ຂ່າວຫຼ້າສຸດ

ເທຄວັນໂດລາວ ຍາດໄດ້ 3 ຫຼຽນຄໍາ ຫວຽດນາມ ໂອເພັນ

186 06 ສ.ຫ. 2018 ວົງຈອນກີລາ
ເທຄວັນໂດລາວ ຍາດໄດ້ 3 ຫຼຽນຄໍາ ຫວຽດນາມ ໂອເພັນ

ອີງ​ຕາມ​ຂໍ້​ມູນ​ຈາກ​ສະຫະພັນ​ເທ​ຄວັນ​ໂດ​ແຫ່ງ​ຊາດ​ລາວ ​ໄດ້​ແຈ້ງ​ໃຫ້​ຮູ້​ວ່າ: ສະຫະພັນເທຄວັນໂດແຫ່ງຊາດລາວ ​ໄດ້​ສົ່ງ​ນັກ​ກີລາ​ເຂົ້າ​ຮ່ວມ​ແຂ່ງຂັນ​ເທ​ຄວັນ​ໂດ ລາຍການ ຫວຽດນາມ ໂອເພັນ 2018 ທີ່ນະຄອນດານັງ ສສ ຫວຽດນາມ ​ເປັນ​ເຈົ້າພາບ ​​ລະຫວ່າງ​ວັນທີ 28-29 ກໍລະກົດ ຜ່ານມາ

ສຳລັບຜົນງານ​​ໃນ​ການ​ແຂ່ງຂັນ ຫວຽດນາມ ​ໂອ​ເພັນ 2018 ​ຄັ້ງ​ນີ້ ​ແມ່ນ​ໄດ້​ຈາກ​​ປະ​ເພດ​ຕໍ່ສູ້​ປ້ອງ​ກັນ​ຕົວ​ ​3 ຫຼຽນຄຳ ທ້າວ ສອນໄຊ ມັງເຄືອ ຮຸ່ນນໍ້າໜັກ 74 ກິໂລ ທ້າວ ສິດທິກອນ ສໍພາບມີໄຊ ຮຸ່ນນໍ້າໜັກ 68 ກິໂລ ແລະ ທ້າວ ພູນາທອນ ສຸກສະຫວັນ ຮຸ່ນນໍ້າໜັກ 63 ກິໂລ 4 ຫຼຽນເງິນ ໄດ້ຈາກ ທ້າວ ສົມສະນຸກ ພົມມະວັນ ຮຸ່ນນໍ້າໜັກ 74 ກິໂລ ທ້າວ ພັດທະນາ ໄຊຍະກຸມມານ ຮຸ່ນນໍ້າໜັກ 63 ກິໂລ ນາງ ສອນສະຫວັນ ສີລິມະໂນທຳ ຮຸ່ນນໍ້າໜັກ 68 ກິໂລ ແລະ ນາງ ອາລິສາ ປັນຍາສິຣິ ຮຸ່ນນໍ້າໜັກ 53 ກິໂລ ສ່ວນ 1 ຫຼຽນທອງໄດ້ຈາກ ນາງ ທິດາສະຫວັນ ສົດທະຈິດ ຮຸ່ນນໍ້າໜັກ 68 ກິໂລ.

ຫຼັງຈາກນີ້ ນັກກີລາເທຄວັນໂດທິມຊາດລາວ ຈໍານວນ 6 ຄົນ ຍິງ 2 ຄົນ ຈະ​ໄດ້ກຽມຄວາມ​ພ້ອມ​ອອກເດີນທາງ​​ໃນວັນທີ 15 ສິງຫາ 2018 ນີ້ ເຂົ້າ​ຮ່ວມ​ງານ​ມະຫະກຳກີລາເອຊຽນເກມ ຄັ້ງທີ 18 ທີ່ນະຄອນຫຼວງຈາກາຕາ ແລະ ເມືອງປາເລັມບັງ ປະເທດອິນໂດເນເຊຍ ເປັນເຈົ້າພາບ ລະຫວ່າງວັນທີ 18 ສິງຫາ ຫາ 2 ກັນຍາ 2018.

ຂ່າວທີ່ກ່ຽວຂ້ອງ