ຍິງປືນກຳນົດຊີງ 36 ຫຼຽນຄຳ ໃນຊຽງຂວາງເກມ

126 03 ສ.ຫ. 2018 ວົງຈອນກີລາ
ຍິງປືນກຳນົດຊີງ 36 ຫຼຽນຄຳ ໃນຊຽງຂວາງເກມ

   ທ່ານ ລຳ​ພຽງ ພົມ​ມະ​ກອງ ຮອງ​ປະ­ທານ​ສະ­ຫະ­ພັນ​ຍິງ​ປືນ ແຫ່ງ​ຊາດ​ລາວ ແຈ້ງ​ໃຫ້​ຊາບ ວ່າ: ສຳ­ລັບ​ການ​ຫ້າງ​ຫາ​ກະກຽມ​ຄວາມ​ພ້ອມ​ຈັດ­ການ​ແຂ່ງ ຂັນ​ກີ­ລາ​ຍິງ​ປືນ​ໃນ​ງານ​ມະ​ຫະກຳ​ກີ­ລາ​ແຫ່ງ​ຊາດ ຄັ້ງ​ທີ 11 ຫຼື ຊຽງ​ຂວາງ​ເກມ ທີ່​ແຂວງ​ຊຽງ​ຂວາງ​ຮັບ​ກຽດ​ເປັນ​ເຈົ້າ­ພາບ​ໃນ​ວັນ​ທີ 11-21 ພະ­ຈິກ 2018 ສະ ຫະ​ພັນ​ຍິງ​ປືນ​ແຫ່ງ​ຊາດ​ລາວ​ໄດ້​ມີ​ການ​ວາງ​ແຜນ​ຢ່າງ​ຮອບ ດ້ານ​ໂດຍ​ໄດ້​ມີ​ການ­ຈັດ­ຕັ້ງ ແລະ ແບ່ງ​ໜ້າ­ທີ່​ຄວາມ​ຮັບ­ຜິດ­ຊອບ​ອອກ​ຢ່າງ​ລະ­ອຽດ ພ້ອມ​ທັງ​ໄດ້ ໄປ​ກວດ­ກາ​ຄວາມ​ພ້ອມ​ສະ ໜາມ​ກີ­ລາ​ຍິງ​ປືນ​ຢູ່​ທີ່​ແຂວງ​ດັ່ງ ກ່າວ ເຊິ່ງ​ກຳ­ລັງ​ທຳ​ການ​ກໍ່­ສ້າງ ປັດ­ຈຸ­ບັນ​ມີ​ຄວາມ​ພ້ອມ 90% ເຖິງ​ຢ່າງ­ໃດ​ກໍ່​ດີ​ອີງ​ຕາມ​ການ​ແຈ້ງ​ເຈດ​ຈຳ­ນົງ​ຂອງ​ແຕ່​ລະ​ແຂວງ​ເຂົ້າ​ຮ່ວມ​ແຂ່ງ­ຂັນ​ຊຽງ​ຂວາງ​ເກມ​ນີ້ ມີ​ຫຼາຍ​ພາກ­ສ່ວນ​ເຂົ້າ​ຮ່ວມ​ແຂ່ງ­ຂັນ​ຫຼາຍ​ກວ່າ​ທຸກ​ຄັ້ງ​ຜ່ານ​ມາ ເຊິ່ງ​ມີ 6 ແຂວງ​ຄື: ແຂວງ​ຄຳ​ມ່ວນ ສະ­ຫວັນ​ນະ​ເຂດ ສາ­ລະ​ວັນ ອັດ​ຕະ​ປື ຫຼວງ​ພະ​ບາງ ຫຼວງ​ນ້ຳ​ທາ ເຈົ້າ­ພາບ​ຊຽງ​ຂວາງ ແລະ ນະ­ຄອນ­ຫຼວງ​ວຽງ​ຈັນ ພ້ອມ​ກັບ​ກະ­ຊວງ​ປ້ອງ​ກັນ​ປະ­ເທດ ຫຼື ກອງ­ທັບ ແລະ ກະ­ຊວງ​ປ້ອງ​ກັນ​ຄວາມ​ສະ­ຫງົບ (ປກສ).

