ແມນຢູ ໃກ້ໄດ້ນັກເຕະໃໝ່ຄົນທີ 4 ຄ່າຕົວມະຫາສານ

129 06 ສ.ຫ. 2018 ວົງຈອນກີລາ
ແມນຢູ ໃກ້ໄດ້ນັກເຕະໃໝ່ຄົນທີ 4 ຄ່າຕົວມະຫາສານ

ຄວາມເຄື່ອນໄຫວຂອງຖິ່ນໂອລແທຣັບ ຟອດ ຫຼ້າສຸດ ! ແມນເຊສເຕີ ຢູໄນເຕັດ ພາຍໃຕ້ການຄຸມທີມຂອງ ໂຈເຊ່ ມູຣິນໂຢ່ ຕົກເປັນຂ່າວລົ້ມເລີກແຜນຄວ້າຕົວ ເຢີຣີ່ ມິນາ ກອງຫຼັງບາເຊໂລນ່າ ແລ້ວ ຫຼັງກຳລັງຈະປິດການຊື້ຂາຍ ໂທບີ ອັນເດີໄວເຣວ ກອງຫຼັງທັອຕແນ່ມ ຮັອດສະເປີ ຄູ່ແຂ່ງຮ່ວມພຣີເມຍລີກ ທີ່ຈະເຂົ້າມາເປັນສະມາຊິກໃໝ່ຄົນທີ່ 4 ຕໍ່ຈາກ ເຟຣັດ, ດິໂອໂກ ດາລັອດ ແລະ ລີ ແກຣນ ໃນພັກຮ້ອນນີ້ ຕາມຂ່າວລະບຸວ່າ ກອງຫຼັງໄວ 29 ປີ ທີມຊາດແບນຊິກ ຈະເປິດຕົວຊູເສື້ອກັບຕົ້ນສັງກັດໃໝ່ ແມນຯຢູໄນເຕັດ ພາຍໃນ 48 ຊົ່ວໂມງຂ້າງໜ້າ ຫຼືໃນ 2 ວັນນີ້ ດ້ວຍຄ່າຕົວການຍ້າຍທີມຄັ້ງນີ້ຢູ່ທີ່ 60 ລ້ານປອນ.

          ຂະນະດຽວກັນ ກໍມີຂ່າວວ່າ ທີມຮອງແຊັມພຣີເມຍລີກ ແລະ ເອຟເອ ຄັບ 2017-18 ກຽມທີ່ຈະປ່ອຍຕົວ ທິໂມທີ ໂຟຊູ-ເມນຊາ ກອງຫຼັງດາວຮຸ່ງໄວ 20 ປີ ໄປຫຼິ້ນໃຫ້ກັບແຮທ່າ ເບີລິນ ທີມດັງໃນບຸນເດສລີກາ ເຢຍລະມັນ ໃນຮູບແບບເງື່ອນໄຂພາຍໃຕ້ສັນຍາຢືມຕົວໃຊ້ງານເປັນເວລາ 1 ລະດູການ ໃນລະດູການ 2018-19.

ຂ່າວທີ່ກ່ຽວຂ້ອງ