ຂ່າວຫຼ້າສຸດ

ຈີນ ເປັນ​ຕະຫຼາດ​ນຳ​ເຂົ້າ​ຜັກ ແລະ​ໝາກ​ໄມ້​ລາຍ​ໃຫຍ່​ຂອງ​ຫວຽດນາມ

144 06 ສ.ຫ. 2018 ຂ່າວຕ່າງປະເທດ
ຈີນ ເປັນ​ຕະຫຼາດ​ນຳ​ເຂົ້າ​ຜັກ ແລະ​ໝາກ​ໄມ້​ລາຍ​ໃຫຍ່​ຂອງ​ຫວຽດນາມ

   ກົມ​ການ​ປຸງ​ແຕ່ງ ແລະ ພັດທະນາ​ຕະຫຼາດ​ກະສິກຳ (ກະຊວງ​ກະສິກຳ ແລະ​ພັດທະນາ​ຊົນນະບົດ​ຫວຽດນາມ) ໃຫ້​ຮູ້​ວ່າ ມູນ​ຄ່າ​ການ​ສົ່ງ​ອອກ​ຜັກ ແລະ ​ໝາກ​ໄມ້​ຂອງ​ຫວຽດນາມ ໃນ​ເດືອນ​ກໍລະກົດ 2018 ຄາດ​ວ່າ​ບັນລຸ 289 ລ້ານ​ໂດ​ລາ​ສະຫະລັດ ເຮັດ​ໃຫ້​ມູນ​ຄ່າ​ການ​ສົ່ງ​ອອກ​ຜັກ ແລະ ໝາກ​ໄມ້ ໃນ 7 ເດືອນ​ຕົ້ນ​ປີ​ນີ້ ບັນລຸ 2,3 ຕື້​ໂດ​ລາ​ສະຫະລັດ ເພີ່ມ​ຂຶ້ນ 12,6% ເມື່ອ​ທຽບໃສ່​ເວລາ​ດຽວ​ກັນ​ຂອງ​ປີ 2017.

    ຂ່າວ​ແຈ້ງວ່າ ຈີນ​ຍັງ​ຄົງ​ເປັນ​ຕະຫຼາດ​ຮອງ​ຮັບ​ຜັກ ແລະ​ໝາກ​ໄມ້​ລາຍ​ໃຫຍ່​ສຸດ​ຂອງ​ຫວຽດນາມ ພາຍ​ໃນ 7 ເດືອນ​ຕົ້ນ​ປີ 2018 ໂດຍ​ກວມ​ເອົາ 74% ຂອງ​ສ່ວນ​ແບ່ງ​ໃນ​ຕະຫຼາດ ບັນລຸ​ມູນ​ຄ່າ 1,47 ຕື້​ໂດ​ລາ​ສະຫະລັດ ເພີ່ມ​ຂຶ້ນ 18% ໃນ​ດ້ານ​ມູນ​ຄ່າ ເມື່ອ​ທຽບໃສ່​ເວລາ​ດຽວ​ກັນ​ຂອງ​ປີ 2017. ຄຽງ​ຄູ່​ກັນ​ນັ້ນ ບັນດາ​ຕະຫຼາດ​ທີ່​ມີ​ມູນ​ຄ່າ​ການ​ສົ່ງ​ອອກ​ຜັກ ແລະ​ໝາກ​ໄມ້​ຂອງ​ຫວຽດນາມ ເພີ່ມ​ຂຶ້ນ​ຫຼາຍ​ກໍ​ມີ​ໄທ (37,6%) ສ ເກົາຫຼີ (16,7%) ສ ອາ​ເມ​ຣິ​ກາ  (15,9%).

    ໃນ​ຂະນະ​ດຽວ​ກັນ ຄາດ​ວ່າ​ມູນ​ຄ່າ​ການ​ນຳ​ເຂົ້າ​ຜັກ ແລະ​ໝາກ​ໄມ້​ຂອງ​ຫວຽດນາມ ໃນ​ເດືອນ​ກໍລະກົດ ປີ 2018 ບັນລຸ 156 ລ້ານ​ໂດ​ລາ​ສະຫະລັດ ເຮັດ​ໃຫ້​ຍອດ​ມູນ​ຄ່າ​ການ​ນຳ​ເຂົ້າ​ຜັກ ແລະ ໝາກ​ໄມ້​ໃນ 7 ເດືອນ​ຕົ້ນ​ປີ 2018 ບັນລຸ 892 ລ້ານ​ໂດ​ລາ​ສະຫະລັດ ເພີ່ມ​ຂຶ້ນ 4,4% ທຽບໃສ່​ເວລາ​ດຽວ​ກັນ​ຂອງ​ປີ 2017.

 

ຂ່າວທີ່ກ່ຽວຂ້ອງ