   ທ່ານ​ແຈ້ງ​ອີ​ກວ່າ: ການ​ແຂ່ງ ຂັນ​ຍິງ​ປືນ​ຊຽງ​ຂວາງ​ເກມ ຈະ​ໄດ້​ມີ​ການ​ຊີງ​ທັງ​ໝົດ 36 ຫຼຽນ​ຄຳ ໃນ 28 ລາຍ­ການ ເຊິ່ງ​ມີ​ປະ­ເພດ​ປືນ​ສັ້ນ-ປືນ​ຍາວ​ອັດ​ລົມ ປືນ​ສັ້ນ​ມາດ­ຕະ­ຖານ ແລະ ປືນ​ປະ­ເພດ​ຕ່າງໆ ທັງ​ປະ­ເພດ​ບຸກ­ຄົນ​ຊາຍ-ຍິງ ຫຼັງ​ພິ­ທີ​ເປີດ​ງານ​ຊຽງ​ຂວາງ​ເກມ ຢ່າງ​ເປັນ​ທາງ​ການ ໃນ​ວັນ​ທີ 11 ພະ­ຈິກ 2018 ແລະ ວັນ​ທີ 12 ພະ­ຈິກ 2018 ຈະ​ເລີ່ມ​ແຂ່ງ­ຂັນ​ຢ່າງ​ເປັນ​ທາງ​ການ​ໂດຍ 28 ລາຍ­ການ​ດັ່ງ­ກ່າວ​ໄດ້​ມີ​ການ​ກຳ­ນົດ​ເງື່ອນ­ໄຂ​ນັກ­ກີ­ລາ​ຜູ້​ໜຶ່ງ​ສາ­ມາດ​ລົງ​ແຂ່ງ­ຂັນ​ໄດ້​ບໍ່​ເກີນ 3 ລາຍ­ການ ແລະ ນັກ­ກີ­ລາ​ທີມ​ຊາດ​ສາ­ມາດ​ເຂົ້າ​ຮ່ວມ​ແຂ່ງ­ຂັນ​ໄດ້ ສ່ວນ​ອີກ 8 ລາຍ­ການ​ແມ່ນ ປະ­ເພດ​ປືນ​ເປົ້າ​ເລື່ອນ ຫຼື ປືນ​ລັນ​ນິງ​ທາ​ເກັດ ປະ­ເພດ​ທີມ ແລະ ດ່ຽວ​ທັງ​ຊາຍ ແລະ ຍິງ​ນັ້ນ​ແມ່ນ​ຈະ​ມາ​ແຂ່ງ­ຂັນ​ຢູ່​ທີ່​ສະ­ໜາມ​ກີ ລາ​ຍິງ​ປືນ​ແຫ່ງ​ຊາດ (ຫຼັກ16) ນະ­ຄອນ­ຫຼວງ​ວຽງ​ຈັນ 8 ລາຍ ການ​ນີ້​ກຳ­ນົດ​ຫ້າມ​ນັກ­ກີ­ລາ​ທີມ​ຊາດ​ເຂົ້າ​ຮ່ວມ ທັງ​ນີ້ ເພື່ອ​ເປັນ​ການ​ຫຼີກ​ທາງ​ໃຫ້​ນັກ­ກີ­ລາ​ຍິງ​ປືນ​ນ້ອງ​ໃໝ່ ສາ­ມາດ​ແຈ້ງ​ເກີດ​ໃນ​ການ​ສ້າງ​ຜົນ­ງານ​ເພື່ອ​ຕິດ​ທີມ​ຊາດ.

ຂ່າວທີ່ກ່ຽວຂ້ອງ