ຂ່າວຫຼ້າສຸດ

ຊຸກຍູ້ພັດທະນາການທ່ອງທ່ຽວໃຫ້ແຂງແຮງ ບັນລຸເປົ້າໝາຍ

182 06 ສ.ຫ. 2018 ຂ່າວໜ້າ​ໜຶ່ງ
ຊຸກຍູ້ພັດທະນາການທ່ອງທ່ຽວໃຫ້ແຂງແຮງ ບັນລຸເປົ້າໝາຍ

    ເພື່ອ​ຊຸກ­ຍູ້ ແລະ ພັດ­ທະ­ນາ​ການ­ທ່ອງ­ທ່ຽວ​ໃຫ້​ແຂງ­ແຮງ ແລະ ບັນ­ລຸ​ເປົ້າ​ໝາຍ​ທີ່​ຂັ້ນ​ເທິງ​ກຳ­ນົດ​ໄວ້ ພະ​ແນກ ຖະ­ແຫຼງ​ຂ່າວ ວັດ­ທະ­ນະ­ທຳ ແລະ ທ່ອງ​ທ່ຽວ ນະ­ຄອນ­ຫຼວງ​ວຽງ​ຈັນ (ຖວ​ທ ນວ) ໄດ້​ຈັດ​ກອງ​ປະ­ຊຸມ​ເພື່ອ​ຊຸກ­ຍູ້​ສົ່ງ­ເສີມ​ການ­ທ່ອງ­ທ່ຽວ​ຂຶ້ນ​ວັນ​ທີ 3 ສິງ­ຫາ 2018 ທີ່ ພະ​ແນກ ຖວ​ທ ນວ ເປັນ​ປະ­ທານ​ຂອງ​ທ່ານ ຄຳ​ປະ­ດິດ ເຂັມ​ມາ­ນິດ ຫົວ­ໜ້າ​ພະ​ແນກ ຖວ​ທ ນວ ໃຫ້​ກຽດ​ເຂົ້າ​ຮ່ວມ​ຂອງ ທ່ານ ອຸ່ນ​ທວງ ຂາວ​ພັນ ຮອງ​ລັດ­ຖະ­ມົນ­ຕີ​ກະ­ຊວງ ຖວ​ທ ມີ​ບັນ­ດາ​ຫົວ­ໜ້າ ຮອງ​ຫົວ­ໜ້າ​ກົມ ຈາກ​ກະ­ຊວງ ຖວ​ທ ກະ­ຊວງ​ປ້ອງ​ກັນ​ຄວາມ​ສະ­ຫງົບ ປະ­ທານ​ສະ­ມາ­ຄົມ​ທຸ­ລະ​ກິດ​ທ່ອງ​ທ່ຽວ ໂຮງ­ແຮມ ຮ້ານ​ອາ­ຫານ ຜູ້­ອຳ­ນວຍ­ການ​ບໍ­ລິ­ສັດ​ທ່ອງ​ທ່ຽວ ແລະ ພາກ­ສ່ວນ​ກ່ຽວ­ຂ້ອງ

