ຂ່າວຫຼ້າສຸດ

“ຟລອຍ” ພ້ອມຮ່ວມງານ “ປາກຽວ” ແຕ່ບໍ່ໃຫ້ແກ້ມື

166 06 ສ.ຫ. 2018 ວົງຈອນກີລາ
“ຟລອຍ” ພ້ອມຮ່ວມງານ “ປາກຽວ” ແຕ່ບໍ່ໃຫ້ແກ້ມື

ຟລອຍ ເມເວດເທີ ຈູເນຍ ຢືນຢັນ ບໍ່ຄິດໃຫ້ ແມນນີ ປາກຽວ ແກ້ມື ແຕ່ພ້ອມຮ່ວມງານໃນດ້ານອື່ນ ຫຼັງ ແມນນີ ປາກຽວ ແຍກທາງກັບໂປຣໂມເຕີ ບັອບ ອາຣໍາ ໄປແລ້ວ.

          ຟລອຍ ເມເວດເທີ ຈູເນຍ ອະດີດຍອດມວຍທີ່ບໍ່ເສຍໃຫ້ໃຜຊາວອາເມຣິກາ ອອກມາລະບຸວ່າເຂົາພ້ອມທີ່ຈະຮັບໂທລະສັພບຈາກ ແມນນີ ປາກຽວ ຄູ່ປັບເກົ່າຊາວຟິລິບປິນ ແລະ ພ້ອມທີ່ຈະຮ່ວມງານດ້ວຍ ຫຼັງຍອດມວຍຟີລິບປິນບໍ່ໄດ້ສັງກັດຢູ່ກັບຍອດໂປຣໂມເຕີຢ່າງ ບັອບ ອາຣໍາ ອີກຕໍ່ໄປແລ້ວ ແຕ່ຍັງຄົງປະຕິເສດທີ່ຈະເປິດເວິກນັດລ້າງຕາກັບ ແມນນີ ປາກຽວ ຫຼັງຈາກເຄີຍເອົາຊະນະຄະແນນໃນນັດທີ່ທັງຄູ່ ດວນກຳປັ້ນກັນເມື່ອປີ 2015.      

          ກ່ອນໜ້ານີ້ ປາກຽວ ອອກມາທ້າໃຫ້ ຟລອຍ ເປິດໂອກາດໃຫ້ເຂົາໄດ້ແກ້ມືອີກຄັ້ງ ຫຼັງຈບການຊົກນັດທີ່ຜູ້ກ່ຽວເອົາຊະນະ ທີເຄໂອ ລູຄັສ ມາທິສເຊ ຍົກ 7 ທີ່ນະຄອນຫຼວງກົວລາລໍາເປີ ປະເທດມາເລເຊຍ ເມື່ອວັນທີ 15 ກໍລະກົດທີ່ຜ່ານມາ ແຕ່ ເມເວດເທີ ຢືນຢັນວ່າເຂົາບໍ່ຄິດຈະຫວນຄືນສັງວຽນຊົກກັບ ປາກຽວ ແຕ່ພ້ອມຈະຮ່ວມງານກັນໃນດ້ານອື່ນ ໂດຍກ່າວວ່າ “ຂ້ອຍຄົງບໍ່ຊົກກັບເຂົາອີກຢ່າງທີ່ເຂົາຕ້ອງການ ແຕ່ຖ້າເຂົາຢາກເຮັດອັນໃດທີ່ມັນໄດ້ເງິນກໍເຮັດໄປ ແຕ່ຂ້ອຍບໍ່ມີອັນໃດທີ່ຈະໂຈມຕີເຂົາ ແນ່ນອນເຂົາຕ້ອງທ້າຂ້ອຍ ເພາະຂ້ອຍຄືຄົນທີ່ຍິ່ງໃຫຍ່ທີ່ສຸດໃນວົງການມວຍ ຫຼືບໍ່ກໍເປັນຊື່ທີ່ເກັບເງິນໄດ້ຫຼາຍທີ່ສຸດ”.     

          “ຂ້ອຍບໍ່ຄ່ອຍໄດ້ໃຫ້ສໍາມພາດ ແຕ່ຂ້ອຍກໍຖືກຖາມບໍ່ຕ່ຳກວ່າ 7 ຄັ້ງແລ້ວວ່າ “ເປັນຫຍັງເຈົ້າຢ້ານທີ່ຈະຊົກກັບ ປາກຽວ” ມັນເໝືອນກັບວ່າເອົາຊະນະເຂົາໄດ້ຄັ້ງດຽວ ມັນຍັງບໍ່ພໍ ແຕ່ນັ້ນມັນຄືສິ່ງທີ່ເກິດຂຶ້ນ ປາກຽວຄືນັກຊົກທີ່ຈະໄດ້ເຂົ້າຫໍກຽດຕິຍົດແນ່ນອນໃນອະນາຄົດ ແຕ່ເຂົາພ່າຍແພ້ໃຫ້ກັບຄົນທີ່ດີທີ່ສຸດໃນໂລກ ນັ່ນຄືຂ້ອຍ ຄວາມຈິງແລ້ວ ຂ້ອຍພ້ອມຈະຮັບໂທລະສັບຈາກປາກຽວ ແລະ ຫຼັງຈາກນັ້ນ ເຮົາຈະໄດ້ຮູ້ວ່າເຂົາຈະຮ່ວມງານກັບຂ້ອຍໄດ້ໃນແບບໃດ ມັນຍັງມີນັກຊົກອີກຫຼາຍຄົນທີ່ເໝາະຈະເປັນຄູ່ຊົກຂອງເຂົາ” ເມເວດເທີ ຈູເນຍ ກ່າວປິດທ້າຍ.

ຂ່າວທີ່ກ່ຽວຂ້ອງ