ຂ່າວຫຼ້າສຸດ

ມີ​ຜູ້​ເສຍ​ຊີວິດ 262.000 ຄົນ ຈາກ​ການ​ພິພາດ​ເປັນ​ເວລາ 60 ປີ ຢູ່​ໃນ​ໂກ​ລົມ​ບີ

173 06 ສ.ຫ. 2018 ຂ່າວຕ່າງປະເທດ
ມີ​ຜູ້​ເສຍ​ຊີວິດ 262.000 ຄົນ ຈາກ​ການ​ພິພາດ​ເປັນ​ເວລາ 60 ປີ ຢູ່​ໃນ​ໂກ​ລົມ​ບີ

      ບົດ​ລາຍ​ງານ​ຂອງ​ສູນ​ຄວາມ​ຊົງ​ຈຳ​ກ່ຽວ​ກັບ​ປະຫວັດສາດ​ແຫ່ງ​ຊາດ​ໂກ​ລົມ​ບີ ແຈ້ງ​ໃຫ້​ຮູ້ເມື່ອ​ວັນ ທີ 2 ສິງຫາ​ນີ້​ວ່າ ມີ​ຜູ້​ເສຍ​ຊີວິດ 262.000 ຄົນ ແລະ​ ຫາຍ​ສາບ​ສູນ 80.514 ຄົນ​ຈາກ​ການ​ພິພາດ ດ້ວຍ​ອາວຸດ​ຕະຫຼອດ 60 ປີ​ທີ່​ຜ່ານ​ມາ ຢູ່​ໃນ​ໂກ​ລົມ​ບີ.

    ຕົວ​ເລກ​ຈາກ​ບົດ​ລາຍ​ງານ​ດັ່ງກ່າວ​ໃຫ້​ຮູ້​ວ່າ ໃນ 60 ປີຜ່ານມາ ຢູ່​ໂກ​ລົມ​ບີ ໄດ້​ເກີດ​ເຫດການ ລັກ​ພາ​ຕົວ 37.000 ລາຍ ເກີດ​ເຫດການ​ສັງຫານ​ໂຫດ 24.000 ກວ່າ​ລາຍ ມີ​ເດັກນ້ອຍ 18.000 ຄົນ ຖືກ​ບີບ​ບັງຄັບ​ໃຫ້​ເຂົ້າ​ຮ່ວມ​ກຸ່ມ​ປະກອບ​ອາວຸດ​ຕ່າງໆ ແລະ​ມີ 15.000 ຄົນ ເປັນ​ຜູ້​ໄດ້​ຮັບ​ເຄາະ​ຮ້າຍ​ຈາກ​ຄວາມ​ຮຸນ​ແຮງ​ທາງ​ເພດ. ໃນ​ຈຳນວນ​ຜູ້​ເສຍ​ຊີວິດ​ນັ້ນ ເປັນ​ສາມັນ​ຊົນ ຈຳນວນ​ຫຼາຍ ໂດຍ​ກວມ​ເອົາ​ປະມານ 215.000 ຄົນ ແລະ​ພົນທະຫານ​ເກືອບ 47.000 ຄົນ.  ບັນດາ​ກຸ່ມ​ເຄິ່ງ​ການ​ທະຫານ​ຖືກ​ຖື​ວ່າ​ເປັນ​ຕົວ​ການ ໃນ​ການ​ກໍ່​ເຫດ​ເປັນ​ສ່ວນ​ໃຫຍ່ ໃນ​ການ​ໂຈມ​ຕີ ທີ່​ເຮັດ​ໃຫ້​ມີ​ຜູ້​ເສຍ​ຊີວິດ​ດັ່ງກ່າວ.

    ບົດ​ລາຍ​ງານ​ທີ່​ມີ​ອອກ​ມາ​ນັ້ນ ເປັນ​ຜົນ​ມາ​ຈາກ​ການ​ສືບສວນ​ສອບ​ສວນ 80 ລາຍການ ທີ່​ດຳເນີນ​ການ​ໂດຍ​ສູນ​ຄວາມ​ຊົງ​ຈຳ​ກ່ຽວ​ກັບ​ປະຫວັດສາດ​ແຫ່ງ​ຊາດ​ໂກ​ລົມ​ບີ ດ້ວຍ​ຈຸດປະສົງ​ກໍ​ແມ່ນ ເພື່ອ​ເບິ່ງ​ຄືນ​ເຖິງ​ລະດັບ​ຂອງ​ເລື່ອງ​ທີ່​ເກີດ​ຂຶ້ນ ໃນ​ໄລຍະ​ເວລາ​ແຕ່​ປີ 1958 - 2018.

 

ຂ່າວທີ່ກ່ຽວຂ້ອງ