    ທ່ານ ຄຳ​ປະ­ດິດ ເຂັມ​ມາ­ນິດ ກ່າວ​ວ່າ: ສຳ­ລັບ​ການ­ທ່ອງ­ທ່ຽວ​ຢູ່ ນວ ໄດ້​ມີ​ບົດ­ບາດ​ສຳ­ຄັນ​ໃນ​ການ​ສ້າງ​ລາຍ​ຮັບ​ກໍ່​ຄື ການ​ປະ­ກອບ­ສ່ວນ​ເຂົ້າ​ໃນ​ການ​ພັດ­ທະ­ນາ​ເສດ­ຖະ­ກິດ-ສັງ­ຄົມ ອັນ​ທີ່​ເຫັນ​ໄດ້​ຢ່າງ​ກ້າວ​ກະ­ໂດດ​ເດັ່ນ​ແມ່ນ​ການ​ນຳ​ເງິນ­ຕາ​ຕ່າງ­ປະ­ເທດ ການ​ສ້າງ​ວຽກ​ເຮັດ​ງານ​ທຳ ການ​ກະ­ຈາຍ​ລາຍ​ໄດ້​ທົ່ວ​ສັງ­ຄົມ ທັງ​ເປັນ​ການ​ພົວ­ພັນ​ຂະ­ແໜງ­ການ​ຕ່າງໆ​ທີ່​ປິ່ນ​ອ້ອມ​ໃຫ້​ມີ​ຜົນ​ປະ­ໂຫຍດ​ຮ່ວມ​ກັນ ຈຶ່ງ​ເຫັນ​ໄດ້​ວ່າ​ມີ​ຄວາມ​ຈຳ­ເປັນ​ສຳ­ຄັນ​ໃນ​ການ​ພັດ­ທະ­ນາ​ສິ່ງ​ຮັບ­ຮອງ​ໃຫ້​ມີ​ຫຼາຍ​ຂຶ້ນ​ເປັນ­ຕົ້ນ: ແຫຼ່ງ​ທ່ອງ​ທ່ຽວ ລາຍ​ການ­ທ່ອງ­ທ່ຽວ​ໃໝ່ ສ້າງ​ໃຫ້​ເປັນ​ຈຸດ​ໂດດ​ເດັ່ນ ເພາະ​ເປັນ​ພື້ນ­ຖານ​ທີ່​ສຳ­ຄັນ​ໃນ​ການ​ດຶງ​ດູດ​ນັກ​ທ່ອງ​ທ່ຽວ​ມາ​ທ່ຽວ​ໃຫ້​ແກ່­ຍາວ​ເວ­ລາ​ໃນ​ການ​ພັກ​ແຮມ ແລະ ທ່ອງ​ທ່ຽວ​ຕໍ່ ໂດຍ​ສາ­ມາດ​ດຶງ​ລາຍ​ຮັບ​ຈາກ​ການ­ທ່ອງ­ທ່ຽວ​ໃຫ້​ສູງ​ຂຶ້ນ ອັນ​ແມ່ນ​ທິດ​ຊີ້​ນຳ​ຂອງ​ພັກ-ລັດ ໃນ​ການ​ສ້າງ​ນະ­ໂຍ­ບາຍ​ຈູງ​ໃຈ​ໄປ​ຄວບ​ຄູ່​ກັບ​ການ​ປະ ຕິ​ບັດ​ນະ­ໂຍ­ບາຍ​ການ​ພັດ­ທະ­ນາ ແລະ ສົ່ງ­ເສີມ​ການ­ທ່ອງ­ທ່ຽວ​ທາງ​ດ້ານ​ວັດ­ທະ­ນະ­ທຳ ທຳ​ມະ​ຊາດ ແລະ ປະ­ຫວັດ ສາດ ເວົ້າ​ລວມ ເວົ້າ​ສະ­ເພາະ ການ​ພັດ­ທະ­ນາ ແລະ ສົ່ງ­ເສີມ​ການ­ທ່ອງ­ທ່ຽວ​ຢູ່ ນວ ສຳ­ລັບ​ຕົວ​ເລກ 6 ເດືອນ​ຕົ້ນ​ປີ 2018 ມີ​ນັກ​ທ່ອງ​ທ່ຽວ​ເຂົ້າ​ມາ ນວ  813.343 ຄົນ ເພີ່ມ​ຂຶ້ນ 16,44% ຖ້າ​ທຽບ­ໃສ່​ໄລ­ຍະ​ດຽວ​ນັ້ນ​ຂອງ​ປີ­ຜ່ານ­ມາ  ເຊິ່ງ​ຕົວ​ເລກ​ແຜນ­ການ​ປີ 2018 ແມ່ນ 2 ລ້ານ​ເທື່ອ​ຄົນ ສ່ວນ​ປີ 2016 ແລະ ປີ 2017 ຕົວ​ເລກ​ນັກ​ທ່ອງ​ທ່ຽວ​ໄດ້​ຫຼຸດ​ລົງ​ສອງ​ປີ​ຊ້ອນ ນັ້ນ​ເກີດ​ຍ້ອນ​ຫຼາຍ​ສາ­ເຫດ​ຄື: ການ​ເດີນ­ທາງ​ເຂົ້າ​ຫາ​ຂອງ​ນັກ​ທ່ອງ​ທ່ຽວ​ຈາກ​ບັນ­ດາ​ປະ­ເທດ​ອາ ຊຽນ​ມີ​ທ່າ​ອ່ຽງ​ຫຼຸດ​ລົງ ໂດຍ​ສະ­ເພາະ ນັກ​ທ່ອງ​ທ່ຽວ​ຫວຽດ­ນາມ ແລະ ໄທ ເຊິ່ງ​ເກີດ​ຈາກ​ຫຼາຍ​ປັດ​ໄຈ ພ້ອມ​ດຽວ​ກັນ​ນັ້ນ​ນັກ​ທ່ອງ​ທ່ຽວ​ຈາກ​ກຸ່ມ​ປະ­ເທດ​ເອີ​ຣົບ ແລະ ອາ​ເມ​ຣິ​ກາ ມີ​ທ່າ​ອ່ຽງ​ຫຼຸດ​ລົງ​ຍ້ອນ​ສະ­ພາບ​ຄວາມ​ສົມ​ດຸນ​ໝັ້ນ​ທ່ຽງ​ທາງ​ເສດ­ຖະ­ກິດ-ການ​ເງິນ ຄວາມ​ສັບ­ສົນ​ທາງ​ດ້ານ​ການ­ເມືອງ ໄພ​ຄຸກ​ຄາມ​ຈາກ​ຜູ້​ກໍ່​ການ​ຮ້າຍ ແລະ ໄພ​ວ່າງ​ງານ ເພື່ອ​ແກ້​ບັນ­ຫາ​ດັ່ງ­ກ່າວ​ຈຶ່ງ​ໄດ້​ຈັດ​ກອງ​ປະ­ຊຸມ​ຄັ້ງ​ນີ້​ຂຶ້ນ​ເພື່ອ​ປະ­ສານ​ສົມ­ທົບ​ຢ່າງ​ແຂງ­ແຮງ ການ​ມີ​ສ່ວນ​ຮ່ວມ​ຂອງ​ພາກ​ລັດ ແລະ ພາກ​ທຸ­ລະ​ກິດ ສຸມ​ໃສ່​ເຮັດ​ຢ່າງ​ຕັ້ງ­ໜ້າ ແລະ ສູ້​ຊົນ​ຈົນ​ສຸດ​ຄວາມ​ສາ­ມາດ ແກ້​ໄຂ ແລະ ຈັດ​ຕັ້ງ​ກິດ­ຈະ­ກຳ​ຕ່າງໆ​ໃຫ້​ເປັນ​ຈຸດ​ດຶງ​ດູດ​ນັກ​ທ່ອງ​ທ່ຽວ.

ຂ່າວທີ່ກ່ຽວຂ້ອງ