ຂ່າວຫຼ້າສຸດ

ສ ອາ​ເມ​ຣິ​ກາ ປະກາດ​ການ​ລົງທຶນ​ເບື້ອງ​ຕົ້ນ​ຢູ່​ໃນ​ເຂດ​ມະຫາ​ສະໝຸດ​ອິນ​ເດຍ-ປາ​ຊີ​ຟິກ

199 06 ສ.ຫ. 2018 ຂ່າວຕ່າງປະເທດ
ສ ອາ​ເມ​ຣິ​ກາ ປະກາດ​ການ​ລົງທຶນ​ເບື້ອງ​ຕົ້ນ​ຢູ່​ໃນ​ເຂດ​ມະຫາ​ສະໝຸດ​ອິນ​ເດຍ-ປາ​ຊີ​ຟິກ

    ລັດຖະມົນຕີ​ການ​ຕ່າງປະເທດ ສ ອາ​ເມ​ຣິ​ກາ ໄມ ພອມ​ແພວ ແຈ້ງ​ໃຫ້​ຮູ້ເມື່ອ​ທ້າຍ​ເດືອນ ກໍລະກົດ​ທີ່​ຜ່ານ​ມາ​ວ່າ ສ ອາ​ເມ​ຣິ​ກາ ຈະ​ລົງທຶນ 113 ລ້ານ​ໂດ​ລາ​ສະຫະລັດ ເຂົ້າ​ໄປ​ໃນ​ແນວ​ຄວາມ​ຄິດ​ລິ​ເລີ່ມ ໃນ​ຂົງເຂດ​ເສດຖະກິດ​ດີ​ຈີ​​ຕອລ ເຕັກ​ໂນ​ໂລ​ຊີ ພະລັງງານ ແລະ ພື້ນຖານ​ໂຄງ​ລ່າງ ຂອງ​ພາກ​ພື້ນ​ມະຫາ​ສະໝຸດ​ອິນ​ເດຍ-ປາ​ຊີ​ຟິກ ຊຶ່ງ​ເປັນ​ສ່ວນ​ໜຶ່ງ ໃນ​ຍຸດ​ທະ​ສາດ​ຂອງ​ປະ​ນາ​ທິ​ບໍດີ ໂດ​ນາ​​ລ ທຣຳ ໃນ​ການ​ຊຸກຍູ້​ການ​ພົວພັນ​ກັບ​ບັນດາ​ປະເທດ ໃນ​ພາກ​ພື້ນ​ນັ້ນ.

    ທ່ານ ພອມ​ແພວ ກ່າວ​ຢູ່​ທີ່​ຫ້ອງການ​ການ​ຄ້າ ສ ອາ​ເມ​ຣິ​ກາ ກ່ອນ​ການ​ຢ້ຽມຢາມ ສິງກະໂປ ມາ​ເລ​ເຊຍ ແລະ​ອິນ​ໂດ​ເນ​ເຊຍ ວ່າ: “ເງິນ​ຈຳນວນ​ດັ່ງກ່າວ ເປັນ​ພຽງ​ບ້ວງ​ຊຳລະ​ກ່ອນ ໃຫ້​ແກ່ ສັກກະຫຼາດ​ໃໝ່ ກ່ຽວ​ກັບ​ການ​ປະກອບສ່ວນ ໃນ​ຂົງເຂດ​ເສດຖະກິດ​ຂອງ ສ ອາ​ເມ​ຣິ​ກາ ທີ່​ມີ​ຕໍ່​ສັນຕິພາບ ແລະ​ຄວາມ​ຈະເລີນ​ຮຸ່ງເຮືອງ ຂອງ​ພາກ​ພື້ນ​ມະຫາ​ສະໝຸດ​ອິນ​ເດຍ-ປາ​ຊີ​ຟິກ.”

    ໃນ​ບ້ວງ​ເງິນ​ລົງທຶນ​ດັ່ງກ່າວ ມີ 25 ລ້ານ​ໂດ​ລາ​ສະຫະລັດ ໃຊ້​ເພື່ອ​ເປີດ​ກວ້າງ ການ​ສົ່ງ​ອອກ​ເຕັກ​ໂນ​ໂລ​ຊີ​ຂອງ ສ ອາ​ເມ​ຣິ​ກາ ໄປ​ຍັງ​ພາກ​ພື້ນ​ດັ່ງກ່າວ ລວມ​ເຖິງ​ບ້ວງ​ເຕີມ​ເຕີມ​ເກືອບ 50 ລ້ານ​ໂດ​ລາ​ສະຫະລັດ​ໃນ​ປີ​ນີ້ ເພື່ອ​ຊ່ວຍເຫຼືອ​ປະເທດ​ຕ່າງໆ ໃນ​ການ​ຜະລິດ ແລະ ສະ​ສົມ​ແຫຼ່ງ​ພະລັງງານ​ຕ່າງ ກໍ​ຄື​ການ​ສ້າງ​ເຄືອ​ຂ່າຍ​ຊ່ວຍເຫຼືອ​ໃໝ່ ເພື່ອ​ຊຸກຍູ້​ການ​ພັດທະນາ​ພື້ນຖານ​ໂຄງ​ລ່າງ.

    ສ ອາ​ເມ​ຣິ​ກາ ປະກາດ ແນວ​ຄວາມ​ຄິດ​ລິ​ເລີ່ມ​ການ​ລົງທຶນ​ເຂົ້າ​ໃນ​ພາກ​ພື້ນ ມະຫາ​ສະໝຸດ​ອິນ​ເດຍ-ປາ​ຊີ​ຟິກ ທ່າມກາງ​ຄວາມ​ເຄັ່ງ​ຕຶງ​ທາງ​ດ້ານ​ການ​ຄ້າ ລະຫວ່າງ ສ ອາ​ເມ​ຣິ​ກາ ກັບ​ຈີນ ພວມ​ເພີ່ມ​ຂຶ້ນ ຊຶ່ງ​ພົວພັນ​ເຖິງ​ບັນຫາ​ພາສີ​ນຳ​ເຂົ້າ​ສິນຄ້າ.

 

ຂ່າວທີ່ກ່ຽວຂ້ອງ