸກໆການພົວພັນແລກປ່ຽນໃໝ່ ທາງດ້ານການຄ້າກັບການາດາ.
ແຈ້ງການຂອງກະຊວງການຕ່າງປະເທດອາຣາບີ ຊາອຸດິດ ໃຫ້ຄຳອະທິບາຍຕໍ່ເຫດຜົນ ຂອງການດຳເນີນການດັ່ງກ່າວວ່າ ຍ້ອນວ່າອາຣາບີ ຊາອຸດິດ “ບໍ່ຍອມຮັບການແຊກແຊງ ເຂົ້າວຽກງານພາຍໃນ” ຂອງປະເທດນີ້ ພ້ອມທັງແຈ້ງເຕືອນວ່າ ອາດຈະດຳເນີນບາດກ້າວຕໍ່ໄປອີກ.
ປະຕິກິລິຍາຂອງອາຣາບີ ຊາອຸດິດ ຖືກນຳອອກມາ ຫຼັງຈາກທີ່ກະຊວງການຕ່າງປະເທດ ການາດາ ແລະ ເອກອັກຄະລັດຖະທູດການາດາ ປະຈຳຣີຢາດ ເລັ່ງຊຸກຍູ້ໃຫ້ອາຣາບີ ຊາອຸດິດ “ປ່ອຍຕົວນັກເຄື່ອນໄຫວ” ໂດຍທັນທີ.
