ນັກ​ຂ່າວ​ຊາວ​ຣັດ​ເຊຍ 3 ຄົນ ຖືກ​ເຂັ່ນຂ້າ​ຢູ່​ໃນ ສາທາລະນະ​ລັດ ອາ​ຟະ​ຣິກ​ກາ​ກາງ

61 07 ສ.ຫ. 2018 ຂ່າວຕ່າງປະເທດ
ນັກ​ຂ່າວ​ຊາວ​ຣັດ​ເຊຍ 3 ຄົນ ຖືກ​ເຂັ່ນຂ້າ​ຢູ່​ໃນ ສາທາລະນະ​ລັດ ອາ​ຟະ​ຣິກ​ກາ​ກາງ

     ຂ່າວສານ ຣອຍ​ເຕີ ລາຍ​ງານ​ວ່າ ນາງ ມາ​ເຣຍ ຊາ​ຄາ​ໂຣ​ວາ ໂຄສົກ​ກະຊວງ​ການ​ຕ່າງປະເທດ​ຣັດ​ເຊຍ ແຈ້ງ​ໃຫ້​ຮູ້ເມື່ອ​ວັນ​ທີ 3 ສິງຫາ​ນີ້​ວ່າ ຜົນ​ຂອງ​ການ​ສືບສວນ​ສອບ​ສວນ​ເບື້ອງ​ຕົ້ນ ຊີ້​ໃຫ້​ເຫັນ​ວ່າ ນັກ​ຂ່າວ​ຊາວ​ຣັດ​ເຊຍ 3 ຄົນ ໄດ້​ຖືກ​ເຂັ່ນຂ້າ​ຢູ່​ໃນ ສາທາລະນະ​ລັດ ອາ​ຟະ​ຣິກ​ກາ​ກາງ​ໃນ​ອາທິດ​ນີ້.

    ໂຄສົກ​ກ່າວ​ວ່າ ພວກ​ນັກ​ຂ່າວ​ດັ່ງກ່າວ ໄດ້​ພະຍາຍາມ​ຕ້ານ​ຢັນ​ກັບ​ກຸ່ມ​ຄົນ​ຮ້າຍ ໃນ​ເວລາ​ທີ່​ຖືກ​ທຳຮ້າຍ ຊຶ່ງ​ໃນ​ເວລາ​ນັ້ນ ພວກ​ຄົນ​ຮ້າຍ​ຕ້ອງການ​ປຸ້ນ​ເອົາ​ຊັບ​ສິນ​ຂອງ​ນັກ​ຂ່າວ​ທັງ​ສາມ​ຄົນ. ນັກ​ຂ່າວ​ຊາວ​ຣັດ​ເຊຍ ຖືກ​ທຳຮ້າຍ​ຈົນ​ເຖິງ​ແກ່​ຊີວິດ​ດັ່ງກ່າວ ໃນ​ຂະນະ​ທີ່​ພວມ​ດຳເນີນ​ການ​ສືບສວນ​ກ່ຽວ​ກັບ​ທະຫານ​ເລວ​ຮັບຈ້າງ​ຊາວ​ຣັດ​ເຊຍ ຢູ່​ໃນ ສາທາລະນະ​ລັດ ອາ​ຟະ​ຣິກ​ກາ​ກາງ.

 

ຂ່າວທີ່ກ່ຽວຂ້ອງ