ຂ່າວຫຼ້າສຸດ

ລັດຖະບານ​ກູ​ບາ ນຳ​ໃຊ້​ຂໍ້​ກຳນົດ​ໃໝ່​ກ່ຽວ​ກັບ​ການ​ຊື້​ຂາຍ​ເຮືອນ ແລະ ທີ່​ດິນ

283 06 ສ.ຫ. 2018 ຂ່າວຕ່າງປະເທດ
ລັດຖະບານ​ກູ​ບາ ນຳ​ໃຊ້​ຂໍ້​ກຳນົດ​ໃໝ່​ກ່ຽວ​ກັບ​ການ​ຊື້​ຂາຍ​ເຮືອນ ແລະ ທີ່​ດິນ

   ສຳນັກ​ຂ່າວສານ​ແຫ່ງ​ລັດ​ກູ​ບາ (ACN) ແຈ້ງ​ໃຫ້​ຮູ້ເມື່ອ​ວັນ​ທີ 1 ສິງຫາ​ນີ້​ວ່າ ຂໍ້​ກຳນົດ​ໃໝ່ ກ່ຽວ​ກັບ​ການ​ແລກປ່ຽນ ມອບ ຊື້​ຂາຍ ແລະ​ກໍ່ສ້າງ​ເຮືອນ​ຢູ່ ຢູ່​ໃນ “ບັນດາ​ເຂດ​ພິເສດ ທີ່​ຈັດ​ສັນ​ໃຫ້​ແກ່ ການທ່ອງທ່ຽວ” ໄດ້​ເລີ່ມ​ມີ​ຜົນ​ບັງຄັບ​ໃຊ້ ຊຶ່ງ​ຕາມ​ນັ້ນແລ້ວ ເອກະສານ​ຕ່າໆ​ດັ່ງກ່າວ​ທັງ​ໝົດ ຈະ​ໄດ້​ຮັບ ການ​ອະນຸຍາດ​ຈາກ​ກະຊວງ​ການທ່ອງທ່ຽວ (Mintur) ຂອງ​ກູ​ບາ ກ່ອນ​ທີ່​ຈະ​ສົ່ງ​ຜ່ານ​ໄປ​ຍັງ​ບັນດາ ອົງການ​ທີ່​ຮັບຜິດຊອບ​ກ່ຽວ​ກັບ​ເຮືອນ​ຢູ່.

    ຂໍ້​ກຳນົດ​ໃໝ່​ດັ່ງກ່າວ ໄດ້​ຮັບ​ການ​ປະກາດ​ຢູ່​ໃນ​ໜັງສືພິມ​ຂອງ​ລັດ​ກູ​ບາ ໂດຍ​ເປັນ​ການ​ນຳ​ໃຊ້ ສຳລັບ​ເຂດ​ຕ່າງໆ ເຊັ່ນ​ເຂດ​ພັກຜ່ອນ ວາ​ຣາ​ເດ​ໂຣ (Varadero) ແລະ​ບັນດາ​ເມືອງ​ໃນ​ເຂດ​ໃຈກາງ ລາ ຮາ​ວານ ແລະ Habana Vieja (Havana ເກົ່າ​ແກ່) ຊຶ່ງ​ຕ່າງ​ກໍ​ເປັນ​ສູນ​ການທ່ອງທ່ຽວ ຂອງ​ນະຄອນຫຼວງ ລາ ຮາ​ວານ. ພ້ອມ​ກັນ​ນັ້ນ ຂໍ້​​ໍ​ກຳນົດ​ດັ່ງກ່າວ ກໍ​ຍັງ​ເພື່ອ “ຮັກສາ​ຄວາມ​ສົມ​ດຸນ ຂອງ​ປະຊາກອນ​ທີ່​ອາໄສ​ຢູ່ ແລະ​ຫຼີກເວັ້ນ​ການ​ເພີ່ມ​ຂຶ້ນ​ຂອງ​ປະຊາກອນ” ຢູ່​ໃນ​ເຂດ​ຕ່າງໆ​ດັ່ງກ່າວ.

ເມື່ອ​ເດືອນ​ພະຈິກ​ປີ 2011 ເປັນ​ເທື່ອ​ທຳ​ອິດ​ຫຼັງ​ຈາກ 50 ປີ ທີ່​ລັດຖະບານ​ກູ​ບາ ໄດ້​ອະນຸຍາດ ການ​ຊື້​ຂາຍ​ເຮືອນ​ຢູ່​ຂອງ​ເອກະ​ຊົນ ແຕ່​ຍັງ​ມີ​ເຂດ​ກຳນົດ​ອະສັງຫາລິມະ​ຊັບ​ໄວ້​ທີ່​ໜຶ່ງ​ລາຍການ ສຳລັບ​ຜູ້​ຄອບ​ຄອງ​ແຕ່​ລະລາຍ.

 

ຂ່າວທີ່ກ່ຽວຂ້ອງ